ফুদ অমসুং পব্লিক দিস্ত্রিব্যুসন দিপার্তমেন্তগী সেক্রেতরী শ্রী সুধানশু পান্দেনা ঙসি “নাফেদ ফোর্তিফাইদ রাইস ব্রেন ওইল” ই-লোঞ্চ তৌখ্রে৷ থৌরম অসিদা, নাফেদনা পাইখৎলিবা মসিগী ইনিসিয়েতিব অসিনা মতুং তারকপদা লৈবাক অসিনা চানবা থাউদা মপান লৈবাকশিং অসিদা মখা পোন্দুনা লৈরিবা অসি হন্থহল্লগনি হায়না শ্রী সুধানশু পান্দেনা ফোংদোকখ্রে৷ মসিনা মখাতানা ভারত্তা চানবা থাউ পুথোক্লিবা মেনুফেকচররশিংদা খুদোংচাবশিং ফংহল্লগনি অমসুং প্রধান মন্ত্রীগী অত্মনির্ভর ভারত ইনিসিয়েতিবতা শাফু অমসু পীরগনি হায়নসু মহাক্না ফোংদোকখ্রে৷ মসিগী রাইস ব্রান ওইল অসি নাফেদ(নেস্নেল এগ্রীকল্চরেল কোওপরেতিব মার্কেতিং ফেদেরেসন ওফ ইন্দিয়া লিমিতেদ)না য়োল্লগনি৷

ফুদ সেফতী অমসুং স্তেন্দর্দস ওথোরিতী ওফ ইন্দিয়া(এফ.এস.এস.এ.আই.)গী চীফ এগজিক্যুতিব ওফিসর শ্রী অরুন সিঙ্গল, নাফেদকী মেনেজিং দাইরেক্তর শ্রী সঞ্জীব কুমার চাধা অমসুং ফুদ কোওপরেসন ওফ ইন্দিয়া(এফ.সি.আই.)গী চিয়রমেন অমসুং মেনেজিং দাইরেক্তর শ্রী অতিশ চন্দ্রসু ই-লোঞ্চ তৌবগী থৌরম অসিদা শরুক য়াখি৷

হন্দক্তা ইকুই কুইদ্রিঙৈদা ফোর্তিফাইদ রাইস কর্নেল অসি পুথোক্নবা অমসুং য়োন্নবগীদমক নাফেদ অমসুং এফ.সি.আই.গী মরক্তা য়ানা ৱারোল অমা শহি পীনখ্রে হায়না থৌরম অসিদা এফ.সি.আই.গী সি.এম.দি.না ফোংদোকখ্রে৷

মসিগী ইনিসিয়েতিব অসিনা নাফেদ ব্রান্দেদ হাই ক্বালিতী রাইস ব্রান ওইল য়াম্না লাইনা ফংহন্দুনা লৈবাক অসিগী ওইল মেনুফেকচরিং ইন্দস্ত্রীদা চাওনা কান্নবা পীরগনি হায়না নাফেদকী মেনেজিং দাইরেক্তর শ্রী সঞ্জীব কুমার চাধানা ফোংদোকখ্রে৷

রাইস ব্রান ওইল অসিদা ত্রান্স-ফেত কন্তেন্ত চাং নেম্না য়াওবা অমসুং মোনো অনসেচুরেতেদ অমসুং পোলী অনসেচুরেতেদ ফেত কন্তেন্তশিং চাং ৱাংনা য়াওবা অসিনা মরম ওইদুনা কোলেস্তিরোলগী চাং হন্থহনবা য়াওনা তোঙান তোঙানবা হেল্থ বেনিফিতশিং পীরি হায়না পনবা য়াই৷  মসিনা বুস্তর অমা ওইনসু মথৌ তৌই অমসুং বিতামিন ইগী চাং য়াম্না ৱাংনা য়াওবনা কেন্সর নারকপা য়াবগী খুদোংথিবা অদু হন্থহল্লি৷ মসিগী থাউ অসি অতোপ্পা চানবা থাউশিংগী খ্বাইদগী ফরবা সবস্তিত্যুতশিংগী মনুংদা অমনি হায়না অমেরিকান হর্ত এসোসিয়েসন অমসুং ৱার্লদ হেল্থ ওর্গনাইজেসন(দবল্যু.ঐচ.ও.)না রিকম্মেন্দ তৌই৷ নাফেদকী রাইস ব্রান ওইল অসি ফোর্তিফাইদ তৌরগনি অমসুং মসিদা অহেনবা ন্যুত্রিন্তশিং অমসুং বিতামিনশিং য়াওরমগনি হায়না য়েংশিল্লগনি৷ এফ.এস.এস.এ.আই.গী মতুং ইন্না, ফোর্তিফাইদ ওইলনা মীওই অমদা বিতামিন এ অমসুং দিগী রিকম্মেন্দেদ দাইতরী ইন্তেক্কী ২৫-৩০% পীরগনি৷ নাফেদ ফোর্তিফাইদ রাইস ব্রান ওইল অসি নাফেদ স্তোর পুম্নমক্তা অমসুং তোঙান তোঙানবা ওনলাইন প্লেতফোর্মশিংদসু ফংলগনি৷

*****