সিগনেলিং সিস্তেম্না ত্রেন ওপরেসন তৌবদা সেফ ওইহল্লি৷ ইন্দিয়ন রেলৱেজতা শিজিন্নদুনা লৈরিবা ইক্ব্যুইপমেন্তশিং অপগ্রেদ তৌবা অমসুং শিন্দোকপা অসি লেপ্পা লৈতনা চত্থবা থৌওং অমনি অমসুং হায়রিবা অসি লৈরিবা ফিভম, ওপরেসন তৌবগী তঙাই ফদবশিং অমসুং ফংলিবা রিসোর্চশিংগী মতুং ইন্না পাংথোকই৷

ত্রেন ওপরেসনদা মখাতানা হেন্না সেফ ওইহন্নবা অমসুং অহেনবা লাইন কেপাসিতী লৈহন্নবগীদমক, সিগনেলিং সিস্তেম মোদর্নাইস তৌরি অমসুং মসিগী মনুং চল্লিবশিং অদুদি -

১. সেফতী অমসুং ফ্লেক্সিবিলিতী হেনগৎননবা ইলেক্ত্রোনিক ইন্তরলোক্কিং(ই.আই.) হাপ্পা – ত্রেন ওপরেসনদা দিজিতেল তেক্নোলোজীশিংগী কান্নবশিং অদু লৌননবা অমসুং সেফতী হেনগৎননবা ইলেক্ত্রোনিক ইন্তরলোক্কিং পাক শন্না শিজিন্নরি৷ হৌজিক ৩০.০৪.২০২১ ফাওবদা স্তেসন ২২২১ ইলেক্ত্রোনিক ইন্তরলোক্কিং হাপতুনা ইন্দিয়ব রেলৱেজকী ৩৪% কোবর তৌখ্রে৷ মতুং তারকপদা ইলেক্ত্রোনিক ইন্তরলোক্কিং(ই.আই.) অসি হাপননবা পোলিসী দিসিজন অমসু লৌখৎখ্রে৷ মখাতানা, লাক্কদৌরিবা চহি ৩ অসিদা ই.আই. ১৫৫০ হাপননবা প্লান তৌরি৷ মসিনা ত্রেন ওপরেসনশিংদা হেন্না সেফ ওইহল্লগনি অমসুং ইফিসিয়েন্সী হেন্না লৈহল্লগনি৷

২. লাইন কেপাসিতী হেনগৎননবা ওতোমেতিক ব্লোক সিগনেলিং(এ.বি.এস.) – হৌজিক লৈরিবা ইন্দিয়ন রেলৱেজকী হাই দেন্স রুতশিং অসিদা ত্রেন হেন্না চেনবা য়ানবা লাইন কেপাসিতী হেনগৎননবগীদমক, ওতোমেতিক ব্লোক সিগনেলিং অসি কোস ইফেক্তিব ওইবা সোলুসন অমনি৷ ৩০.০৪.২০২১ ফাওবদা, রুত কি.মি. ৩৪৪৭তা ওতোমেতিক ব্লোক সিগনেলিং লৈহনখ্রে৷ দেন্সিতী ৱাংবা অমসুং ফ্রৈইত ইন্তেন্সিব রুকশিংগী আর.কি.মি. ১৫০০০রোমদা ওতোমেতিক সিগনেলিং লৈহন্নবা ইন্দিয়ন রেলৱেজনা প্লান তৌখ্রে৷ হায়রিবা থবক অসি মিসন মোদ ওইবা মওংদা পাংথোক্নবা প্লান তৌরি৷ ওতোমেতিক সিগনেলিং চৎনদুনা, কেপাসিতীদা হেনগৎলকপা অসিনা ত্রেন সর্ভিস হেন্না লৈহল্লকপা য়াবগী ওইথোকপা লৈ৷

৩. লেবেল ক্রোস গেতশিং সেফ ওইহনবা – লেবেল ক্রোস গেতশিং হেন্না সেফ ওইহনবা অসি য়েংশিন্নিংঙাই ওইবা মরু ওইবা এরিয়া অমা ওইরে৷ লেবেল ক্রোসিংশিং অসি সিগনেলশিং ইন্তরলোক তৌদুনা সেফ ওইবা হেনগৎহল্লি৷ ৩০.০৪.২০২১ ফাওবদা, লেবেল ক্রোসিংশিং অসিদা হেন্না সেফ ওইহন্নবা লেবেল ক্রোসিং গেত ১১৭০৫দা ইন্দিয়ন রেলৱেজনা সিগনেলশিং ইন্তরলোক তৌখ্রে৷

