नवी दिल्ली/मुंबई 25 मे 2021

आरोग्य मंत्रालयाची कोविड-19  घडामोडींवरील माहिती

कोविड-19 विरुद्ध भारताच्या लढाईत दैनंदिन नवीन रुग्णांची संख्या 40 दिवसानंतर 2 लाखांपेक्षा कमी झाली आहे  (14 एप्रिल 2021 रोजी दैनंदिन रुग्णांची नोंद  1,84,372 होती). गेल्या 24 तासांत 1,96,427 नवीन रुग्ण आढळले.

उपचाराधीन रुग्णांची एकूण संख्या देखील आता 25,86,782 पर्यंत कमी झाली आहे. 10 मे 2021 रोजी उपचाराधीन रुग्णांची संख्या सर्वोच्च पातळीवर होती ती आता कमी झाली आहे.  गेल्या 24 तासांत 1,33,934 ची घट झाली आहे. उपचाराधीन रुग्णसंख्या आता देशातील एकूण बाधित रुग्णांच्या 9.60% आहे.

सलग 12 व्या दिवशी देशात बरे झालेल्या दैनंदिन रुग्णांची संख्या नवीन रुग्णांपेक्षा अधिक आहे. गेल्या 24 तासांत 3,26,850 रुग्ण बरे झाले.

भारतातील बरे झालेल्या रुग्णांची एकूण संख्या आज 2,40,54,861 वर पोहोचली आहे.  रुग्ण बरे होण्याचा राष्ट्रीय  दर 89.26% पर्यंत वाढला आहे.

गेल्या 24 तासात देशात एकूण 20,58,112 चाचण्या घेण्यात आल्या असून आतापर्यंत एकूण 33,25,94,176 चाचण्या घेण्यात आल्या आहेत. दैनंदिन पॉसिटिव्हीटी दर कमी झाला आहे आणि आज तो 9.54% आहे.

आज सकाळी 7 वाजेपर्यंत प्राप्त झालेल्या तात्पुरत्या अहवालानुसार एकूण 19,85,38,999 लसींच्या मात्रा 28,41,151 सत्रांद्वारे देण्यात आल्या आहेत. यामध्ये 97,79,304  आरोग्य कर्मचारी (पहिली मात्रा), 67,18,723 आरोग्य कर्मचारी (दुसरी मात्रा), 1,50,79,964 आघाडीवर काम करणारे कर्मचारी (पहिली मात्रा), 83,55,982 आघाडीवर काम करणारे कर्मचारी (दुसरी मात्रा ), 18-44 वयोगटातील 1,19,11,759 लाभार्थी (पहिली मात्रा), 45 ते 60 वयोगटातील 6,15,48,484 (पहिली मात्रा) आणि 99,15,278 (दुसरी मात्रा )तर 60 वर्षांवरील 5,69,15,863 व्यक्तींना पहिली मात्रा तर, 1,83,13,642 लाभार्थींना लसीची दुसरी मात्रा देण्यात आली.

मागील 24 तासात 18-44 वयोगटासाठी लसीच्या 12.82 लाख मात्रा देण्यात आल्या. 1 मे 2021 पासून व्यापक आणि वेगवान राष्ट्रीय कोविड -19 लसीकरण धोरण राबवल्यापासून ही सर्वाधिक संख्या आहे.

इतर अपडेट्स :

• देशव्यापी लसीकरण अभियानाअंतर्गत राज्ये आणि केन्द्र शासित प्रदेशांना कोविड प्रतिबंधक लसीच्या मोफत मात्रा देत केंद्र सरकार सहकार्य करत आहे. यासोबतच राज्ये/ केन्द्र शासित प्रदेशांना लसींची  थेट खरेदी करण्याची सुविधाही केंद्र सरकारने दिली आहे. चाचणी, मागोवा, उपचार आणि कोविड प्रतिबंधक वर्तन यासह लसीकरण हा देखील सरकारच्या महामारी विरोधातल्या लढ्यातील धोरणाचा अविभाज्य घटक आहे.
• भारत सरकारकारकडे विविध देश आणि संस्थांकडून 27 एप्रिल 2021 पासून आंतरराष्ट्रीय स्तरावर सहकार्य तसेच कोविड-19 वरील उपचारांसाठी वैद्यकीय साधनसामग्री व उपकरणे प्राप्त होत आहेत. या साधनसामग्रीचे राज्ये व केंद्रशासित प्रदेशांना त्वरीत वितरण होत आहे.
• 24 मे 2021 रोजी सर्व राज्ये / केंद्रशासित प्रदेश आणि केंद्रीय संस्थांना अँफोटेरिसिन-बी च्या अतिरिक्त 19,420 कुप्यांचे वितरण करण्यात आले असे केंद्रीय रसायन आणि खते मंत्री डी. व्ही. सदानंद गौडा यांनी सांगितले.
• अहमदनगर जिल्ह्यातील हिवरे बाजार या कोरोनामुक्त गावाचे उदाहरण समोर ठेऊन  तसेच  व्यापक जनजागृती ,कोरोना प्रतिबंधासाठीच्या नियमांचे पालन , वेळोवेळी आरोग्य तपासणी आणि बाधितांचे विलगीकरण आणि सामुहिक इच्छाशक्तीला मिळालेली प्रयत्नांची जोड यामुळे अहमदनगर जिल्ह्यातील भोयरे खुर्द हे गाव पूर्णपणे कोरोना मुक्त झाले आहे.

