ঙসি হকশেল অমসুং য়াইফ য়ুম্বাল মন্ত্রালয়গী কেন্দ্রগী মন্ত্রী দা. হার্শ বর্ধননা কেন্দ্রগী হকশেল মন্ত্রালয়দা লৈরিবা ফ্রন্তলাইন ৱার্করশিংগী মরক্তা মাস্কশিং য়েন্থোকখ্রে৷ মসিগী খোঙথাং অসি সিম্বোলিক ওইখ্রবা তারবসু, তোঙান তোঙানবা ইন্দস্ত্রীশিং, কোর্পোরেত হাউসশিংদগী শরুক য়ারিবা মীওইশিং অমসুং ওফিস পাইরিবা অতোপ্পা পোলিতিকেল লিদরশিংনা মসিগী এক্সর্সাইস অসি মতৌ তমদুনা স্তেন্দর্দ ৱাংবা চেন অমা শেম্বা হৌবা য়ারগনি অমসুং অরোইবদা কোবিদ এপ্রোপ্রিয়েত বিহেবিয়র ইন্দুনা কোবিদ-১৯ অসিদগী মী খুদিংমক ঙাকথোক্নবা জন অন্দোলন অসিদা শরুক হেন্না য়ারগনি৷

ফ্রন্তলাইন ৱার্করশিংদগী হৌদুনা অতোপ্পা স্তাফশিং য়াওনা মন্ত্রালয় অসিদা লৈরিবা এমপ্লোইয়ী পুম্নমক্তা মাস্কশিং য়েন্থোকপা অসিনা হকশেল মন্ত্রালয়দা তৌরিবা এক্সর্সাইস অসিগী পান্দম্নি৷

থৌরম অসি করিগীদমক মহাক্কী থমোইদা অদুক্কী মতিক লুম্লিবনো হায়বা অসিগী মতাংদা শন্দোক্না তাক্লদুনা মহাক্না অসুম্না ফোংদোকখ্রে, “হৌখিবা চহিদা কোবিদ-১৯ অসি মাইথীবা পীননবা সরকার অসিনা লেপ্পা লৈতনা হোৎনখ্রে৷ ইকাই খুম্নরবা প্রধান মন্ত্রী শ্রী নরেন্দ্র মোদী জিগী লুচিং মখাদা, লৈবাক অসিদা লৈরিবা এক্তিব কেসলোদ অসি অসুক্কী মতিক নেম্না মাই পাক্না হন্থহনখ্রে৷ অদুমওইনমক, চহি অসিগী হৌরকপা শরুক্তা ভেক্সিনশিং লাকপদগী অমসুং থবক-থৌরমশিং হান্নগী মতৌগুম্না হঞ্জিল্লকপা অসিদা, মীয়ামশিংনা তপ্ন-তপ্ন কোবিদ এপ্রোপ্রিয়েত বিহেবিয়র ইল্লক্তদুনা চেকশিনবা ৱাৎলকখ্রে৷ ভাইরস অসিনা ম্যুতেদ তৌদুনা থোক্লকপা মতমদা, ঐখোয়গী ঐখোয়গী গার্দ হন্থহল্লে৷ মসি পুম্নমকশিং অসিনা মরম ওইদুনা অনিশুবা ৱেব অসি লাকখিবনি৷”

মখাতানা থৌরম অসিদা কেন্দ্রগী হকশেল মন্ত্রীনা অসুম্না ফোংদোকখ্রে, “ভারতগী মফম কয়া অমনা তপ্ন-তপ্ন সেকেন্দ ৱেব অসিদগী ফরকপা মতম অসিদা ঐখোয়না লাইচৎ অসিদগী চেকশিনদবা অমসুং মখাতানা অমুক হন্না কেস মশিং হেনগৎহন্দনবা হোৎনগদবনি৷”

