ന്യൂഡൽഹി, ജൂൺ 17, 2021

രാജ്യത്തെ വിവിധ ഊർജക്ഷമത പരിപാടികളുടെയും, കാലാവസ്ഥാ വ്യതിയാന പ്രതിരോധ പ്രവർത്തനങ്ങളുടെ മുന്നൊരുക്കങ്ങളുടെയും പുരോഗതി, ഇന്നലെ വീഡിയോ കോൺഫറൻസ് വഴി കേന്ദ്ര ഊർജ- പുനരുപയോഗ ഊർജ വകുപ്പ് സഹമന്ത്രി ശ്രീ ആർ കെ സിംഗ് വിലയിരുത്തി.

കാർബൺഡയോക്സൈഡ് ബഹിർഗമനം, കുറയ്ക്കുക എന്ന ലക്ഷ്യത്തോടെ സമ്പദ്‌വ്യവസ്ഥയുടെ എല്ലാ മേഖലകളിലുമുള്ള ഊർജ്ജ കാര്യക്ഷമത പ്രവർത്തനങ്ങൾ യോഗത്തിൽ ചർച്ച ചെയ്തു. ഗതാഗതം, എം‌എസ്എംഇ, വൈദ്യുത പ്ലാന്റുകൾ തുടങ്ങിയ മലിനീകരണ തീവ്രത ഉള്ള മേഖലകളിൽ ശ്രദ്ധ കേന്ദ്രീകരിക്കാൻ ശ്രീ സിംഗ് നിർദ്ദേശിച്ചു.

രാജ്യത്തുടനീളം ഊർജ്ജ സംരക്ഷണ പദ്ധതികൾ നടപ്പാക്കുന്നതിനായി വികസിപ്പിച്ച  - റോഷനി (ROSHANEE) - പദ്ധതി പ്രകാരം ക്രമീകരിച്ചിരിക്കുന്ന പ്രവർത്തനങ്ങളെക്കുറിച്ച് അദ്ദേഹം ചർച്ച ചെയ്തു.

ഊർജ്ജം പാഴാക്കുന്നത് കുറയ്ക്കുന്നതിന്, ആവശ്യകത അടിസ്ഥാനമാക്കിയുള്ള സംരംഭങ്ങളിൽ ഉചിതമായ നടപടികൾ കൈക്കൊള്ളാനും, വ്യവസായമേഖലയിൽ, പ്രത്യേകിച്ച് എംഎസ്എംഇകളിൽ, കാർബൺ ബഹിർഗമനം കുറഞ്ഞ സാങ്കേതികവിദ്യകൾ വൻ തോതിൽ നടപ്പാക്കേണ്ടതുണ്ട് എന്നും അദ്ദേഹം മന്ത്രാലയങ്ങളോട് നിർദ്ദേശിച്ചു.

ഇലക്ട്രിക് വാഹനങ്ങൾ കൂടുതൽ പ്രോത്സാഹിപ്പിക്കാൻ അദ്ദേഹം എല്ലാ വകുപ്പുകളോടും നിർദ്ദേശിച്ചു.

ഇനിപ്പറയുന്ന നടപടികൾ സ്വീകരിക്കാനും ശ്രീ ആർ കെ സിംഗ് നിർദ്ദേശിച്ചു:

* വിവിധ മേഖലകളിൽ വൈദ്യുതീകരണം പ്രോത്സാഹിപ്പിക്കുന്നതിന് വിശദമായ കർമരേഖ തയ്യാറാക്കണം

* വൈദ്യുതിയുടെ ഹരിതവത്കരണം

* ഊർജ്ജ കാര്യക്ഷമത, കുറഞ്ഞ കാർബൺ സാങ്കേതികവിദ്യകൾ എന്നിവ സംബന്ധിച്ച കർമപദ്ധതി നടപ്പിലാക്കുന്നതിനായി എല്ലാ പ്രധാന മന്ത്രാലയങ്ങളിൽ നിന്നും അംഗങ്ങളുള്ള ഒരു സമിതി/സംഘം രൂപീകരിക്കണം

* ബ്യൂറോ ഓഫ് എനർജി എഫിഷ്യൻസിയുടെയും സംസ്ഥാനങ്ങളുടെയും സംഘടനാ ഘടന ശക്തിപ്പെടുത്തുക.

RRTN/SKY