نئی دلّی ، 23 جون / ایک اور اہم پیش رفت  حاصل کرتے ہوئے بھارت  میں  ٹیکہ  کاری کی مجموعی تعداد کل 29 کروڑ سے تجاوز کر گئی ہے   ۔ آج صبح 7 بجے تک موصولہ عبوری  رپورٹ کے مطابق  3949630 سیشن کے ذریعے  کل  294639511 ٹیکے لگائے جا چکے ہیں  ۔ 24 گھنٹے کے دوران 5424374 ٹیکے لگائے گئے ۔

         اس میں مندرجہ ذیل شامل ہیں :

         کووڈ – 19 ویکسین سبھی کو لگانے کا  نیا مرحلہ 21 جون ، 2021 ء کو شروع ہوا ہے ۔ مرکزی حکومت   ٹیکہ کاری کی رفتار کو بڑھانے اور پورے ملک میں ، اِس کے دائرے کو وسیع کرنے کے لئے عہد بستہ ہے ۔

         بھارت میں  پچھلے 24  گھنٹے کے دوران 50848 نئے  متاثرہ مریضوں  کی اطلاع ہے ۔

         اب مسلسل  16 ویں دن  نئے معاملات کی  یومیہ  تعداد 1 لاکھ سے کم ہے ۔  یہ  مرکز اور ریاستوں  / یو ٹی  کی پائیدار اور مشترکہ  کوششوں کا نتیجہ  ہے ۔

         بھارت میں زیر علاج مریضوں کی تعداد میں بھی  مسلسل کمی آ رہی ہے ۔ آج  پورے ملک میں  زیر علاج مریضوں کی تعداد  643194 درج کی گئی ہے     ، جو 82 دنوں میں سب سے کم ہے ۔

         گذشتہ 24 گھنٹے کے دوران  کل  19327 کی کمی آئی ہے اور  اب  زیر علاج مریضوں کی تعداد  ملک میں متاثر پائے جانے والے  کل مریضوں کی تعداد کا 2.14 فی صد ہے ۔

         ایسے میں ، جب کہ  کووڈ – 19 انفیکشن سے   زیادہ لوگ صحت یاب ہو رہے ہیں  ، بھارت میں  یومیہ صحت یاب ہونے والوں کی تعداد مسلسل 41 ویں دن بھی   یومیہ نئے  معاملات سے زیادہ ہے ۔ گذشتہ 24 گھنٹے کے دوران  68817 افراد صحت یاب ہوئے ہیں ۔

         یومیہ نئے معاملات کے مقابلے گذشتہ 24 گھنٹے کے دوران  تقریباً 18000 ( 17969 ) افراد صحت یاب ہوئے ہیں ۔

         عالمی وباء کے آغاز سے اب تک  متاثر ہونے والے  کل 28994855 افراد پہلے ہی کووڈ – 19 سے صحت یاب ہو چکے ہیں اور  پچھلے 24 گھنٹے کے دوران 68817 مریض  صحت یاب ہوئے ہیں ۔  اس سے ظاہر ہوتا ہے کہ   صحت یابی کی مجموعی شرح  96.56 فی صد ہے اور اس میں مسلسل اضافے کا رجحان ہے ۔

         پورے ملک میں ٹسٹ کرنے کی صلاحیت میں قابلِ قدر اضافے کے ساتھ پچھلے 24 گھنٹے کے دوران کل 1901056 ٹسٹ  کئے گئے۔ اب تک  بھارت میں مجموعی طور پر  39.59 کروڑ (395973198 ) ٹسٹ کئے جا چکے ہیں ۔ 

         ایسے میں ، جب کہ  پورے ملک میں  ٹسٹ کرنے کی صلاحیت میں اضافہ کیا گیا ہے ،  جانچ میں مثبت  پائے جانے والوں  کی ہفتہ وار تعداد میں مسلسل کمی آ رہی ہے ۔  سردست ، مثبت پائے جانے والی  ہفتہ وار شرح  3.12 فی صد ہے ، جب کہ مثبت پائے جانے والے ٹسٹ کی یومیہ شرح آج 2.67 فی صد رہی ۔ یہ شرح اب مسلسل 16 ویں دن بھی 5 فی صد سے کم رہی ہے ۔ 

۔۔۔۔ ۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔  ۔۔۔ ۔ ۔ ۔۔۔۔۔۔۔۔۔۔۔۔۔۔۔۔ ۔۔ ۔ ۔۔۔۔۔۔۔ ۔ ۔

( ش ح ۔ و ا  ۔ ع ا ۔23.06.2021 )

U.No. 5824