কোরোনা-ভাইরসকী ভেরিয়েন্ত পুম্নমক্কী ওইনা মাস্কশিং অসিনা খ্বাইদগী লাইবা, খ্বাইদগী মতিক লৈবা অমসুং খ্বাইদগী শক্তি লৈবা খুৎলাইনি হায়না মহাক্না ফোংদোকখ্রে৷ কোর্পোরেত অমসুং ইন্দস্ত্রী লিদরশিং, সোসিয়েল ওর্গনাইজেসনশিং, অতোপ্পা মন্ত্রালয়শিংদা লৈরিবা মহাক্কী মরুপ-মপাংশিং অমসুং ওফিস্তা লৈরিবা অতোপ্পা পোলিতিকেল লিদরশিং য়াওনা কেপাসিতী খরদা থবক তৌদুনা লৈরিবা মীওই পুম্নমক্তা, মহাক্না অসুম্না ফোংদোকখ্রে “ঐখোয়গী এমপ্লোইয়ী পুম্নমক কোবিদতগী লাপনা থম্ননবা ঐখোয় পুম্নমক্না হোৎনগদবনি ৷ ঐখোয়না মখোয় পুম্নমক্তা মাস্কশিং মতিক চানা ফংহন্দুনা মাস্কশিং অসি নিংথিনা নিয়ম চুম্না শিজিন্নহনগদবনি অমসুং তঙাই ফদনা কোবিদ এপ্রোপ্রিয়েত বিহেবিয়রগী মতাংদসু মখোয়দা খঙহনগদবনি৷ মখোয়শিং অসি ভেক্সিন কাপথোক্নবসু ঐখোয়না পুক্নিং থৌগৎপীগদবনি৷”

আই.আর.সি.এস.না ১৯২০দগী হৌদুনা মীয়ামশিং মতেং পাংবা হৌখ্রে অমসুং হ্যুমেনিতরিয়ন এন্দিবরশিংগী মমল লৈরবা পুৱারি লৈ৷ ইন্দিয়ন রেদ ক্রোস সোসাইতীগী থবক অসি দিজাস্তরশিং অমসুং ইমর্জেন্সীশিং লাকপা মতম খক্তদা নত্তে, মসিনা চাং নাইনা তোঙান তোঙানবা সোসিয়েল দিবলপমেন্ত এক্তিবিতীশিংসু পাংথোক্লি৷ মালেমগী লৈবাকশিংদগী ফংলিবা এইদশিং অদু লৈবাক অসিগী অথাপ্পা মফমশিংদা য়েন্থেক্নবা সরকার অসিনা হোৎনরিবশিং অসিদা রেদ ক্রোসনা মতেং পাংলি৷ য়েন্থোক্ননবগীদমক হৌজিক হৌজিক লৈরিবা মাস্ককী শরুক অসি রেদ ক্রোস সোসাইতীনা পীবনি৷

ভেক্সিনশিং পুথোরক্তুনা কোবিদ-১৯ লাইচৎ লান্থেংনবা ঙমখিবা অসিগী মতাংদা ফোংদোক্লদুনা, সরকার অসিনা মালেম অসিদা খ্বাইদগী চাওবা ভেক্সিনেসন দ্রাইব মাংজৌননা পাংথোক্তুনা লৈবাক অসিদা লৈরিবা চহি ১৮গী মথক্তা লৈরিবা মীওই পুম্নমক্তা ভেক্সিন অসি লেম্না কাপথোক্তুনা দ্রাইব অসি হৌজিক্তি য়ুনিভর্সেলাইজ তৌননবা হোৎনরি৷ হৌজিক ফাওবদা লৈবাক অসিদা লৈরিবা ভেক্সিন কাপখিদ্রিবা মীওইশিং অথুবা মতমদা ভেক্সিনশিং অসি কাপথোক্নবা অমসুং কোবিদ-১৯গী মাইয়োক্তা জন অন্দোলন অসিদা শরুক য়াননবা মহাক্নসু হায়জরি৷

কেন্দ্রগী হকশেল সেক্রেতরী শ্রী রাজেশ ভুশন, এদিস্নেল সেক্রেতরী(হকশেল) শ্রীমতি আর্তি অহুজা অমসুং ইন্দিয়ন রেদ ক্রোস সোসাইতীগী সেক্রেতরী জেনেরেল শ্রী আর.কে. জেন্না থৌরম অসিদা শরুক য়াখি৷

******