প্রধানমন্ত্রীগী লোইশঙ
পি.এম.না ক্লাস ১২কী মহৈরোয়শিং অমসুং মখোয়গী মমা-মপাশিংগা ৱারী ৱাতায় শানখ্রে
হিন্দি ঙাঙদবা মফমশিংদগী মহৈরোয়শিংগা ৱারী শানবদা প্রধান মন্ত্রীনা মহৈরোয়শিংদুগী লোলগী ৱাহৈশিং শীজিন্নখি
পি.এম.না মহৈরোয়শিংদা মখোয়গী ইমুং মনুংগী মীওইশিং অমসুং য়ুমলোন্নবশিংবু তিকা থাবগী রেজিস্ত্রেসন তৌবদা মতেং পাংনবা হায়খি
Posted On:
03 JUN 2021 10:48PM by PIB Imphal
থাজদবা থৌওং অমদা প্রধান মন্ত্রী শ্রী নরেন্দ্র মোদীনা সি.বি.এস.ই.গী ক্লাস ১২গী মহৈরোয়শিংগী চত্থরিবা ৱারী ৱাতায় অমদা শরুক য়াখি। ৱারী ৱাতায়গী থৌরম অদু মহৈ মশিং মন্ত্রালয়না শিন্দুনা পাঙথোকপনি অমদি মহৈরোয়শিংগী মমা-মপাশিংসু শরুক য়াখি।
লৈবাক্কী তোঙান তোঙানবা মফমশিংদগী মহৈরোয়শিং ভর্চুএল ওইবা ৱারী ৱাতায়গী থৌরমদুদা শম্নহনখি। মহৈরোয়শিংগা চুশিন্নবা ফীভম অমা পুরক্নবগীদমক প্রধান মন্ত্রীনা হিন্দি ঙাঙদবা মফমশিংদগী মহৈরোয়শিংগা ৱারী শানবা মতমদা মহৈরোয়শিংদুগী মশাগী লোলগী ৱাহৈশিং শীজিন্নখি।
পি.এম.না মহৈরোয়শিং অদুবু মখোয়গী পুক্নিং চাউথোকপা অমদি থবক্না উৎপা থৌওংশিংগীদমক থাগৎলদুনা ঐখোয়গী লৈবাক্কী মহৈরোয়শিংনা খুদোংথিবা অমদি শিংনবা খুদিংমকপু মখোয়গী থৌনা ওন্থোক্লিবা অসি লৈবাকসিনা অপেনবা পোক্নিংঙাইনি অমদি মসিনা লৈবাকসিগী পাঙ্গল ওইরিবনি হায়না হায়খি। ৱারী ৱাতায় শানবা অদুদা মহৈরোয়শিংনা উৎখিবা মশানা মশাদা থাজববুসু মহাক্না থাগৎখি।
নখোয়না থেংনরিবা কয়া অসি য়াম্না মরুওই অমদি নখোয়গী তুংগী পুন্সিগী তাঙ্কক খুদিংদা কান্নরক্কনি হায়না পি.এম.না ফোঙদোকখি। ঐখোয়না স্কুল অমদি কলেজশিংদা তম্লিবা অপুনবগী ৱাখল্লোনগী খুদমশিং মহাক্না পীখি। কোরোনাগী মতমসিদা ঐখোয়না পারা অসি অনৌবা মওং অমদা তম্লে অমদি অসিগুম্লবা অৱা-অনা তারবা মতমসিদা অপুনবগী ৱাখল্লোনগী পাঙ্গল ঐখোয়না উরে।
পি.এম.না মহৈরোয়শিংদা মহৌশাগী ফীভম ঙাক্নবগীদমক এনভাইরনমেন্ত দে তারিবা জুন ৫দা করিগুম্বা খরা তৌনবা ৱাফম থমখি অমদি মদুগা মান্ননা ইন্তরনেসনেল দে ওফ য়োগ তারিবা জুন ২১দসু ইমুং মনুংশিংগা পুন্না য়োগ তৌনবা হায়খি। মহাক্না মহৈরোয়শিংদা মখোয়গী ইমুংগী মীওইশিং অমদি য়ুমলোন্নবশিংবু তিকা থানবগী রেজিস্ত্রেসন তৌবদা মতেং পাংনবা ৱাফমসু থমখি।
*****
(Release ID: 1724271)
Visitor Counter : 128
Read this release in:
Tamil
,
Telugu
,
Kannada
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Malayalam