ਕੇਂਦਰੀ ਵਿੱਤ ਅਤੇ ਕਾਰਪੋਰੇਟ ਮਾਮਲਿਆਂ ਬਾਰੇ ਮੰਤਰੀ ਸ਼੍ਰੀਮਤੀ ਨਿਰਮਲਾ ਸੀਤਾਰਮਣ ਨੇ ਅੱਜ ਆਉਂਦੇ ਬੁਨਿਆਦੀ ਢਾਂਚਾ ਰੋਡਮੈਪ ਬਾਰੇ ਵਿਚਾਰ ਕਰਨ ਲਈ ਸੀਨੀਅਰ ਸਰਕਾਰੀ ਅਧਿਕਾਰੀਆਂ ਨਾਲ ਇੱਕ ਵਰਚੂਅਲ ਮੀਟਿੰਗ ਕੀਤੀ । ਬਜਟ 2021—22 ਨੂੰ ਪੇਸ਼ ਕਰਨ ਤੋਂ ਬਾਅਦ ਅਗਲੇ ਬੁਨਿਆਦੀ ਢਾਂਚਾ ਰੋਡਮੈਪ ਬਾਰੇ ਕੀਤੀਆਂ ਜਾ ਰਹੀਆਂ ਮੀਟਿੰਗਾਂ ਦੀ ਲੜੀ ਵਿੱਚ ਇਹ ਦੂਜੀ ਅਤੇ ਵਿਭਾਗਾਂ / ਮੰਤਰਾਲਿਆਂ ਨਾਲ ਵਿੱਤ ਮੰਤਰੀ ਦੀ ਇਹ ਚੌਥੀ ਸਮੀਖਿਆ ਮੀਟਿੰਗ ਸੀ । ਮੀਟਿੰਗ ਦੌਰਾਨ ਮੰਤਰਾਲਿਆਂ ਅਤੇ ਉਹਨਾਂ ਦੇ ਸੀ ਪੀ ਐੱਸ ਈਜ਼ ਦੇ ਪੂੰਜੀ ਖਰਚ ਯੋਜਨਾਵਾਂ , ਬਜਟ ਐਲਾਨਾਂ ਨੂੰ ਲਾਗੂ ਕਰਨ ਬਾਰੇ ਸਥਿਤੀ ਅਤੇ ਬੁਨਿਆਦੀ ਢਾਂਚਾ ਨਿਵੇਸ਼ ਨੂੰ ਤੇਜ਼ ਕਰਨ ਲਈ ਉਪਾਵਾਂ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ । ਇਸ ਮੀਟਿੰਗ ਵਿੱਚ ਵਿੱਤ ਸਕੱਤਰ , ਆਰਥਿਕ ਮਾਮਲੇ ਵਿਭਾਗ ਦੇ ਸਕੱਤਰ , ਜਨਤਕ ਉੱਦਮ ਵਿਭਾਗ ਦੇ ਸਕੱਤਰ , ਪਾਵਰ ਮੰਤਰਾਲੇ ਦੇ ਸਕੱਤਰ ਅਤੇ ਚੇਅਰਮੈਨ ਰੇਲਵੇ ਬੋਰਡ ਅਤੇ ਸੀ ਈ ਓ ਦੇ ਨਾਲ ਨਾਲ ਇਹਨਾਂ ਦੋ ਮੰਤਰਾਲਿਆਂ ਦੇ ਸੀ ਐੱਮ ਡੀਜ਼ ਅਤੇ ਸੀ ਪੀ ਐੱਸ ਈਜ਼ ਦੇ ਸੀ ਈ ਓਜ਼ ਵੀ ਸ਼ਾਮਲ ਹੋਏ ।
