19 کے ان مشکل اوقات کے دوران، ملک بھر کے قبائلی لوگوں کی صحت کی حفاظت کے ساتھ روزگار کی فراہمی، قبائلی بہبود اورذریعہ معاش کے لئے کام کرنے والی نوڈل ایجنسی، ٹرائفیڈکے لئے اور بھی اہم بات بن چکی ہے۔ اس مقصد کو مدنظر رکھتے ہوئے ، ٹرائفیڈ، قبائلیوں کو بااختیار بنانے کے لئے متعدد قابل ذکر اقدامات پر عمل پیرا ہے۔ 9 جون 2021 کو، ٹرائفیڈ نے ممبران پارلیمنٹ کے لئے مختلف اسکیموں کے بارے میں آگاہی بڑھانے کی غرض سے ایک ویبنار کا اہتمام کیا تاکہ ان کے نفاذ کو تیز کیا جاسکے اور ان منصوبوں کے تحت، ملک بھر میں، قبائلی برادریوں کو ایک جامع شمولیت حاصل کرائی جاسکتی ہے۔ ویبنار میں 30 سے زیادہ قبائلی ارکان پارلیمنٹ نے شرکت کی ، جن میں  مرکزی وزیر مملکت ، وزارت اسٹیل، جناب فاگن سنگھ شامل تھے۔ ان میں سابق وزیر برائے قبائلی امورجناب جیولورام، جناب بسویشور ٹوڈو اور ڈاکٹر لورہوفوز بھی شامل ہیں۔

ویبنار میں ایم ایف پی اور ون دھن وکاس یوجنا کے لئے ایم ایس پی کے بارے میں ایک وسیع پیش کش شامل تھی۔ پریزنٹیشن اور گفتگو کے دوران، قبائلی معیشت میں جنگلات کی معمولی پیداوار کی اہمیت اور حکومت نے کس طرح ایم ایف پی کی زیرقیادت قبائلی ترقی کا ایک جامع ماڈل تیار کیا ہے اور اس کے لئے متعدد اسکیموں شروع کی ہیں، ان پرتبادلہ خیال کیا گیا۔ اس میں تفصیل سے بتایا کہ پچھلے کچھ سالوں میں، 'کم سے کم سپورٹ پرائس (ایم ایس پی) اور ایم ایف پی کے لئے ویلیو چین کی نشوونما کے ذریعہ،  جنگلات کی معمولی پیداوار کی مارکیٹنگ نے، قبائلی ماحولیاتی نظام کو متاثر کیا ہےاور حکومت نے اس کے توسط سے اس کی مدد کی ہےجس کے باعث قبائلی معیشت میں کروڑوں روپے کی سرمایہ کاری ہوئی ہے۔ ون دھن قبائلی اسٹارٹ اپس، قبائلی بستیوں اور جنگل میں رہنے والوں اور قبائلی کاریگروں کے لئے روزگار پیدا کرنے کے ایک ذریعہ کے طور پر ابھرے ہیں۔

خاص طور پر وبائی امراض کے دوران، یہ منصوبہ پسماندہ افراد کے لئے ایک اہم عنصر رہا ہے۔ پچھلے 18 مہینوں کے دوران، ہندوستان میں ریاستی نوڈل اور عمل درآمد کرنے والی ایجنسیوں کی مدد سے، اسے تیزی سے اپنانے اور مضبوط عمل درآمد سے ون دھن وکاس یوجنا نے زبردست کامیابی حاصل کرلی ہے۔ شمال مشرق، قائم وی ڈی وی کے 80 فیصد کے ساتھ، راہ راست پر گامزن ہے۔ مہاراشٹر، تمل ناڈو، آندھرا پردیش وہ  دیگر ریاستیں ہیں جہاں زبردست نتائج کے ساتھ اس اسکیم کو اپنایا گیا ہے۔

