ರಾಷ್ಟ್ರವ್ಯಾಪಿ ಲಸಿಕೆ ಅಭಿಯಾನದ ಭಾಗವಾಗಿ, ಭಾರತ ಸರಕಾರವು ರಾಜ್ಯಗಳು ಮತ್ತ ಕೇಂದ್ರಾಡಳಿತ ಪ್ರದೇಶಗಳಿಗೆ ಕೋವಿಡ್ ಲಸಿಕೆಗಳನ್ನು ಉಚಿತವಾಗಿ ಒದಗಿಸುವ ಮೂಲಕ ಬೆಂಬಲ ನೀಡುತ್ತಿದೆ. ಇದಲ್ಲದೆ, ಭಾರತ ಸರಕಾರವು ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳಿಗೆ ಲಸಿಕೆಗಳನ್ನು ನೇರವಾಗಿ ಖರೀದಿಸಲು ಅನುಕೂಲ ಮಾಡಿಕೊಡುತ್ತಿದೆ. ಸಾಂಕ್ರಾಮಿಕದ ನಿಯಂತ್ರಣ ಮತ್ತು ನಿರ್ವಹಣೆಗೆ ಭಾರತ ಸರಕಾರ ಪರೀಕ್ಷೆ, ಪತ್ತೆ, ಚಿಕಿತ್ಸೆ ಮತ್ತು ಕೋವಿಡ್‌-ಸೂಕ್ತ ನಡವಳಿಕೆ ಸೂತ್ರಗಳನ್ನು ಒಳಗೊಂಡ ಸಮಗ್ರ ಕಾರ್ಯತಂತ್ರವನ್ನು ಅನುಸರಿಸಲಾಗುತ್ತಿದ್ದು, ಲಸಿಕೆಯೂ ಇದರ ಅವಿಭಾಜ್ಯ ಅಂಗವಾಗಿದೆ.

ಕೋವಿಡ್-19 ಲಸಿಕೆಯ ಉದಾರೀಕರಣ ಹಾಗೂ ವೇಗವರ್ಧಿತ 3ನೇ ಹಂತದ ಕಾರ್ಯತಂತ್ರದ ಅನುಷ್ಠಾನವು 2021ರ ಮೇ 1 ರಿಂದ ಆರಂಭವಾಗಿದೆ.

ಈ ಕಾರ್ಯತಂತ್ರದ ಅಡಿಯಲ್ಲಿ, ಯಾವುದೇ ತಯಾರಕ ಸಂಸ್ಥೆಯು ಪ್ರತಿ ತಿಂಗಳು ಉತ್ಪಾದಿಸುವ ʻಕೇಂದ್ರ ಔಷಧ ಪ್ರಯೋಗಾಲಯʼದ (ಸಿಡಿಎಲ್) ಅನುಮೋದನೆ ಪಡೆದ ಒಟ್ಟು ಲಸಿಕೆಗಳ ಡೋಸ್‌ಗಳಲ್ಲಿ ಶೇ. 50ರಷ್ಟನ್ನು ಭಾರತ ಸರಕಾರವು ಖರೀದಿಸುತ್ತದೆ. ಈ ಡೋಸ್‌ಗಳನ್ನು ಈ ಹಿಂದಿನಂತೆಯೇ ರಾಜ್ಯ ಸರಕಾರಗಳಿಗೆ ಉಚಿತವಾಗಿ ಹಂಚುವುದನ್ನು ಮುಂದುವರಿಸಲಾಗುವುದು.

ಇಲ್ಲಿಯವರೆಗೆ ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳಿಗೆ 25.60 ಕೋಟಿ  (25,60,08,080)  ಲಸಿಕೆ ಡೋಸ್‌ಗಳನ್ನು ಭಾರತ ಸರಕಾರದ ಮೂಲಕ (ಉಚಿತವಾಗಿ) ಮತ್ತು ರಾಜ್ಯಗಳಿಂದ ನೇರ ಖರೀದಿ ಮಾರ್ಗದ ಮೂಲಕ ಒದಗಿಸಲಾಗಿದೆ.

ಈ ಪೈಕಿ ವ್ಯರ್ಥವಾದ ಡೋಸ್‌ಗಳು ಸೇರಿದಂತೆ ಬಳಕೆಯಾದ ಒಟ್ಟು ಡೋಸ್‌ಗಳು 24,44,06,096  (ಇಂದು ಬೆಳಿಗ್ಗೆ 8 ಗಂಟೆಗೆ ಲಭ್ಯವಿರುವ ದತ್ತಾಂಶದ ಪ್ರಕಾರ).

ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳ ಬಳಿ ಜನರಿಗೆ ನೀಡಲು ಇನ್ನೂ 1.17  ಕೋಟಿ  (1,17,56,911)  ಕೋವಿಡ್ ಲಸಿಕೆಯ ಡೋಸ್‌ಗಳು ಲಭ್ಯವಿದೆ.

ಇದಲ್ಲದೆ, 38 ಲಕ್ಷಕ್ಕೂ ಹೆಚ್ಚು (38,21,170)  ಲಸಿಕೆ ಡೋಸ್‌ಗಳು ಮಾರ್ಗ ಮಧ್ಯದಲ್ಲಿದ್ದು ಮುಂದಿನ 3 ದಿನಗಳಲ್ಲಿ ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳಿಗೆ ತಲುಪಲಿವೆ.

***