नवी दिल्ली/मुंबई 31 मे 2021

आरोग्य मंत्रालयाची कोविड-19  घडामोडींवरील माहिती

भारतात दैनंदिन नव्या रुग्ण संख्येचा घटता कल जारी राखत 1.52 लाख या गेल्या 50 दिवसातल्या सर्वात कमी दैनंदिन नव्या रुग्णसंख्येची नोंद झाली आहे.

सलग चौथ्या दिवशी देशात 2 लाखापेक्षा कमी दैनंदिन नव्या रुग्णांची नोंद झाली आहे.

गेल्या 24 तासात 1,52,734  नव्या रुग्णांची नोंद झाली.

भारतात उपचाराधीन रुग्णांच्या संख्येत सातत्याने घट होत असून ही संख्या आज  20,26,092 झाली आहे.

गेल्या 24 तासात उपचाराधीन रुग्णसंख्येत 88,416 ने घट झाली असून उपचाराधीन रुग्ण, देशाच्या एकूण पॉझीटीव्ह रुग्णांच्या 7.22% आहेत.

सलग 18 व्या दिवशी, दैनंदिन नव्या रुग्णांच्या संख्येपेक्षा बरे होणाऱ्यांची संख्या जास्त आहे. गेल्या 24 तासात 2,38,022 रुग्ण बरे झाले.

महामारीच्या सुरवातीपासूनच्या कोरोना बाधितामधून  2,56,92,342 लोक कोरोनातून बरे झाले असून गेल्या 24 तासात 2,38,022 रुग्ण बरे झाले. रुग्ण बरे होण्याचा दर    91.60% झाला आहे.

गेल्या 24 तासात 16,83,135 चाचण्या करण्यात आल्या असून भारताने आतापर्यंत 34.48 कोटी चाचण्या केल्या आहेत.

देशभरात चाचण्यांच्या संख्येत वाढ होत असतानाच साप्ताहिक पॉझीटीव्हिटी दरामध्ये सातत्याने घट होत आहे. साप्ताहिक पॉझीटीव्हिटी दर सध्या 9.04% असून दैनंदिन पॉझीटीव्हिटी दर आज 9.07 % आहे. सलग 7 व्या दिवशी हा दर 10 % पेक्षा कमी आहे.

राष्ट्रीय लसीकरण अभियानांतर्गत आतापर्यंत 21.3 कोटी पेक्षा जास्त  लसीच्या मात्रा देण्यात आल्या.

आज सकाळी 7 वाजता प्राप्त झालेल्या अहवालानुसार 30,28,295 सत्राद्वारे एकूण  21,31,54,129 मात्रा देण्यात आल्या.

इतर अपडेट्स :

• देशभरातील लसीकरण मोहिमेचा एक भाग म्हणून, केंद्र सरकार, राज्ये आणि केंद्रशासित प्रदेशांना कोविड लसींच्या मात्रा विनामूल्य  उपलब्ध करून सहाय्य करत आहे. याव्यतिरिक्त, केंद्र  सरकार हे  राज्ये / केंद्रशासित प्रदेशांना लसींच्या मात्रांची  थेट खरेदी करण्याची सुविधाही सुलभ करत आहे. लसीकरण ,चाचणी, मागोवा, उपचार आणि कोविड योग्य वर्तन यासह या महामारीच्या नियंत्रण आणि व्यवस्थापनाच्या केंद्र सरकारच्या सर्वसमावेशक रणनीतीचा अविभाज्य स्तंभ आहेत.
• देशातील सर्व राज्ये, केंद्रशासित प्रदेश आणि केंद्रीय संस्थांना अ‍ॅम्फोटेरिसिन-बी या औषधाच्या अतिरिक्त 30,100 कुप्या वितरीत करण्यात आल्या आहेत अशी घोषणा केंद्रीय रसायने आणि खते मंत्री डी. व्ही. सदानंद गौडा यांनी आज केली.
• कोविड-19 महामारीच्या दुसऱ्या लाटेत आपल्या गुंतवणूकदारांना सहकार्य करण्यासाठी ईपीएफओने अर्थात कर्मचारी भविष्य निर्वाह निधी संघटनेने दुसऱ्यांदा बिगर परतावा आगाऊ रक्कम काढायला परवानगी दिली आहे. महामारीच्या काळात सदस्यांच्या आर्थिक गरजा पूर्ण करण्यासाठी प्रधानमंत्री गरीब कल्याण योजने अंतर्गत (PMGKY) मार्च 2020 मधे ही आगाऊ रक्कम काढण्याची विशेष तरतूद केली होती.

महाराष्ट्र अपडेट्स :-

महाराष्ट्र सरकारने 10 लाखापेक्षा जास्त लोकसंख्या असलेल्या सर्व महानगरपालिका-बृहन्मुंबई, ठाणे, नवी मुंबई,वसई-विरार, पुणे, पिंपरी चिंचवड, नागपूर, औरंगाबाद, नाशिक मध्ये 15 जून पर्यंत टाळेबंदी वाढवली आहे. ज्या शहरी भागात कोविड पॉझिटीव्हीटी दर 10 टक्के किंवा त्यापेक्षा कमी असेल आणि एकूण उपलब्ध ऑक्सिजन बेड्स 40 टक्क्यांपेक्षा कमी भरले असतील तर तिथे सर्व आवश्यक वस्तू व सेवांची दुकाने सकाळी 7 ते 11 या वेळेऐवजी सकाळी 7 ते दुपारी 2 या वेळेत सुरु ठेवता येतील.  सर्व शासकीय कार्यालये ही 15 ऐवजी 25 टक्के कर्मचारी उपस्थितीनिशी सुरु राहतील.  रविवारी  महाराष्ट्रात कोविड-19 बाधित  रूग्णसंख्या 18600 होती तर बाधितांची एकूण संख्या 5,731,815 वर पोहचली आहे. तर 402 जणांचा मृत्यू झाला. महाराष्ट्रात एकूण बळींची संख्या 94,844 झाली आहे.

गोवा अपडेट्‌स:-

गोव्यात रविवारी 645 नवीन कोरोना बाधितांची नोंद झाली तर 28 मृत्यू झाले.एकूण बाधितांची संख्या 1,55,064 झाली तर एकूण  2,625 मृत्यू नोंद आहेत.

M.Chopade/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com