نئی دہلی،8جون2021/ وزارت بجلی،  حکومت ہند کے تحت آنے والی  مہارتن سی پی ایس یو  پاور گرڈ کارپوریشن آف   انڈیا لمیٹیڈ  (پاور گرڈ) نے 320 ±کے وی، 2000 میگا واٹ  (ایم ڈبلیو) تملناڈو –تھریسور (کیرل)  ولٹیج  سورس  کنورٹر (وی  ایس سی) پر مبنی  ہائی ولٹیج  ڈائریکٹ کرنٹ (ایچ  وی ڈی سی)  سسٹم کے   مونوپول -1 کو آج قائم کردیا ہے۔ اس پروجیکٹ سے ملک کے  جنوبی خطہ کا بجلی نظام  مضبوط ہوجائے گا۔  اس سے پہلے 19 فروری  2021 کو معزز وزیراعظم  جناب نریندر مودی نے   پروجیکٹ کے  مونوپول -2  کا افتتاح  کیا تھا اور مونوپول -1 کے قیام کے ساتھ    اس پروجیکٹ نے  اپنی پوری صلاحیت   حاصل کرلی ہے۔

5070 کروڑ روپے کی  پگلور –تھریسور  ایچ وی ڈی سی  نظام ، رائے گڑھ-  تھریسور 6000  ایم ڈبلیو  ایچ وی ڈی سی نظام کا حصہ ہے اور  یہ تھریسور  میں واقع  وی ایس سی   ایچ وی ڈی سی  اسٹیشن  کے  ذریعہ سے  کیرل کو 2000  ایم ڈبلیو  کے  منتقلی میں  اہل بناتا ہے۔

پاور گرڈ ک ذریعہ  اس پروجیکٹ کے لئے  پہلی مرتبہ اس جدید ترین  وی ایس سی   تکنیک کو  پہلی مرتبہ ہندستان میں   لایا گیا تھا ۔  وی ایس  سی تکنیک سے  روایتی  ایچ وی ڈی سی نظام کے مقابلے میں  اراضی کی ضرورت  خاصی گھٹ جاتی ہے اور یہ   ایسے علاقوں کے لئے   خاصی مناسب رہتی ہے، جہاں زمین کی  کافی کمی ہے۔ یہ اسمارٹ گرڈ کے فروغ کو بھی    آسان بناتا ہے اور   مختلف آپریشنل حالات میں نظام کے   لیچلے پن میں  سدھار کرتا ہے۔  اس پروجیکٹ کی ایک خاص خصوصیت  اوور ہیڈلائن  اور اندر گراؤنڈ کیبل  کا تال میل ہے،  جو کیرل میں  کوریڈور کی   محدو د دستیابی کا حل نکالتی ہے۔

 انٹرفیس ٹرانسفارمر جیسے  بڑے ایچ وی ڈی سی آلات اورآئی جی  ڈی سی  پر مبنی  پاور کنورٹر  ، گیس انسولیٹیڈ سب اسٹیشن جیسے  ایسے  آلات ، سوئچ  گیئر، کنٹرول اور ریلے پینلوں کی سپلائی    ہندستان میں واقع  کارخانوں کے ذریعہ    کی گئی ہے۔   اس کے ذریعہ   وزیراعظم کے  میک ان انڈیا  پروگرام کی   حوصلہ افزائی کی گئی ہے۔    اس وی ایس سی  پروجیکٹ کے لئے ڈیزائن، انجینئرنگ ، ٹیسٹنگ اور قیا م کا  ایک اہم حصہ  ہندستان میں ہی   پورا کیا گیا ہے،  جو وزیراعظم کے   ’’آتم نربھر بھارت‘‘ ویژن کے مطابق  ہے۔

ش ح۔ ش ت۔ج

Uno-5245