এপোইন্তমেন্ত লৌননবা মাংজৌননা বুক্কিং তৌদুনা অমসুং ওনলাইন রেজিস্ত্রেসনগী খুৎথাংদা ভেক্সিন কাপ্ননবা প্রি-রেজিস্ত্রেসন তৌবা অসি ভেক্সিনেসন সর্ভিস লৌননবা হোৎনবদা মরু ওইদে৷

চহি ১৮ শুরবা নত্রগা হেল্লবা মীওই অমা হেক্তনা ভেক্সিনেতরনা ওন-সাইত রেজিস্ত্রেসন পাংথোক্লিবা খ্বাইদগী নকপা ভেক্সিনেসন সেন্তর অদুদা হকথেংননা চৎপা য়াই অমসুং মফম অদুমক্তদা ভেক্সিন কাপ্পা য়াই৷ মসিবু ময়াম্না ৱাল্ক-ইন্স” হায়রগসু খঙনৈ৷

কো-ৱিনদা কম্মন সর্ভিস সেন্তরশিংগী(সি.এস.সি.শিং) খুৎথাংদা লাইনা রেজিস্ত্রেসন তৌহনবা অসি কো-ৱিনদা রেজিস্ত্রেসন তৌনবগী লৈরিবা মখল ময়ামগী মনুংদা অমখক্নি৷ খুঙ্গংগী মফমশিংদা অমসুং শহরগী স্লমশিংদা লৈরিবা বেনিফিসরীশিং ওন-সাইত রেজিস্ত্রেসন তৌহন্নবা অমসুং খ্বাইদগী নকপা ভেক্সিনেসন সেন্তরশিংদা ভেক্সিন কাপথোক্নবা হেল্থ ৱার্করশিং নত্রগা অশাগুম্বা ফেসিলিতেতরশিংনা হোৎনরি৷ হেল্থ লাইন ১০৭৫গী খুৎথাংদা রেজিস্ত্রেসনশিং তৌরিবা অসিদা মতেং পাংননবা ফেসিলিতীসু চৎনখ্রে৷

মথক্তা পল্লিবা মোদশিং মরু ওইনা খুঙ্গংগী লমদমশিংগীদমক চৎনরিবশিং অসি ফঙ্কস্নেল ওইখ্রে অমসুং খুঙ্গংগী লমদমশিংদা ভেক্সিন চাং মান্ননা কাপখ্রে হায়বসি মখাদা পল্লিবশিং অসিনা খুদম ওইরি, ১৩.০৬.২০২১ ফাওবদা, কো-ৱিনদা রেজিস্তর তৌরবা বেনিফিসরী কোতি ২৮.৩৬কী মনুংদা, বেনিফিসরী কোতি ১৬.৪৫ (৫৮%)দি ওন-সাইত মোদতা রেজিস্তর তৌখ্রে৷ অদুগীসু মথক্তা, ২০২১গী জুন ১৩ ফাওবদা কো-ৱিনদা রেকোর্দ তৌখিবা ভেক্সিন দোজ পুন্না কোতি ২৪.৮৪গী মনুংদা দোজ কোতি ১৯.৮৪দি (ভেক্সিন দোজ পুম্নমক্কী ৮০%রোম) ওনসাইত/ৱাল্ক-ইন ভেক্সিনেসনগী খুৎথাংদা এদমিনিস্তর তৌখ্রে৷

০১.০৫.২১দগী ১২.০৬.২১ ফাওবদা, ভেক্সিনেসন সর্ভিস পীরিবা অপুনবা কোবিদ ভেক্সিনেসন সেন্তর ১,০৩,৫৮৫গী মনুংদা, ২৬,১১৪না সব-হেল্থ সেন্তরশিংদা ওপরেত তৌরি, ২৬,২৮৭না প্রাইমরী হেল্থ সেন্তরশিংদা তৌরি অমসুং ৯,৪৪১না কম্ম্যুনিতী হেল্থ সেন্তরশিংদা ওপরেত তৌদুনা অপুনবা ভেক্সিনেসন সেন্তরগী ৫৯.৭%গী চাং ওইরি৷ সব-হেল্থ সেন্তরশিং, প্রাইমরী হেল্থ সেন্তরশিং অমসুং কম্ম্যুনিতী হেল্থ সেন্তরশিং অসিদা লৈরিবা সি.ভি.সি.শিং পুম্নমক অসি প্রজা মীয়াম্না ওন-সাইত রেজিস্ত্রেসন অমসুং ভেক্সিন কাপ্ননবগীদমক হকথেংননা চৎপা য়াবা খুঙ্গংগী মফমশিংদা লৈ৷

হৌজিক ফাওবদা কো-ৱিনদা রাজ্যশিংনা খুঙ্গংনি নত্রগা শহরনি হায়না খন্দোক্লিবা অপুনবা ভেক্সিনেসন সেন্তর ৬৯,৯৯৫গী মনুংদা, ভেক্সিনেসন সেন্তর ৪৯,৮৮৩(৭১%)দি খুঙ্গংগী লমদমশিংদা লৈরি৷

ত্রাইবেল এরিয়া ভেক্সিন কাপ্পগী চাং – ২০২১গী জুন ৩ ফাওবগী মনুংদা কো-ৱিনদা ফংলিবা দাতাগী মতুং ইন্না –

১.  ত্রাইবেল জিলাশিং অসিদা মীওই মিলিয়ন অমদা কাপলিবা ভেক্সিনগী চাং অসিনা নেস্নেল এভরেজতগী হেন্না ৱাংই৷

২.  ত্রাইবেল জিলা ১৭৬কী মনুংদা ১২৮না ভারত পুম্বগী ভেক্সিনেসন কোভরেজতগী হেন্না নিংথীনা মথৌ তৌরি৷

৩. নেস্নেল এভরেজ অসি য়েংনবা মতমদা ত্রাইবেল জিলাশিং অসিদনা হেন্না ৱাল্ক-ইন ভেক্সিনেসনশিং হেন্না পাংথোক্লি৷

৪. ভেক্সিন কাপখ্রবা মীওইশিংগী জেন্দর রেসিও অসিসু ত্রাইবেলগী মফমশিংদনা হেন্না ফৈ৷

খুঙ্গংগী মফমশিংদা নত্রগা লৈবাক অসিগী কা-হেন্না মনুং হঞ্জিনবা শরুকশিংদা ভেক্সিন য়াম্না লাইনা কাপ্ননবগীদমক মপুং ফানা ফ্লেক্সিবল ওইবা অমসুং ইনক্লুসিব ফ্রেমৱার্ক অমা কো-ৱিন সিস্তেম্না পী হায়দুনা রুরেল-আর্বান দিবাইদকী মতাংদা লান্না থাজনরিবা অসি মথক্তা পল্লিবা স্তেতিস্তিকশিং অসিনা শেংদোক্লে৷

*******