য়ুমলৈ-কৈরৈ মন্ত্রালয়
মোদি সরকারনা শাফবা অমসুং সেক্যুর ওইবা দিজিতেল পেমেন্তশিংগী ইকো-সিস্তেম অমা ফংহন্নবা থাজবা পীখিবা অদু থবক ওইনা ওন্থোক্লদুনা কেন্দ্রগী গৃহ মন্ত্রালয়না গৃহ মন্ত্রী শ্রী অমিৎ শাহগী লুচিং মখাদা নেস্নেল হেল্পলাইন ১৫৫২৬০ অমসুং সাইবর ফ্রোদনা মরম ওইদুনা শেল-থুমগী অমাং অতা থোকপদগী ঙাকথোক্নবা রিপোর্তিং প্লেৎফোর্ম মথৌ তৌবা হৌহনখ্রে
নেস্নেল হেল্পলাইন অমসুং রিপোর্তিং প্লেৎফোর্ম অসিনা সাইবর ফ্রোদকী লাংদা থুখ্রবা মীওইশিংনা মখোয়না ৱানা তাঞ্জবা শেল অদু মাংদনবা অসিগুম্বা কেসশিং রিপোর্ত তৌনবা মেকানিজম অমা ফংহল্লি
Posted On:
17 JUN 2021 7:38PM by PIB Imphal
মোদী সরকারনা শাফনবা অমসুং সেক্যুর ওইনবা দিজিতেল পেমেন্তশিংগী ইকো-সিস্তেম অমা ফংহন্নবা থাজবা পীখিবা অদু থবক ওইনা ওন্থোক্লদুনা কেন্দ্রগী গৃহ মন্ত্রালয়না গৃহ মন্ত্রী শ্রী অমিৎ শাহগী লুচিং মখাদা নেস্নেল হেল্পলাইন ১৫৫২৬০ অমসুং সাইবর ফ্রোদনা মরম ওইদুনা শেল-থুমগী অমাং অতা থোকপদগী ঙাকথোক্নবা রিপোর্তিং প্লেৎফোর্ম মথৌ তৌবা হৌহনখ্রে। নেস্নেল হেল্পলাইন অমসুং রিপোর্তিং প্লেৎফোর্ম অসিনা সাইবর ফ্রোদকী লাংদা থুখ্রবা মীওইশিংনা মখোয়না ৱানা তানজবা শেল অদু মাংদনবা অসিগুম্বা কেসশিং রিপোর্ত তৌনবা মেকানিজম অমা ফংহল্লি।
হেল্পলাইন অসি এপ্রিল ০১, ২০২১দা সোফ লোঞ্চ তৌখি। হেল্পলাইন ১৫৫২৬০ অমসুং মসিগী রিপোর্তিং প্লেৎফোর্ম অসি রেজর্ব বেঙ্ক ওফ ইন্দিয়া (আর.বি.আই.), মরুওইবা বেঙ্ক পুম্নমক, পেমেন্ত বেঙ্কশিং, ৱালেৎশিং অমসুং ওনলাইন মর্চেন্তশিংদগী মতেং অমসুং কোওপরেসন চাউনা ফংবগা লোইননা গৃহ মন্ত্রালয়গী মখাদা ইন্দিয়ন সাইবর ক্রাইম কোওর্দিনেসন সেন্তর (আই.৪.সি.)না মথৌ তৌহনখ্রে।
সিতিজেন ফাইনান্সিএল সাইবর ফ্রোদ রিপোর্তিং এন্দ মেনেজমেন্ত সিস্তেম অসি লো এনফোর্সমেন্ত এজেন্সীশিং অমসুং বেঙ্কশিং অমদি ফাইনান্সিএল ইন্তরমেদিয়রীশিং পুনশিন্নবা আই.৪.সি.না ইন হাউস ওইনা দিবেলপ তৌখিবনি। হৌজিক্কী ওইনা মসি ১৫৫২৬০গা লোইননা রাজ্য তরেৎ অমসুং য়ুনিয়ন তেরিতোরীশিংদা (ছত্তিসগর, দিল্লী, মধ্য প্রদেশ, রাজস্থান, তেলঙ্গনা, উত্তরাখান্দ অমসুং উত্তরপ্রদেশ) শিজিন্নরি অমদি লৈবাক অসিগী মীশিংগী চাদা ৩৫ হেন্না কভর তৌরি। নমথাক তৌবশিংনা শেল লৌথোকপদগী ঙাকথোক্নবা পান-নেস্নেল কবরেজ তৌনবা অতৈ রাজ্যশিংদা রোল আউত তৌনবা থবক পাইখৎলি। মসিগী সোফ লোঞ্চ তৌখ্রবা মতুংদা থা অনিগী অতেনবা মতমগী মনুংদা হেল্পলাইন ১৫৫২৬০ অসিনা দিল্লী অমসুং রাজস্থানদা মথংশিৎনা লুপা লাখ ৫৮ অমসুং লাখ ৫৩ কলহৌবগা লোইননা নমথাক তৌবশিংগী মখুৎতা য়ৌখিগদবা নমথাক তৌদুনা লৌখ্রবা শেল লুপা করোর ১.৮৫ হেন্না কলহৌবা ঙমহৌখি।
