হাইদ্রবাদতা ভেক্সিন পুথোক্লিবা অদু য়েংশিন্নবা ঙসি হোম এফিয়র্সকী রাজ্য মন্ত্রী শ্রী জি. কিশন রেদ্দীগা লোইননা কেমিকেল্স অমসুং ফর্তিলাইজর্সকী রাজ্যগী মন্ত্রী শ্রী মনসুখ মন্দাবিয়ানা ভারত বাইওতেখকী ভেক্সিন মেনুফেকচরিং অমসুং বাইও সেফতী লেবেল-৩ ফেসিলিতীদা চৎখ্রে৷ ফার্মক্যুতিকেল্স দিপার্তমেন্তগী সেক্রেতরী শ্রীমতি এস. অপর্নসু শরুক য়াখি৷

থৌরম অসিদা ৱা ঙাংলদুনা শ্রী মন্দাবিয়ানা প্রধান মন্ত্রী শ্রী নরেন্দ্র মোদীগী লুচিং মখাদা সরকার অসিনা মীয়াম পুম্নমক্তা ভেক্সিন ফংহন্নবগীদমক ঐখোয়গী ভেক্সিন দিবেলপরশিং অমসুং মেনুফেকচরর পুম্নমক্তা মতেং পাংলি হায়না ফোংদোকখ্রে৷

ভেক্সিনশিং অসি চাং ৱাংনা পুথোক্নবা মেনুফেকচররশিং অসিগা মন্ত্রীশিং অসিগসু খন্ন-নৈনখি৷

নুমিৎ অদুদা, ভারত লৈবাক অসিদা শাজবা কোবিদ-১৯ ভেক্সিনশিংগী মনুংদা অমা ওইরিবা-‘কোর্বিবেক্স’কী ভেক্সিন দিবেলপর, বাইওলোজিকেল ই লিমিতেদতা মন্ত্রীশিংনা চৎখ্রে৷

Had a fruitful visit to @Biological_E Ltd, the Vaccine developer of 'Corbevax'-One of the indigenous COVID-19 Vaccines of India.

Reviewed Government of India’s support for boosting production to ensure #VaccineForAll pic.twitter.com/14CF8Eq9Gj

— Mansukh Mandaviya (@mansukhmandviya) June 27, 2021

রসিয়াদগী লৌশিনগদৌরিবা সিঙ্গল শোত কোবিদ-১৯ ভেক্সিন ‘স্পুতনিক লাইত’কী স্তেতস্কী মতাংদা মখোয়না দা. রেদ্দীগী তীমগা মীফম অমা পাংথোকখ্রে৷ স্পুনিক ভেক্সিন লৈবাক অসিদা পুথোকচনবা তীম অসিনা মন্ত্রীশিংদা হায়খ্রে৷

*****