نئی دہلی، 17جون 2021:  نیشنل ہیلپ لائن اور رپورٹنگ پلیٹ فارم، سائبر فراڈ میں، دھوکہ دہی کے شکار افراد کے لئے، ایک ایسا طریقہ کار مہیا کرتا ہے جس میں وہ اپنی محنت سے کمائی جانے والی رقم کے نقصان کو روکنے کے لئے، اس طرح کے معاملات کی رپورٹ کر سکتے ہیں۔

محفوظ اور معتبر ڈیجیٹل ادائیگیوں کے ایکو سسٹم کی فراہمی کے لئے مودی سرکار کے عزم کا اعادہ کرتے ہوئے، مرکزی وزیر داخلہ جناب امت شاہ کی سربراہی میں وزارت داخلہ نے سائبر دھوکہ دہی کی وجہ سے ہونے والے مالی نقصان کو روکنے کے لئے، قومی ہیلپ لائن 155260 اور رپورٹنگ پلیٹ فارم کو فعال کر دیا ہے۔ نیشنل ہیلپ لائن اور رپورٹنگ پلیٹ فارم، سائبر فراڈ میں، دھوکہ دہی کے شکار افراد کے لئے ایک ایسا طریقہ کار مہیا کرتا ہے جس میں وہ اپنی محنت سے کمائی جانے والی رقم کے نقصان کو روکنے کے لئے، اس طرح کے معاملات کی رپورٹ کر سکتے ہیں۔

یکم  اپریل 2021 کوہیلپ لائن کی سافٹ شروعات کی گئی تھی۔ ہیلپ لائن 155260 اور اس کی رپورٹنگ پلیٹ فارم کو، ریزرو بینک آف انڈیا ( آر بی آئی) ، تمام بڑے بینکوں ، ادائیگی کے بینکوں ، ویلٹس اور آن لائن مرچنٹس کی فعال حمایت اور تعاون کے ساتھ، وزارت داخلہ کے تحت، ہندوستانی سائبر کرائم کوآرڈینیشن سینٹر (I4 سی) کے ذریعہ آپریشنلائزکیا گیا ہے۔

آئی ایف سی نے قانون نافذ کرنے والی ایجنسیوں اور بینکوں اور مالیاتی بیچولی اداروں کو مربوط کرنے کے لئے، I4 سی کے ذریعہ، شہریوں کے مالی سائبر فراڈ کی رپورٹنگ اور انتظامکا نظام اندرون ملک تیار کیا ہے۔ اس وقت اس کا استعمال 155260نمبر کے ساتھ  سات ریاستوں اور مرکزکے زیر انتظام علاقوں (چھتیس گڑھ ، دہلی ، مدھیہ پردیش ، راجستھان ، تلنگانہ ، اتراکھنڈ اور اتر پردیش) کے ذریعہ کیا جا رہا ہے جس سے ملک کی 35 فیصد سے زیادہ آبادی کا احاطہ ہوتا ہے۔ دھوکہ دہی کرنے والوں کے ذریعہ پیسوں کے ہیرا پھیری کو روکنے کے لئے، قومی پیمانے پر احاطہ کرنے کی غرض سے، دیگر ریاستوں میں اس خدمت کو شروع کرنے کے لئے کام جاری ہے۔ اس کےسافٹ کی شروعات کے بعد سے، دو مہینوں کے قلیل عرصے میں ہی،  155260کی ہیلپ لائن، 1.85 کروڑ روپے سے زیادہ رقم کودھوکہ دہی کرنے والوں کے ہاتھوں تک پہنچنے سے روکنےمیں کامیاب رہی ہے ، جس میں دہلی اور راجستھان کو بالترتیب58 لاکھ اور 55 لاکھ روپے کی بچت ہوئی ہے۔

یہ سہولت آن لائن دھوکہ دہی سے متعلق معلومات کو شیئر کرنے اور حقیقی وقت پر کارروائی کرنے کے لئے نئی دور کی ٹکنالوجیوں کو استعمال کرتے ہوئے، بینکوں اور پولیس، دونوں کو بااختیار بناتی ہے۔ دھوکہ دہی کے ذریعہ آن لائن دھوکہ دہی کے معاملات میں دھوکہ دہی سے ہونے والے پیسوں کے نقصان کو رقم کی ترسیل کا تعاقب کرکے اور اسے جعلساز کے ذریعہ ڈیجیٹل ماحولیاتی نظام سے نکالنے سے پہلے،اس کے مزید بہاؤ روکا جاسکتا ہے۔

