ਭਾਰਤ ਸਰਕਾਰ ਸਾਰੇ ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੇ ਨਾਲ ਨੇੜਲੀ ਭਾਈਵਾਲੀ ਨਾਲ 16 ਜਨਵਰੀ 2021 ਤੋਂ ਦੁਨੀਆ ਦੀ ਸਭ ਤੋਂ ਵੱਡੀ ਕੋਵਿਡ -19 ਟੀਕਾਕਰਨ ਮੁਹਿੰਮ ਚਲਾ ਰਹੀ ਹੈ। 

ਕੁਝ ਮੀਡੀਆ ਰਿਪੋਰਟਾਂ ਅਜਿਹੀਆਂ ਸਾਹਮਣੇ ਆਈਆਂ ਹਨ, ਜਿਨ੍ਹਾਂ ਵਿੱਚ ਭਾਰਤ ਦੀ ਟੀਕਾਕਰਨ ਮੁਹਿੰਮ ਵਿੱਚ ਵੈਕਸੀਨ ਦੀ ਅਸਮਾਨਤਾ ਦਾ ਦੋਸ਼ ਲਗਾਇਆ ਗਿਆ ਹੈ। ਇਹ ਰਿਪੋਰਟਾਂ ਗਲਤ ਅਤੇ ਕਾਲਪਨਿਕ ਹਨ। 

1 ਮਈ 2021 ਨੂੰ ਇੱਕ ‘ਉਦਾਰਵਾਦੀ ਮੁੱਲ ਨਿਰਧਾਰਣ ਅਤੇ ਤੇਜ਼ ਰਫ਼ਤਾਰ ਰਾਸ਼ਟਰੀ ਕੋਵਿਡ -19 ਟੀਕਾਕਰਨ ਰਣਨੀਤੀ’ ਅਪਣਾ ਲਈ ਗਈ  ਸੀ, ਜੋ ਕਿ ਕੋਵਿਡ -19 ਟੀਕਾਕਰਨ ਮੁਹਿੰਮ ਦੇ ਚੱਲ ਰਹੇ ਤੀਜੇ ਪੜਾਅ ਨੂੰ ਸੇਧ ਦੇ ਰਹੀ ਹੈ। ਇਹ ਦੁਹਰਾਇਆ ਜਾਂਦਾ ਹੈ ਕਿ ਉਦਾਰਵਾਦੀ  ਵੈਕਸੀਨ ਨੀਤੀ, ਜੋ ਕਿ ਪ੍ਰਾਈਵੇਟ ਸੈਕਟਰ ਲਈ ਵੱਡੀ ਭੂਮਿਕਾ ਨਿਰਧਾਰਤ ਕਰਦੀ ਹੈ ਅਤੇ ਕੇਂਦਰ ਸਰਕਾਰ ਨਿੱਜੀ ਖੇਤਰ ਲਈ 25% ਟੀਕਿਆਂ ਨੂੰ ਵੱਖ ਰੱਖ ਰਹੀ ਹੈ। ਇਹ ਵਿਧੀ ਵਧੀਆ ਪਹੁੰਚ ਦੀ ਸਹੂਲਤ ਦਿੰਦੀ ਹੈ ਅਤੇ ਉਨ੍ਹਾਂ ਦੇ ਹਿਸਾਬ ਨਾਲ ਸਰਕਾਰੀ ਟੀਕਾਕਰਨ ਸਹੂਲਤਾਂ 'ਤੇ  ਕਾਰਜਸ਼ੀਲ ਤਣਾਅ ਨੂੰ ਘਟਾਉਂਦੀ ਹੈ, ਜੋ ਭੁਗਤਾਨ ਕਰਨ ਦੇ ਸਮਰੱਥ ਹੋ ਸਕਦੇ ਹਨ ਅਤੇ ਕਿਸੇ ਪ੍ਰਾਈਵੇਟ ਹਸਪਤਾਲ ਵਿੱਚ ਜਾਣਾ ਪਸੰਦ ਕਰਦੇ ਹਨ।

