মন্ত্রীমন্দল

মন্ত্রালয়না ইন্দিয়ন রেলৱেজদা বেন্দ মেগাহতর্জ ৭০০তা স্পেক্ত্রম মেগাহতর্জ ৫ হাপ্নবা অয়াবা পীখ্রে

ত্রেনগী থবকশিংদা শোই-ঙামদনবা অমদি চেকশিন থৌরাংশিং হেনগৎহনখ্রে

রেলৱেজগী থবকশিং অমসুং শোই- ঙামদনবা লালোং কয়া শিনখ্রে

লোকো পাইলোৎশিং অমসুং গার্দশিংগী ই-পাউ ফাওনবদা অয়েৎপা পীদবনা শাফবা হেনগৎলক্লি

থবকশিং, শোই-ঙামদবা অমদি চেকশিন থৌরাংগীদমক খোঞ্জেলগী, ভিদিওগী অমসুং দেতা কম্ম্যুনিকেসনগী থবকশিং পীরি

অপুনবা প্রোজেক্তকী ইনভেস্তমেন্ত অসি লুপা কোতি ২৫,০০০ হেন্না পারি

প্রোজেক্ত অসি লাক্কদৌরিবা চহি ৫ অসিদা লোইশিনগদৌরি

মখা তানা লমদম অসিগী ওইনা শেমগৎলবা মওংদা রেলৱেজনা ত্রেন কোলিজন এবোইদেন্স সিস্তেমগী অয়াবা পীখ্রে
হায়রিবা অসিনা ত্রেন থেংজিন্নবা থোকহন্দদুনা পেসেঞ্জরশিংবু শাফহল্লি

Posted On: 09 JUN 2021 4:12PM by PIB Imphal

‘আত্মানির্ভর ভারত’ পান্দমদা ইনোৎ পীরদুনা, প্রধান মন্ত্রী শ্রী নরেন্দ্র মোদীনা সভাপতি ওইদুনা, কেন্দ্র মন্ত্রালয়না মীয়ামগী শাফনবা অমসুং স্তেসনশিং অমসুং ত্রেনশিংদা চেকশিন থৌরাং পীনবগীদমক ইন্দিয়ন রেলৱেজদা ফ্রিক্বেন্সি বেন্দ মেগাহতর্জ ৭০০তা স্পেক্ত্রম মেগাহতর্জ ৫ হাপ্নবগী প্রপোজেল অয়াবা পীখ্রে।  

স্পেক্ত্রম অসিগা লোয়ননা, ইন্দিয়ন রেলৱেজনা মখোয়গী লম্বীদা এল.তি.ই.(লোঙ তর্ম ইবোলুসন)দা য়ুম্ফম ওইবা মোবাইল ত্রেন রোদিও কম্ম্যুনিকেসন হাপ্নবা মিয়েং থম্লি। অপুনবা প্রোজেক্তকী ইনভেস্তমেন্ত অসি লুপা কোতি ২৫,০০০ হেন্না পারি। প্রোজেক্ত অসি লাক্কদৌরিবা চহি ৫ অসিদা লোইশিনগদৌরি।

মখা তানা লমদম অসিগী ওইনা শেমগৎলবা অমগী মওং এ.তি.পি. (ওতোমেতিক ত্রেন প্রোতোক্সন)দা ইন্দিয়ন রেলৱেজনা তি.সি.এ.এস. (ত্রেন কোলিজন এবোইদেন্স সিস্তেম)গী অয়াবা পীখ্রে হায়রিবা অসিনা ত্রেন থেংজিন্নবা থোকহন্দদুনা পেসেঞ্জরশিংবু শাফহল্লি।

হায়রিবা অসিনা রেলৱেজগী থবকশিং শেন্নবগী লালোং অমা ওইরি। হায়রিবা অসিনা শোই-ঙামদবা অমসুং হান্ননা লৈরিবা ইনফ্রাস্ত্রকচরশিংদা ত্রেনশিং শিজিন্নবা হেনগৎহনবদা মতেং ওইগনি। হৌজিক্কী ওইরিবা রেল নেতৱার্ক অসিনা ত্রান্সপোর্তেসনগী মমল হন্থহল্লগনি অমসুং মথৌ হেন্না তৌহল্লগনি। অমুকশু, হায়রিবা অসিনা মল্তিনেস্নেল ইন্দস্ত্রীশিংদা মেনুফেকচরিং য়ুনিৎশিং লিংখৎনবগী পুক্নিং চিংশিন্দুনা ‘মেক ইন ইন্দিয়া’গী পান্দম থুংহল্লগনি অমসুং থবক কয়া অমশু ফংহল্লগনি।    

ইন্দিয়ন রেলৱেজগী এল.তি.ই.গী পান্দম অসি থবকশিং, শোই-ঙামদবা অমদি চেকশিন থৌরাংগীদমক খোঞ্জেলগী, ভিদিওগী অমসুং দেতা কম্ম্যুনিকেসনগী থবকশিং ফংহনবা অসিনি। হায়রিবা অসিনা মতমগী ওইবা সিগনেল অমসুং ত্রেন প্রোতেক্সন সিস্তেমদা শিজিন্নগনি অমসুং লোকো পাইলোৎশিং অমসুং গার্দশিংগী ই-পাউ ফাওনবদা অয়েৎপা পীরোইদরি। হায়রিবা অসিনা ইন্তর্নেত ওফ থিঙ্গস (এল.ও.তি.)দা য়ুম্ফম ওইদুনা ত্রেন কোচেচশিংদা হেন্না মথৌ তৌনবা, শোই-ঙামদবা অমসুং ত্রেনশিং হেন্না য়াংনা চেমবগী থবক তৌহন্নবা কোচেচশিং, ৱাগোনশিং অমসুং লোকোশিং, অমসুং সি.সি.তি.ভী. কেমেরাগী লাইব ভিদিও পীনবগী অখন্নবা এসেত য়াহল্লগনি।    

স্তেক্ত্রমগী চার্জশিং অসি রোয়াল্তী চার্জকীদমক তেলেকম্ম্যুনিকেসন দিপার্তমেন্তনা প্রেস্ক্রাইব তৌবা ফোর্মুলাদা ওইগনি অমসুং কেপ্তিপ শিজিন্নবগী লাইসেন্স ফী অসিনা তেলেকোম রিগুলেতরী ওথোরিতী ওফ ইন্দিয়াগী পাউতাক মতুং ইন্না ওইগনি।

******



(Release ID: 1725719) Visitor Counter : 26