৪. হ্যমেন ইরর লেহন্দনবা লোকো পাইলোততা মতেং পাংননবা ওতোমেতিক ত্রেন প্রোতেক্সন(এ.তি.পি.) সিস্তেম হাপ্পা – লোকো পাইলোতশিংদা মতেং পাংননবা মালেম অসিদা লৈরিবা এদভান্স রেলৱে সিস্তেমশিংনা এ.তি.পি. সিস্তেমশিং অসি শিজিন্নরি৷ মসিগী সিস্তেমশিং অসিনা হ্যুমেন ইরর অমা হেক্তনা মরম ওইদুনা লোকো পাইলোতনা শোইরকপনা মরম ওইদুনা ত্রেনশিং কোলিজন থোকহনগদবা অদুদগী ঙাকথোকই৷ হেন্না সেফ ওইহন্নবা, এ.তি.পি. সিস্তেমশিং অসি ইন্দিয়ন রেলৱেজতা(আই.আর.) মিসন মোদ অমদা ফংহন্নবা হৌজিক্তি ৱারেপ অমা লৌখ্রে৷ হৌজিক ফাওবদা এ.তি.পি. সিস্তেমশিং অসিগীদমক আই.আর.না ফোরেন্দ তেক্নোলোজীদা মখা পোন্দুনা শিজিন্নরি৷ হৌজিক্তি ইন্দিয়ন ফর্মশিং অসিগা লোইননা আই.আর.না এ.তি.পি.গীদমক লৈবাক অসিদা কোস্ত ইফেক্তিব তেক্নোলোজী  –  ত্রোন কোলিজন এবোইদেন্স সিস্তেম(তি.সি.এ.এস.) মাই পাক্না শেমগৎখ্রে৷ ইকাই খুম্নরবা পি.এম.গী ‘অত্ম নির্ভর ভারত’ মিসনগী মখাদা তি.সি.এ.এস.পু ভারতকী নেস্নেল এ.তি.পি. ওইনা শিজিন্ননবা ৱারেপখ্রে৷ অহানবা ফেসতা আর.কি.মি. ৩৭৩০০গী মরু ওইবা রুতশিং কোবর তৌননবা তি.সি.এ.এস. এপ্রুব তৌখ্রে৷ তি.সি.এ.এস. চৎনরকপা অসিনা হ্যমেন ইররনা মরম ওইদুনা ত্রেন কোলিজন থোকহল্লরোই অমসুং ত্রাবেল তাইম হন্থহন্দুনা আই.আর.গী স্পিদ হেনগৎহল্লগনি৷

‘অত্মনির্ভর ভারত’ মিসন অসি মাই পাকহন্নবা, স্তেসনশিং অমসুং ত্রেনশিংদা পব্লিক সেফতী অমসুং সেক্যুরিতী সর্ভিসশিং লৈহন্নবগীদমক ইন্দিয়ন রেলৱেজতা স্পেক্ত্রম এম.ঐচ.জেদ. ৫ ফ্রিক্বেন্সী বেন্দ এম.ঐচ.জেদ. ৭০০তা এলোতমেন্ত তৌননবা সরকারনা এপ্রুব তৌখ্রে৷

স্পেক্ত্রম অসিগা লোইননা, ইন্দিয়ন রেলৱেজনা মহাক্কী রুততা লোঙ্গ তর্ম ইবোলুসন(এল.তি.ই.) বেজ মোবাইল ত্রেন রেদিও কম্ম্যুনিকেসন লৈহন্নবা ৱারেপখ্রে৷

প্রোজেক্ত অসিদা পানরিবা ইনবেস্তমেন্ত অসি কোতি ২৫,০০০ হেল্লি৷ প্রোজেক্ত অসি লাক্কদৌরিবা চহি ৫ অসিদা মপু ফানা লোইশিল্লগনি৷

মসিনা রেলৱেগী ওপরেসনশিংদা অমসুং মেন্তিনেন্স রিজিমদা স্ত্রাতিজিক সিফত অমা পুরকই৷ মসিনা হৌজিক লৈরিবা ইনফ্রাস্ত্রকচর অসিদা ত্রেন হেন্না চেলহনবা য়ানবা লাইন কেপাসিতী হেনগৎপদা অমসুং সেফতী হেন্না লৈহনবদা মতেং পাংলগনি৷ মোদর্ন রেল নেতৱার্ক অসিনা ত্রান্সপোর্তেসন কোস্ত হন্থহল্লগনি অমসুং ইফিসিয়েন্সী হেন্না লৈহল্লগনি৷ অসিগীসু মথক্তা, মসিনা ‘মেক ইন ইন্দিয়া’ মিসন অসি মপু ফাহন্নবা ভারততা মেনুফেকচরিং য়ুনিতশিং হাংদোক্নবা মল্তিনেস্নেল ইন্দস্ত্রীশিংগী পুক্নিং চিংশিল্লগনি অমসুং থবক হেন্না ফংহল্লগনি৷