مزید یہ کہ اس اسکیم کا سب سے بڑا ما حصل یہ ہے کہ یہ مارکیٹ روابط پیدا کرنے میں کامیاب رہی ہے۔ ان وی ڈی وی کیز کی ملک بھر میں بھر پور انداز میں کاروائیاں شروع ہوگئی ہیں۔ 500 سے زائد اقسام کی مصنوعات کو ویلیو ایڈڈ، پیکیجڈ اور ان وی ڈی وی کے سے بازارمیں بھیجا جا رہا ہے۔ ان میں فروٹ کینڈی (آملہ، انناس، جنگلی سیب، ادرک، انجیر، املی)، جام (اناناس، آملہ، بیر)، جوس اور اسکواش (اناناس، آملہ، جنگلی سیب، بیر، برمی انگور) سے لے کر مختلف قسم کی مصنوعات شامل ہیں۔ مصالحےجات (دال چینی، ہلدی، ادرک)، اچار (بانس شوٹ، کنگ مرچ)، وغیرہ  بازار میں پہنچ چکے ہیں۔ یہ ملک کے قبائلی گروپوں کے ذریعہ تیار کردہ 25000 قسم کے ہینڈلوم اور دستکاری کے علاوہ ہے۔ ان سب کی مارکیٹنگ ٹرائب انڈیا ڈاٹ کام اور ملک بھر میں 137 ٹرائب انڈیا آوٹ لیٹس کے ذریعہ کی جارہی ہے۔

ویبنار کے دوران، منیجنگ ڈائریکٹر مسٹر پراویر کرشن نے ’’اتم نربھربھارت‘‘ بنانے کے لئے ’’بی ووکل فار لوکل بائی ٹرایبل‘‘ کے بارے میں بات کی جو اب ٹرائفیڈ کے لئے ایک مشن بن گیا ہے۔ قبائلی مصنوعات کی قدر میں اضافے اور مارکیٹنگ کے ذریعے انٹرپرائز کو فروغ دینے کے لئے ملک میں 50000 وی ڈی وی کے قائم کرنے کے لئے، یہ حکومت کے’’سب کاساتھ، سب کا وکاس‘‘ اور وزیر اعظم کے سنکلپ کے  رہنما اصول کے ساتھ ہم آہنگ ہے۔ یہ مشن میرا ون، میرا دھن، میرا ادھیم کے ارد گرد مرکوز ہوگا۔ٹرائفیڈ ون دھن وضع سے ٹرائبل انٹرپرائز وضع میں تبدیلی پر کام کر رہا ہے۔ ون دھن وکاس مرکزوں کو ون دھن کلسٹرز اور کاروباری اداروں کےکلسٹرمیں تبدیل کرکے، اس کا مقصد،اعلی پیمانہ کی معیشتوں کو حاصل کرنا اور اعلی قیمت کے اضافے کی پیداوار کو فروغ دینا ہے۔

ون دھن وکاس کیندر کلسٹروں کو مزید ترجیح دینے کے لئے ، ٹرائف، مختلف وزارتوں اور تنظیموں کے ساتھ مل کر کام کررہی ہے۔ اس میں مختلف وزارتوں جیسے ایم ایس ایم ای ، ایم او ایف پی آئی اور وزارت دیہی ترقی کے ساتھ معاہدے کیے گئے ہیں جس سے ان وزارتوں کے اسی طرح کے پروگراموں سے اسکیم کو ترتیب دیا جاسکے ، جس کے نتیجے میں ون دھن وکاس مراکز اور اس کے کلسٹرز کو ای ایس ڈی پی سےایس ایف یوآر ٹی آئی ، ای ایس ڈی پی میں تبدیل کرنااور دہی ترقی کی وزارت کے اندر ڈبہ بند خوراک کی وزارت اور این آر ایل ایم کی فوڈ پارکس  اسکیموں کے ساتھ ہم آہنگ کرنا ہے۔

مسٹر کرشنا نے اس تفصیلی خلاصہ اور معلومات کے پھیلاؤ کے سیشن سے پہلے، اسکیموں پر عمل درآمد میں تیزی لانے کے لئے ممبران پارلیمنٹ سے ان کی قیادت، سرپرستی اور مدد کی درخواست کی۔ اس کے بعد ایک انٹرایکٹو اجلاس ہوا جس میں ارکان پارلیمنٹ کے تبصرے اور سوالات پر توجہ مرکوز کی گئی۔ ان کی قیمتی تجاویز کو مستقبل کے حوالہ اور عمل درآمد کے لئے بھی نوٹ کیا گیا۔ اراکین پارلیمنٹ نے اسکیموں کو عملی جامہ پہنانے اور قبائلی انتخابی حلقوں میں پیشرفت کے سلسلے میں ٹرائفیڈ ٹیم کی کاوشوں کی تعریف کی۔

جناب کرشنا نے انہیں یقین دلایا کہ ٹرائفیڈ ٹیم، ان کے ساتھ باقاعدہ ملاقاتیں کرے گی اور ان اسکیموں کو آگے لے جانے کے لئے، ان تک رسائی کرے گی۔

*****

U.No.5423

(ش ح - اع - ر ا)