1 ਜੂਨ 2021 ਤੱਕ, ਪ੍ਰਾਈਵੇਟ ਹਸਪਤਾਲਾਂ ਨੇ ਮਈ 2021 ਦੇ ਮਹੀਨੇ ਵਿੱਚ 1.20 ਕਰੋੜ ਖੁਰਾਕਾਂ ਪ੍ਰਾਪਤ ਕੀਤੀਆਂ। 4 ਮਈ, 2021 ਤੱਕ ,  ਵੱਡੀ ਗਿਣਤੀ ਵਿੱਚ ਪ੍ਰਾਈਵੇਟ ਹਸਪਤਾਲ ਜਿਨ੍ਹਾਂ ਨੇ ਐਮ/ਐਸ ਸੀਰਮ ਇੰਸਟੀਚਿਊਟ ਆਫ ਇੰਡੀਆ ਅਤੇ ਐਮ/ਐਸ ਭਾਰਤ ਬਾਇਓਟੈਕ ਨਾਲ ਕੋਵੀਸ਼ੀਲਡ ਅਤੇ ਕੋਵੈਕਸਿਨ ਖੁਰਾਕਾਂ ਦੀ ਸਪਲਾਈ ਦਾ ਸਮਝੌਤਾ ਕੀਤਾ ਹੈ। ਇਹ ਪ੍ਰਾਈਵੇਟ ਹਸਪਤਾਲ ਵੱਡੇ ਮਹਾਨਗਰਾਂ ਤੱਕ ਹੀ ਸੀਮਿਤ ਨਹੀਂ ਹਨ, ਬਲਕਿ ਰਾਜ ਭਰ ਦੇ ਟੀਅਰ II ਅਤੇ III ਸ਼ਹਿਰਾਂ ਵਿੱਚ ਵੀ ਹਨ।

ਅਜਿਹੇ ਕੁਝ ਸ਼ਹਿਰਾਂ ਵਿੱਚ ਹੇਠ ਲਿਖੇ ਹਨ:

ਆਂਧਰ ਪ੍ਰਦੇਸ਼ ਵਿੱਚ ਗੁੰਟੂਰ, ਨੈਲੋਰ, ਸ੍ਰੀਕਲਾਹਸਥੀ, ਵਿਜੇਵਾੜਾ; ਅਰੁਣਾਚਲ ਪ੍ਰਦੇਸ਼ ਵਿੱਚ ਈਟਾਨਗਰ; ਅਸਾਮ ਵਿੱਚ ਡਿਬਰੂਗੜ; ਓਡੀਸ਼ਾ ਵਿੱਚ ਸੰਬਲਪੁਰ; ਗੁਜਰਾਤ ਦੇ ਅੰਕਲੇਸ਼ਵਰ, ਕੱਛ, ਮੋਰਬੀ, ਵਾਪੀ ਅਤੇ ਸੂਰਤ; ਝਾਰਖੰਡ ਵਿੱਚ ਬੋਕਾਰੋ, ਜਮਸ਼ੇਦਪੁਰ, ਪਾਲਘਰ; ਜੰਮੂ, ਕਸ਼ਮੀਰ ਦੇ ਸ੍ਰੀਨਗਰ, ਕਰਨਾਟਕ ਵਿੱਚ ਬੇਲਾਰੀ, ਦਵਾਂਗੇਰੇ, ਮੰਗਲੋਰ, ਮੈਸੂਰੂ ਅਤੇ  ਸ਼ਿਮੋਗਾ; ਕੇਰਲ ਦੇ  ਕਾਲੀਕੱਟ ,  ਏਰਨਾਕੂਲਮ,  ਕੋਚੀ, ਕੋਜ਼ੀਕੋਡ, ਪਠਾਨਮਿੱਥਿੱਟਾ ਅਤੇ ਤ੍ਰਿਸੂਰ; ਮਹਾਰਾਸ਼ਟਰ ਵਿੱਚ ਅਹਿਮਦਨਗਰ, ਅਕੋਲਾ, ਔਰੰਗਾਬਾਦ, ਬਾਰਾਮਤੀ, ਕਲੇਹਰ, ਕੋਲਾਪੁਰ ,ਨਾਗਪੁਰ, ਜਲਗਾਓਂ, ਨਾਸਿਕ; ਹਿਮਾਚਲ ਪ੍ਰਦੇਸ਼ ਵਿੱਚ ਕਾਂਗੜਾ; ਪੰਜਾਬ ਵਿੱਚ ਜਲੰਧਰ , ਮੁਹਾਲੀ, ਲੁਧਿਆਣਾ; ਤਾਮਿਲਨਾਡੂ ਵਿੱਚ ਕੋਇੰਬਟੂਰ, ਵੇਲੋਰ; ਤੇਲੰਗਾਨਾ ਵਿੱਚ ਖਾਮਾਮ, ਵਾਰੰਗਲ ਅਤੇ ਸੰਗਾਰੇਡੀ; ਉੱਤਰ ਪ੍ਰਦੇਸ਼ ਵਿੱਚ ਗੋਰਖਪੁਰ, ਕਾਨਪੁਰ ਅਤੇ ਵਾਰਾਣਸੀ; ਅਤੇ ਪੱਛਮੀ ਬੰਗਾਲ ਵਿੱਚ ਦੁਰਗਾਪੁਰ ਆਦਿ।