ਮੰਤਰਾਲਿਆਂ ਅਤੇ ਉਹਨਾਂ ਦੇ ਸੀ ਪੀ ਐੱਸ ਈਜ਼ ਦੀ ਪੂੰਜੀ ਖਰਚਾ ਕਾਰਵਾਈ ਬਾਰੇ ਸਮੀਖਿਆ ਕਰਦਿਆਂ ਵਿੱਤ ਮੰਤਰੀ ਨੇ ਜ਼ੋਰ ਦੇ ਕੇ ਕਿਹਾ ਕਿ ਵਾਧੂ ਪੂੰਜੀ ਖਰਚਾ ਮਹਾਮਾਰੀ ਤੋਂ ਬਾਅਦ ਅਰਥਚਾਰੇ ਨੂੰ ਮੁੜ ਤੋਂ ਸੁਰਜੀਤ ਕਰਨ ਲਈ ਮਹੱਤਵਪੂਰਨ ਭੂਮਿਕਾ ਨਿਭਾਵੇਗਾ ਅਤੇ ਮੰਤਰਾਲਿਆਂ ਨੂੰ ਆਪਣੇ ਪੂੰਜੀ ਖਰਚੇ ਨੂੰ ਸਭ ਤੋਂ ਅੱਗੇ ਰੱਖਣ ਲਈ ਉਤਸ਼ਾਹਿਤ ਕੀਤਾ । ਮੰਤਰਾਲਿਆਂ ਨੂੰ ਆਪਣੇ ਪੂੰਜੀ ਖਰਚਿਆਂ ਤੋਂ ਵੱਧ ਟੀਚੇ ਪ੍ਰਾਪਤ ਕਰਨ ਲਈ ਵੀ ਬੇਨਤੀ ਕੀਤੀ ਗਈ । ਵਿੱਤ ਮੰਤਰੀ ਨੇ ਕਿਹਾ ਕਿ 2020—21 ਮਾਲੀ ਸਾਲ ਦੇ ਬਜਟ ਵਿੱਚ 5.54 ਲੱਖ ਕਰੋੜ ਰੁਪਏ ਦਾ ਪੂੰਜੀ ਖਰਚਾ ਮੁਹੱਈਆ ਕੀਤਾ ਗਿਆ ਹੈ । ਇਹ 2020—21 ਦੇ ਬਜਟ ਅੰਦਾਜ਼ੇ ਤੋਂ 34.5% ਵੱਧ ਹੈ ਪਰ , ਉਹਨਾਂ ਕਿਹਾ ਕਿ ਬਜਟ ਪੱਖ ਤੋਂ ਵਾਧੇ ਲਈ ਕੀਤੇ ਯਤਨਾਂ ਨੂੰ ਪੂੰਜੀ ਖਰਚੇ ਨੂੰ ਵਧਾਉਣ ਲਈ ਜਨਤਕ ਖੇਤਰ ਉੱਦਮਾਂ ਵੱਲੋਂ ਵੀ ਵਧਾਇਆ ਜਾਣਾ ਚਾਹੀਦਾ ਹੈ ।
ਵਿੱਤ ਮੰਤਰੀ ਨੇ ਇਹ ਵੀ ਉਜਾਗਰ ਕੀਤਾ ਕਿ ਬੁਨਿਆਦੀ ਢਾਂਚਾ ਖਰਚਾ ਕੇਵਲ ਬੁਨਿਆਦੀ ਢਾਂਚੇ ਲਈ ਕੇਂਦਰ ਸਰਕਾਰ ਦੇ ਬਜਟ ਦਾ ਖਰਚਾ ਹੀ ਨਹੀਂ ਹੈ ਅਤੇ ਇਸ ਵਿੱਚ ਸੂਬਾ ਸਰਕਾਰਾਂ ਅਤੇ ਨਿਜੀ ਖੇਤਰ ਵਿੱਚ ਲੰਬਿਤ ਬੁਨਿਆਦੀ ਢਾਂਚਾ ਵੀ ਸ਼ਾਮਲ ਹੈ । ਇਸ ਵਿੱਚ ਵਧੇਰੇ ਬਜਟ ਸਰੋਤਾਂ ਰਾਹੀਂ ਸਰਕਾਰੀ ਖਰਚਾ ਵੀ ਸ਼ਾਮਲ ਹੈ । ਇਸ ਲਈ ਮੰਤਰਾਲਿਆਂ ਨੂੰ ਨਵਾਚਾਰ , ਬਣਤਰ ਅਤੇ ਵਿੱਤ ਰਾਹੀਂ ਪ੍ਰਾਜੈਕਟਾਂ ਲਈ ਫੰਡ ਲੈਣ ਲਈ ਸਰਗਰਮੀ ਨਾਲ ਕੰਮ ਕਰਨਾ ਚਾਹੀਦਾ ਹੈ ਅਤੇ ਨਿਜੀ ਖੇਤਰ ਨੂੰ ਬੁਨਿਆਦੀ ਢਾਂਚੇ ਤੇ ਖਰਚ ਵਧਾਉਣ ਲਈ ਸਾਰੀ ਸਹਾਇਤਾ ਮੁਹੱਈਆ ਕੀਤੀ ਜਾਣੀ ਚਾਹੀਦੀ ਹੈ । ਵਿੱਤ ਮੰਤਰੀ ਨੇ ਕਿਹਾ ਕਿ ਮੰਤਰਾਲਿਆਂ ਨੂੰ ਵਿਵਹਾਰਕ ਪ੍ਰਾਜੈਕਟਾਂ ਲਈ ਪੀ ਪੀ ਪੀ ਮੋਡ ਦੀ ਤਲਾਸ਼ ਕਰਨ ਦੀ ਲੋੜ ਹੈ । ਵਿੱਤ ਮੰਤਰੀ ਨੇ ਮੰਤਰਾਲਿਆਂ ਅਤੇ ਉਹਨਾਂ ਦੇ ਸੀ ਪੀ ਐੱਸ ਈਜ਼ ਨੂੰ ਜਲਦੀ ਤੋਂ ਜਲਦੀ ਐੱਮ ਐੱਸ ਐੱਮ ਈਜ਼ ਦੀਆਂ ਅਦਾਇਗੀਆਂ ਕਰਨ ਨੂੰ ਯਕੀਨੀ ਬਣਾਉਣ ਲਈ ਆਖਿਆ ਹੈ ।
ਮੀਟਿੰਗ ਦੇ ਸਮਾਪਤੀ ਹਿੱਸੇ ਵਿੱਚ ਬੋਲਦਿਆਂ ਵਿੱਤ ਮੰਤਰੀ ਨੇ ਮੰਤਰਾਲਿਆਂ ਦੇ ਸਕੱਤਰਾਂ ਨੂੰ ਵੱਡੇ ਪ੍ਰਮੁੱਖ ਪ੍ਰਾਜੈਕਟਾਂ ਵਿੱਚ ਖਰਚਾ ਕਰਨ ਲਈ ਬੇਨਤੀ ਕੀਤੀ ਅਤੇ ਇਹ ਯਕੀਨੀ ਬਣਾਉਣ ਲਈ ਵੀ ਆਖਿਆ ਕਿ ਇਹ ਪ੍ਰਾਪਤੀ ਸਮਾਂ ਸੀਮਾ ਅਨੁਸਾਰ ਹੋਣੀ ਚਾਹੀਦੀ ਹੈ । ਉਹਨਾਂ ਨੇ ਸਬੰਧਿਤ ਸੂਬਾ ਸਰਕਾਰਾਂ ਨਾਲ ਇਸ ਨੂੰ ਪ੍ਰਭਾਵੀ ਢੰਗ ਨਾਲ ਲਾਗੂ ਕਰਨ ਲਈ ਸੈਕਟਰ ਵਿਸ਼ੇਸ਼ ਪ੍ਰਾਜੈਕਟਾਂ ਦੀ ਲਗਾਤਾਰ ਸਮੀਖਿਆ ਕਰਨ ਲਈ ਵੀ ਆਖਿਆ । ਵਿੱਤ ਮੰਤਰੀ ਨੇ ਕਿਹਾ ਕਿ ਉਹ ਸਾਰੇ ਮੰਤਰਾਲਿਆਂ / ਵਿਭਾਗਾਂ ਨਾਲ ਲਗਾਤਾਰ ਸਮੀਖਿਆ ਮੀਟਿੰਗਾਂ ਕਰਦੇ ਰਹਿਣਗੇ ।
 

**********

ਆਰ ਐੱਮ / ਐੱਮ ਵੀ / ਕੇ ਐੱਮ ਐੱਨ