نئی دلّی ، 23 جون / برکس ممالک نے 11 ویں برکس  ایس اینڈ ٹی اسٹیرنگ کمیٹی کی میٹنگ میں  اختراعات میں تعاون پر اتفاقِ رائے سے رضامندی ظاہر کی ہے ۔  بھارت کی جانب سے پیش کی گئی ، اِس تجویز پر تفصیلی ایکشن پلان کے لئے برکس سائنس ، ٹیکنا لوجی اینڈ انّوویشن انٹرپرینیور شپ ( ایس ٹی آئی ای پی ) میں غور کیا جائے گا ۔

         برکس  اختراعات میں تعاون 2021-2024 کے نظریاتی نوٹ اور ایکشن پلان  پر 22 جون ، 2021 ء کو منعقدہ میٹنگ میں تبادلۂ خیال کیا گیا  ۔ یہ میٹنگ برکس سائنس ، ٹیکنا لوجی اور انّوویشن  ( ایس ٹی آئی ) کی سرگرمیوں کے  منصوبے کے نفاذ کا جائزہ لینے کے لئے منعقد کی گئی تھی ۔ تبادلۂ خیال میں  برکس ینگ سائنٹس کنکلیو ، برکس سینئر آفیشیل میٹنگ اور برکس سائنس اینڈ ٹیکنا لوجی  وزارتی میٹنگ   ،  بھارت کے ٹیکنالوجی سمٹ میں   برکس ساجھیداری اور  تجاویز 2021 کو بھی شامل کیا گیا ۔  اس میں  برکس ملکوں کی سائنس کی وزارتوں کے  نمائندوں نے شرکت کی ۔

         حکومتِ ہند کے سائنس اور ٹیکنا لوجی کےمحکمے کی میزبانی میں  منعقدہ میٹنگ  کی قیادت   ایڈوائزار اور بین الاقوامی تعاون کے سربراہ سنجیو کمار وارشنی نے کی ۔ اس میں صنعت اور بین الاقوامی تجارت کے محکمے اور کنفیڈریشن آف انڈین انڈسٹری ، سی آئی آئی کے نمائندوں نے بھی شرکت کی ۔ اس میٹنگ کا انعقاد  وزارتی سطح کی میٹنگ اور  برکس سربراہ اجلاس سمیت مختلف  میٹنگوں کے ایک حصے کے طور پر کیا گیا تھا ۔

بھارت نے  جنوری ، 2021 ء میں برکس  کی صدارت سنبھالی  ہے اور یہ  13 سے 16 ستمبر، 2021 ء میں برکس  نو جوان سائنس دانوں کی چھٹی کنکلیو  کی میزبانی کرے گا ۔ بھارت کی تجویز کے مطابق ، اِس کنکلیو کے موضوعات میں حفظانِ صحت ، توانائی   کے حل  اور سائبر  فزیکل سسٹم شامل ہیں ۔  اس کنکلیو کا اعلان  جولائی کے پہلے ہفتے میں کیا جائے گا ۔

۔۔۔۔ ۔۔۔۔۔۔۔۔۔ ۔ ۔ ۔

( ش ح ۔ و ا  ۔ ع ا ۔23.06.2021 )

U.No. 5825