রেলৱেজশিং ওপরেসন তৌবদা, সেফ ওইহনবদা অমসুং সেক্যুরিতী এপ্লিকেসনশিংদা সেক্যুর অমসুং রিলাইএবল ওইবা খোঞ্জেল, ভিদিও অমসুং দাতা কম্ম্যুনিকেসন সর্ভিসশিং ফংহনবা অসিনা ইন্দিয়ন রেলৱেজতা এল.তি.ই.গী পর্পসনি৷ মসি মখাগীশিং অসিদা শিজিন্নরগনি :

• ওতোমেতিক ত্রেন প্রোতেক্সনগা লোইননা মোদর্ন কেব বেজ সিগনেলিং সিস্তেম দিপ্লোই তৌবা অসিনা ত্রেন ওপরেসন তৌবদা সেফ ওইবা হেনগৎহল্লগনি৷ অসিগীসু মথক্তা, লৈচিল থাবা মতমদসু মতেং পাংলগনি৷
• ত্রেন ওপরেসনশিংদা দ্রাইভর, গার্দ, স্তেসন মাস্তর, ত্রেন ত্রাফিক কন্ত্রোল্লর অমসুং মেন্তিনেন্স স্তাফশিংগী মরক্তা লেপ্পা লৈতনা মিসন ক্রিতিকেল বোইস কম্ম্যুনিকেসন লৈহল্লগনি৷
• পেসেঞ্জর সেক্যুরিতী হেনগৎননবা ত্রেনশিংদা সি.সি.তি.ভি. কেমেরাশিংগী খুৎথাংদা লিমিতেদ ভিদিও সর্ভিলেন্স (লাইব ফীদ) মোনিতর তৌরগনি৷
• এল.ও.তি. বেজ এসেতকী ওইনদি মরু ওইনা রোলিং স্তোক মোনিতর তৌরগনি৷
• ত্রেনশিং অমসুং স্তেসনশিংদা পেসেঞ্জর ইনফোর্মেসন সিস্তেমশিং(পি.আই.এস.) লৈহল্লগনি৷

এল.তি.ই. ইনিসিয়েতিব অসিগী মথক্তা, রেলৱে তেলিকোমদা লৈরিবা অতোপ্পা মরু ওইবা ইনিসিয়েতিবশিং অদুদি:

• স্তেসন ৬০০২দা ৱাই-ফাই ফেসিলিতী লৈহনখ্রে অমসুং অথুবা মতমদা বেলেন্স ফিসিবল স্তেসন ১০১ কোবর তৌরগনি৷ মসিগী মনুংদা স্তেসন ৭০%দি খুঙ্গংগী মফমশিংগী ওই৷ মসিগী ফেসিলিতী অসি পেসেঞ্জরশিং, লোকেল বেন্দরশিং, কুলিশিংনা শিজিন্নরি৷
• সেক্যুরিতী হেনগৎনবা, স্তেসন ৮০১দা সি.সি.তি.ভি. সিস্তেম হাপখ্রে অমসুং বেলেন্সসু প্লান তৌখ্রে৷
• রেলৱেগী রুত ৯২% ও.এফ.সি. বেজ সিস্তেম হাপখ্রে৷ মসি রেলৱেগী ইন্তরনেল কম্ম্যুনিকেসনগীদমক শিজিন্নরি অমসুং আর.সি.আই.এল.না স্পেয়র কেপাসিতী কম্মর্সিয়েল্লী ওইনা শিজিন্নরি৷
• ইন্দিয়ন রেলৱেনা ই-ফিলিং সিস্তেম দিপ্লোই তৌরি৷ এদমিনিস্ত্রেচিব ৱার্কশিং হেনগৎননবা, দিভিজনশিং, জোনশিং অমসুং সি.তি.আই.শিং অমসুং পি.য়ু. পুম্নমক য়াওনা য়ুনিত ১৮৫দা ই-ওফিস লৈহনখ্রে৷ য়ুজর লাখ ১.৩৫ হেনবনা মসি শিজিন্নরি অমসুং হৌজিক ফাওবদা ই-ফাইল লাখ ১৫.০ হেন্না শেমখ্রে৷ হৌজিক লৈরিবা ফিজিকেল ফাইলশিং অসি দিজিতেল ফাইলশিংদা ওন্থোক্লি৷

সিগনেলিং অমসুং তেলিকম্ম্যুনিকেসন অসি মোদর্নাইজ তৌননবগীদমক, ইন্দিয়ন রেলৱেজনা লুপা কোতি ৫৫,০০০গী শেনফম থাদনবা ৱারেপ লৌখ্রে৷

                                                                                        *******