महाराष्ट्र अपडेट्स :-

महाराष्ट्र सरकारने कोविड रुग्णांसाठी गृह विलगीकरण करण्याचा पर्याय बंद करण्याचा निर्णय घेतला असून आणि त्याऐवजी कोविड पॉझिटिव्हिटी दर अधिक असलेल्या विभागांतून संस्थात्मक विलगीकरण आवश्यक केले आहे. बृहन्मुंबई महानगरपालिकेने आज मुंबईत आपल्या विविध केंद्रांवर नागरीकांसाठी तीन दिवसांची खास वॉक-इन लसीकरण ( पूर्वनोंदणी विना) मोहीम सुरू केली. या मोहिमेअंतर्गत 60 वर्षांपेक्षा जास्त वयाच्या नागरिकांना या कालावधीत कोविशिल्ड लसीची पहिली आणि दुसरी  मात्रा मिळेल. आरोग्य कर्मचारी आणि आघाडीचे कर्मचारी, तसेच 45 वर्षे किंवा त्यापेक्षा जास्त वयोगटातील नागरीकांना यादरम्यान त्यांची दुसरी मात्रा मिळणार आहे. सर्व वयोगटातील लोकांना कोवाक्सिनची दुसरी मात्रा मिळू शकेल. 18-44 वर्षे वयोगटातील नागरीकांचे स्थानिक स्वराज्य संस्था (पालिकांतून) आणि शासनाने चालविलेल्या लसीकरण केंद्रांमधील लसीकरण स्थगित करण्यात आले आहे.

गोवा अपडेट्‌स:-

गोवा सरकार, दिनांक 26 मे पासून राज्यातील सर्व पंचायत आणि नगरपालिकांमधून  'टीका उत्सव' (लसीकरण उत्सव/अभियान) सुरू करणार आहे, ज्याद्वारे कोविड -19 चा  प्रतिकार करण्यासाठी 45 च्या वरील वयोगटातील सर्व नागरीकांचे लसीकरण केले जाईल. टीका उत्सवाच्या काळात फक्त लसीची पहिली मात्रा  दिली जाईल. गोव्यात सोमवारी 2,362 रूग्ण कोविडमुक्त झाले,कोविड -19 रुग्णसंख्येत 1401 ची भर पडली आणि एकूण रूग्णसंख्या 1,47,861वर पोहोचली, तर या दिवशी (काल) 38 रूग्ण मृत्युमुखी पडले. राज्यातील मृतांचा आकडा 2,421वर पोचला  आहे तर आतापर्यंत कोविडमुक्त होऊन घरी परतलेल्या  रुग्णांची संख्या 1,29,162 वर पोहोचली आहे आणि 16,278 रुग्ण सक्रीय असल्याची नोंद झाली आहे.

An image allegedly quoting a French Nobel Laureate on #COVID19 vaccines is circulating on social media

The claim in the image is #FAKE. #COVID19 Vaccine is completely safe

Do not forward this image#PIBFactCheck pic.twitter.com/DMrxY8vdMN

— PIB Fact Check (@PIBFactCheck) May 25, 2021

दावा: फिटकरी, हल्दी, सेंधा नमक व सरसों के तेल से #Mucormycosis का इलाज किया जा सकता है#PIBFactCheck:यह दावा #फर्जी है।इस नुस्खे से ब्लैक फंगस के उपचार का कोई वैज्ञानिक प्रमाण नहीं है। कृपया ऐसी किसी भी गंभीर स्वास्थ्य समस्या के उपचार के लिए केवल घरेलू नुस्खों पर विश्वास न करें। pic.twitter.com/x0P5HZQkGx

— PIB Fact Check (@PIBFactCheck) May 24, 2021

कई फर्जी खबरों/संदेशों के ज़रिए #कोविड टीकाकरण से जुड़े भ्रम फैलाए जा रहे हैं, इनमें से एक भ्रम यह है कि वैक्सीन महिलाओं व पुरुषों में संतानहीनता(infertility) का कारण हो सकती है!#PIBFactree

यह वैक्सीन पूरी तरह सुरक्षित है व इससे संतानहीनता होने का कोई वैज्ञानिक प्रमाण नहीं है। pic.twitter.com/gVMShYYBqJ

— PIB Fact Check (@PIBFactCheck) May 24, 2021

M.Chopade/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com