ਕੇਂਦਰੀ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲਾ ਕੋਵਿਡ -19 ਟੀਕਾਕਰਨ ਮੁਹਿੰਮ ਨੂੰ ਸਫਲ ਬਣਾਉਣ ਲਈ ਸਾਰੇ ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨਾਲ ਮਿਲ ਕੇ ਕੰਮ ਕਰ ਰਿਹਾ ਹੈ। ਘੱਟ ਹਸਪਤਾਲਾਂ ਵਾਲੇ ਰਾਜਾਂ ਨੂੰ ਰਾਜਾਂ ਵਿੱਚ ਸਥਿਤੀ ਦੀ ਸਮੀਖਿਆ ਕਰਨ ਅਤੇ  ਏਬੀ- ਪੀਐਮਜੇਏਵਾਈ ਅਤੇ ਰਾਜ ਵਿਸ਼ੇਸ਼ ਬੀਮਾ ਯੋਜਨਾਵਾਂ ਤਹਿਤ ਬਿਹਤਰ ਪ੍ਰਦਰਸ਼ਨ ਕਰਨ ਵਾਲੇ ਹਸਪਤਾਲਾਂ ਦੀ ਸੂਚੀ ਬਣਾਉਣ ਦੀ ਬੇਨਤੀ ਕੀਤੀ ਗਈ ਹੈ, ਇੱਕ ਭੂਗੋਲਿਕ ਪ੍ਰਸਾਰ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਅਤੇ ਟੀਕਾ ਨਿਰਮਾਤਾ ਨਾਲ ਸਮਝੌਤੇ ਲਈ ਉਤਸ਼ਾਹਤ ਕਰਦੇ ਹਨ।

ਇਸ ਤੋਂ ਇਲਾਵਾ, ਸਾਰੇ ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨਾਲ ਇੱਕ ਨਿਯਮਤ ਸੰਚਾਰ ਵੀ ਕੀਤਾ ਜਾ ਰਿਹਾ ਹੈ, ਜਿਸ ਨਾਲ ਉਨ੍ਹਾਂ ਨੂੰ ਪ੍ਰਾਈਵੇਟ ਹਸਪਤਾਲਾਂ ਦੁਆਰਾ ਸਮਝੌਤੇ ਤਹਿਤ ਖੁਰਾਕਾਂ ਵਿਰੁੱਧ ਪ੍ਰਾਪਤ ਵੈਕਸੀਨ ਬਾਰੇ ਜਾਣਕਾਰੀ ਦਿੱਤੀ ਜਾ ਰਹੀ ਹੈ ਤਾਂ ਜੋ ਰਾਜ / ਜ਼ਿਲ੍ਹਿਆਂ ਦੁਆਰਾ ਉਨ੍ਹਾਂ ਦੀ ਕਾਰਗੁਜ਼ਾਰੀ 'ਤੇ ਨੇੜਿਓਂ ਨਜ਼ਰ ਰੱਖੀ ਜਾ ਸਕੇ। ਇਸ ਤੋਂ ਇਲਾਵਾ, ਨਿਰਮਾਤਾਵਾਂ ਨਾਲ ਹਰੇਕ ਸਪੁਰਦਗੀ ਦੀ ਸਥਿਤੀ ਦਾ ਪਾਲਣ ਕਰਨ ਲਈ ਨਿਯਮਤ ਸਮੀਖਿਆ ਕੀਤੀ ਜਾ ਰਹੀ ਹੈ, ਜੋ ਰਾਜਾਂ / ਨਿੱਜੀ ਅਦਾਰਿਆਂ ਨੂੰ ਕਰਨ ਦੀ ਲੋੜ ਹੈ।

   *****

ਐਮਵੀ