ہیلپ لائن اور اس سے وابستہ پلیٹ فارم درج ذیل کام کے خطوط پر کام کرتے ہیں:

1. سائبر فراڈ کے متاثرین ہیلپ لائن نمبر155260، پر کال کر سکتے ہیں، جو متعلقہ ریاستی پولیس کے زیر انتظام اور زیر کنٹرول  ہوتاہے۔
2. پولیس آپریٹر دھوکہ دہی کے لین دین کی تفصیلات اور کال کرنے والے کی بنیادی ذاتی معلومات کو نوٹ کرتا ہے اور انہیں سٹیزن فنانشل سائبر فراڈز رپورٹنگ اینڈ مینجمنٹ سسٹم میں ایک ٹکٹ کی شکل میں داخل کرتا ہے۔
3. ٹکٹ متعلقہ بینکوں ، ویلٹس ، مرچنٹس کو بھیجا جاتا ہے، اور اسکے بعد یہ اس صورت حال پرمنحصر ہے کہ آیا وہ شکار کا بینک ہے یا وہ بینک / ویلٹ ہےجس میں دھوکہ دہی کردہ رقم جمع کی گئی ہے۔
4. شکایت کے اعتراف نمبر کے ساتھ متاثرہ شخص کو ایک ایس ایم ایس بھیجا جاتا ہے جس میں ہدایت کی جاتی ہے کہ قومی سائبر کرائم رپورٹنگ پورٹل (https://cybercrime.gov.in) پر دھوکہ دہی کی مکمل تفصیلات 24 گھنٹوں میں فراہم کریں اوراس میں اعتراف کا نمبر استعمال کریں۔
5. متعلقہ بینک ، جو، اب رپورٹنگ پورٹل پر اپنے ڈیش بورڈ پر ٹکٹ دیکھ سکتا ہے ، اپنے اندرونی نظام میں موجود تفصیلات کی جانچ پڑتال کرتا ہے۔
6. اگر دھوکہ بازی کی رقم ابھی بھی دستیاب ہے تو ، بینک اسے روک دیتا ہے ، یعنی ، دھوکہ دہندہ رقم نکال نہیں سکتا۔ اگر دھوکہ دہی والی رقم دوسرے بینک میں منتقل ہوگئی ہے تو ، ٹکٹ اس بینک میں چلا جاتا ہے جس میں پیسہ منتقل ہو گیا ہے۔ یہ عمل اس وقت تک دہرایا جاتا ہے جب تک کہ دھوکہ دہی کرنے والوں کے ہاتھوں تک رقم کو  جانے سے نہیں روک لیاجاتا ہے۔

فی الحال، ہیلپ لائن اور اس کے رپورٹنگ پلیٹ فارم میں، سبھی بڑے سرکاری اور نجی شعبے کے بینک موجود ہیں۔ قابل ذکربینکوں میں اسٹیٹ بینک آف انڈیا ، پنجاب نیشنل بینک ، بینک آف بڑودہ ، بینک آف انڈیا ، یونین بینک ، انڈس انڈ ، ایچ ڈی ایف سی بینک ، آئی سی آئی سی آئی بینک ، ایکسس ، یس اور کوٹک مہندرا بینک شامل ہیں۔ اس میں پے ٹی ایم ، فون پی ، موبی وک ، فلپ کارٹ اور ایمیزون جیسے تمام بڑے ویلٹس اور مرچنٹس بھی شامل ہیں۔

ہیلپ لائن اور رپورٹنگ پلیٹ فارم کی کامیابی کا اندازہ اس حقیقت سے لگایا جاسکتا ہے کہ متعدد مواقع پر ، دھوکہ دہی کی گئی رقم کو جعلسازوں تک پہنچنے سے روک دیا گیا ہے حالاں کہ اس کی ترسیلی سرگرمی کے تعاقب کو روکنے کے لئےاسے دھوکہ دہی کے ذریعہ پانچ مختلف بینکوں میں منتقل کیا گیا تھا۔

*****

U.No.5599

(ش ح - اع - ر ا)