ಭಾರತ ಸರಕಾರವು 2021 ರ ಏಪ್ರಿಲ್ 27 ರಿಂದ ಅಂತಾರಾಷ್ಟ್ರೀಯ ಸಹಕಾರದಲ್ಲಿ ಕೋವಿಡ್ -19 ಪರಿಹಾರಾರ್ಥವಾಗಿ ವಿವಿಧ ದೇಶಗಳಿಂದ/ ಸಂಘಟನೆಗಳಿಂದ ವೈದ್ಯಕೀಯ ಪೂರೈಕೆ ಮತ್ತು ಸಲಕರಣೆಗಳನ್ನು ಪಡೆಯುತ್ತಿದೆ. ಇವುಗಳನ್ನು ತ್ವರಿತವಾಗಿ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಅವುಗಳ ಕೋವಿಡ್ -19 ನಿರ್ವಹಣೆಗೆ ಪೂರಕವಾಗಿ ಕಳುಹಿಸಿಕೊಡಲಾಗುತ್ತಿದೆ/ಪೂರೈಸಲಾಗುತ್ತಿದೆ.

ಒಟ್ಟು, 18,006 ಆಮ್ಲಜನಕ ಕಾನ್ಸಂಟ್ರೇಟರ್ ಗಳು; 19,085 ಆಮ್ಲಜನಕ ಸಿಲಿಂಡರುಗಳು; 19 ಆಮ್ಲಜನಕ ಉತ್ಪಾದನಾ ಸ್ಥಾವರಗಳು, 14,514 ವೆಂಟಿಲೇಟರುಗಳು/ಬಿಐ.ಪಿ.ಎ.ಪಿ; ~7 ಲಕ್ಷ ರೆಮಿಡಿಸಿವಿರ್ ಬಾಟಲಿಗಳು, ~12 ಲಕ್ಷ ಫೆವಿಪಿರವಿರ್ ಮಾತ್ರೆಗಳನ್ನು 2021 ರ ಏಪ್ರಿಲ್ 27 ರಿಂದ 2021 ರ ಮೇ 26 ರವರೆಗೆ ರಸ್ತೆ ಮತ್ತು ವಾಯು ಸಾರಿಗೆ ಮೂಲಕ ಪೂರೈಸಲಾಗಿದೆ/ಕಳುಹಿಸಿಕೊಡಲಾಗಿದೆ

ಸಿಂಗಾಪುರ, ಬ್ರೂನೈ, ಒಮಾನ್, ಒಂಟಾರಿಯೋ (ಕೆನಡಾ) , ಈಜಿಪ್ಟ್, ಸಿಂಗಾಪುರ ರೆಡ್ ಕ್ರಾಸ್ ಸೊಸೈಟಿ, ಸೇವಾ ಇಂಟರ್ನಾಶನಲ್ (ಆಸ್ಟ್ರೇಲಿಯಾ), ಸ್ವಿಸ್ ಇಂಡಿಯಾ ಚೇಂಬರ್ ಆಫ್ ಕಾಮರ್ಸ್ , ಫಾರಂ ಆಫ್ ಇಂಡಿಯನ್ ಪ್ರೊಫೆಷನಲ್ (ಹಾಂಕಾಂಗ್) ಮತ್ತು ಫೋಕ್ಸ್ ವ್ಯಾಗನ್ (ಜರ್ಮನಿ) ಗಳಿಂದ 2021ರ ಮೇ 25/26ರಂದು ಬಂದಿರುವ ಪ್ರಮುಖ ಸರಕುಗಳಲ್ಲಿ ಈ ಕೆಳಗಿನವು ಸೇರಿವೆ.

ತಕ್ಷಣವೇ ಅವುಗಳ ಸಮರ್ಪಕ ಮಂಜೂರಾತಿ ಮತ್ತು ಪಡೆದುಕೊಳ್ಳುವ ರಾಜ್ಯಗಳು ಹಾಗು ಕೇಂದ್ರಾಡಳಿತ ಪ್ರದೇಶಗಳಿಗೆ ಮತ್ತು ಸಂಸ್ಥೆಗಳಿಗೆ ರವಾನೆ ಮಾಡುವುದು ಚಾಲ್ತಿಯಲ್ಲಿರುವ ಪ್ರಕ್ರಿಯೆಯಾಗಿದೆ.

ಕೇಂದ್ರ ಆರೋಗ್ಯ ಸಚಿವಾಲಯವು ಈ ಕಾರ್ಯಚಟುವಟಿಕೆಯನ್ನು ನಿಯಮಿತವಾಗಿ ಸಮಗ್ರವಾಗಿ ಉಸ್ತುವಾರಿ ಮಾಡುತ್ತಿದೆ. ದಾನ, ಸಹಾಯ ಮತ್ತು ದೇಣಿಗೆಗಳ ರೂಪದಲ್ಲಿ ಅಂತಾರಾಷ್ಟ್ರೀಯ ಸಹಕಾರದಡಿ ಬರುತ್ತಿರುವ ವಿದೇಶೀ ಕೋವಿಡ್ ಪರಿಹಾರ ಸಾಮಗ್ರಿಗಳನ್ನು ಪಡೆದು ವಿತರಿಸುವುದಕ್ಕಾಗಿಯೇ ಕೇಂದ್ರ ಆರೋಗ್ಯ ಸಚಿವಾಲಯವು ಪ್ರತ್ಯೇಕ ಸಮನ್ವಯ ಘಟಕವನ್ನು ರೂಪಿಸಿದೆ. ಈ ಘಟಕ /ಕೋಶವು 2021 ರ ಏಪ್ರಿಲ್ 26 ರಿಂದ ಕಾರ್ಯಾರಂಭ ಮಾಡಿದೆ. 2021 ರ ಮೇ 2 ರಿಂದ ಆರೋಗ್ಯ ಸಚಿವಾಲಯವು ಗುಣಮಟ್ಟ ಕಾರ್ಯಾಚರಣಾ ಪ್ರಕ್ರಿಯೆಯನ್ನು ರೂಪಿಸಿ ಜಾರಿಗೆ ತಂದಿದೆ.

***