ന്യൂഡൽഹി, ജൂൺ 18, 2021

രാജീവ് ഗാന്ധി ഖേൽ രത്‌ന അവാർഡുകൾ, അർജുന അവാർഡ്, ദ്രോണാചാര്യ അവാർഡ്, ധ്യാൻ ചന്ദ് അവാർഡ്, രാഷ്ട്രീയ ഖേൽ പ്രോത്സാഹൻ പുരസ്കാർ, മൗലാന അബുൾ കലാം ആസാദ് ട്രോഫി തുടങ്ങി 2021-ലെ കായിക പുരസ്കാരങ്ങൾക്കുള്ള അപേക്ഷകൾ/ശുപാർശകൾ കേന്ദ്ര യുവജനകാര്യ-കായിക മന്ത്രാലയം 2021 മെയ് 19, 20 തീയതികളിൽ ക്ഷണിച്ചിരുന്നു. മന്ത്രാലയത്തിന്റെ വെബ്‌സൈറ്റായ www.yas.nic.in ൽ വിജ്ഞാപനം അപ്ലോഡ് ചെയ്തിട്ടുണ്ട്.

നാമനിർദ്ദേശങ്ങൾ സ്വീകരിക്കുന്നതിനുള്ള അവസാന തീയതി 2021 ജൂൺ 21 ൽ നിന്നും 2021 ജൂൺ 28 ലേക്ക് (തിങ്കൾ) നീട്ടി. യോഗ്യതയുള്ള കായികതാരങ്ങൾ/പരിശീലകർ/സ്ഥാപനങ്ങൾ/ സർവ്വകലാശാലകളിൽ നിന്നുള്ള ശുപാർശകൾ/ അപേക്ഷകൾ അവാർഡിനായി ക്ഷണിക്കപ്പെടുന്നു. ഇവ surendra.yadav[at]nic[dot]in അല്ലെങ്കിൽ girnish.kumar[at]nic[dot]in എന്ന വിലാസത്തിലേക്ക് ഇ-മെയിൽ ചെയ്യേണ്ടതാണ്.

ഇന്ത്യൻ ഒളിമ്പിക്സ് അസോസിയേഷനുകൾ/ സ്പോർട്‌സ് അതോറിറ്റി ഓഫ് ഇന്ത്യ/അംഗീകൃത ദേശീയ സ്‌പോർട്‌സ് ഫെഡറേഷനുകൾ/സ്‌പോർട്‌സ് പ്രമോഷൻ ബോർഡുകൾ/ സംസ്ഥാന/കേന്ദ്രഭരണ പ്രദേശ ഗവൺമെൻറുകൾ എന്നിവയ്ക്ക് ഇതു സംബന്ധിച്ച അറിയിപ്പ് നൽകിയിട്ടുണ്ട്. 2021 ജൂൺ 28 ന് ശേഷം ലഭിക്കുന്ന നാമനിർദ്ദേശങ്ങൾ പരിഗണിക്കില്ല.