ফেসিলিতী অসিনা ওনলাইন্দা নমথাক তৌবগা মরী লৈনবা ই-পাউ সিয়র তৌনবা অমসুং মতম চানা খোঙথাং লৌখৎনবা খ্বাইদগী অনৌবা তেক্নোলোজীশিং শিজিন্নদুনা বেঙ্কশিং অমসুং পুলিস অনিমক্তা শক্তি পীরি। নমথাক তৌরিবা মীওইশিংনা দিজিতেল ইকো-সিস্তেমদগী লৌথোক্ত্রিঙৈ মমাংদা শেল অদুগী খোঙ্গুল লিদুনা অমসুং মখা তানা লৌথোকপা থিংহৌরবা মতমদা ওনলাইন্দা নমথাক তৌবগী কেসশিংদা নমথাক তৌদুনা লৌখ্রবা শেল মাংবা অসি থিংবা ঙমগনি।
হেল্পলাইন অসি অমদি মসিগা মরী লৈনবা প্লেৎফোর্ম অসি পীরিবা ৱর্কফ্লো অসিদা চল্লাইরি:
-
- সাইবর ফ্রোদকী লাংদা থুংখ্রবা বিক্তিমশিংনা মরী লৈনবা রাজ্যগী পুলিসনা চল্লাইরিবা হেল্পলাইন নম্বর ১৫৫২৬০দা কোল তৌবা।
- পুলিস ওপরেতর অদুনা নমথাক তৌদুনা ত্রাঞ্জেক্সন তৌখিবগী অকুপ্পা ৱারোল অমসুং কোলর অদুগী মরু ওইবা পর্সনেল ইনফোর্মেসন লৌদুনা মদু সিতিজেন ফাইনান্সিএল সাইবর ফ্রোদস রিপোর্তিং এন্দ মেনেজমেন্ত সিস্তেমদা তিক্কেৎ অমগী মওংদা থাগৎখিগনি।
- বিক্তিম অদুগী বেঙ্ক নত্ত্রগা বেঙ্ক/ৱালেৎ অদুগী মখা পোন্না তিক্কেৎ অদুনা নমথাক তৌদুনা লৌথোকখ্রবা শেল অদুনা চৎখিবা মরী লৈনবা বেঙ্কশিং, ৱালেৎশিং, মর্চেন্তশিং অমসুং অতৈশিংদা য়ৌহনগনি।
- বিক্তিম অদুদা ৱাকৎ থাংগৎখিবগী একনোলেদজমেন্ত নম্বর অমা লোইননা হায়রিবা একনোলেদজমেন্ত নম্বর অসি শিজিন্নদুনা পুং ২৪গী মনুংদা নেস্নেল সাইবরক্রাইম রিপোর্তিং পোর্তেলদা (https://cybercrime.gov.in/) নমথাক তৌখিবগী মপুং ফাবা অকুপ্পা ৱারোল পীখৎনবা পাউতাকসু য়াওবা এস.এম.এস. অমা থাগনি।
- মরী লৈনবা বেঙ্কনা রিপোর্তিং পোর্তেলগী দেশবোর্দতা তিক্কেৎ থোরকপা অদু হৌজিক উরগনি, মখোয়গী ইন্তর্নেল সিস্তেমশিংদা অকুপ্পা ৱারোল চেক তৌগনি।
- করিগুম্বা নমথাক তৌদুনা লৌখ্রবা শেল অদু হৌজিকসু লৈরিবা ওইরগদি বেঙ্কনা মদু হোল্দদা থমগনি হায়বদি নমথাক তৌরিবা মীওই অদুনা শেল লৌথোকপা য়াহল্লোই। করিগুম্বা নমথাক তৌদুনা লৌখ্রবা শেল অদু অতোপ্পা বেঙ্ক অমদা চৎখিবা তারগনি তিক্কেৎ অদু শেল চৎখিবা মথংগী বেঙ্ক অদুদা থাগৎকনি। শেল অদুনা নমথাক তৌরিবশিংগী খুৎতা য়ৌবদগী কলহৌদ্রিবা ফাওবা থৌওং অসি হঞ্জিন-হঞ্জিন মখা চৎথগনি।
হৌজিক্কী ওইনা হেল্পলাইন অমসুং মখোয়গী রিপোর্তিং প্লেৎফোর্ম অসিদা মরুওইবা পব্লিক অমসুং প্রাইবেৎ সেক্তর বেঙ্কশিং হাপ্পি। পনবা য়াবা খরদি – স্তেৎ বেঙ্ক ওফ ইন্দিয়া, পঞ্জাব নেস্নেল বেঙ্ক, বেঙ্ক ওফ বরোদা, বেঙ্ক ওফ ইন্দিয়া, য়ুনিয়ন বেঙ্ক, ইন্দসইন্দ, ঐচ.দি.এফ.সি. বেঙ্ক, আই.সি.আই.সি.আই. বেঙ্ক, এক্সিস, য়েস অমসুং কোতাক মহিন্দ্রা বেঙ্ক অসিনি। মসিদা মখোয়গা লিঙ্ক তৌবা পেতি.এম., ফোনপে, মোবিকৱিক, ফ্লিপকার্ত অমসুং এমাজোনগুম্বা মরুওইবা ৱালেৎশিং অমসুং মর্চেন্তশিংসু য়াওরি।
থেংখাং কয়াদা নমথাক তৌখ্রবা শেল অদু নমথাক তৌরিবা অদুনা খোঙ্গুল লিবা ঙমদনবা তোঙান তোঙানবা বেঙ্ক মঙাদা চৎহনখ্রবা মতুংদা ফাওবা নমথাক তৌরিবশিং অদু য়ৌবদগী থিংহৌবা ঙমখিবা অসিনা হেল্পলাইন অমসুং রিপোর্তিং প্লেৎফোর্মগী মাই পাকপা অদু উৎলি।
*****
(Release ID: 1728080)
Visitor Counter : 225