आरोग्य आणि कुटुंब कल्याण मंत्रालय
राज्ये / केन्द्र शासित प्रदेशांना 21.89 कोटींहून अधिक लसीच्या मात्रा करण्यात आल्या उपलब्ध
राज्ये / केन्द्र शासित प्रदेशांकडे अजूनही 1.7 कोटींहून अधिक मात्रांचा साठा उपलब्ध
प्रविष्टि तिथि:
25 MAY 2021 4:13PM by PIB Mumbai
नवी दिल्ली, 25 मे 2021
देशव्यापी लसीकरण अभियानाअंतर्गत राज्ये आणि केन्द्र शासित प्रदेशांना कोविड प्रतिबंधक लसीच्या मोफत मात्रा देत केंद्र सरकार सहकार्य करत आहे. यासोबतच राज्ये/ केन्द्र शासित प्रदेशांना लसींची थेट खरेदी करण्याची सुविधाही केंद्र सरकारने दिली आहे. चाचणी, मागोवा, उपचार आणि कोविड प्रतिबंधक वर्तन यासह लसीकरण हा देखील सरकारच्या महामारी विरोधातल्या लढ्यातील धोरणाचा अविभाज्य घटक आहे.
कोविड19 प्रतिबंधक लसीकरणाच्या तिसऱ्या टप्प्यातील व्यापक आणि गतिशील धोरणाला 1 मे 2021 पासून सुरुवात झाली आहे.
नियोजित धोरणानुसार, दर महिन्याला कोणत्याही लस उत्पादकाकडून 50 टक्के मात्रा, केन्द्रीय औषध प्रयोगशाळा (CDL) केंद्र सरकारच्या माध्यमातून खरेदी करेल.
आधी ठरल्याप्रमाणे या मात्रा राज्य सरकारांना मोफत उपलब्ध केल्या जात राहतील. मोफत आणि राज्यांकडून थेट खरेदी अशा दोन्ही माध्यमातून भारत सरकारने आतापर्यंत 21.89 कोटींपेक्षा जास्त लशींच्या मात्रा (21,89,69,250) राज्ये/ केन्द्र शासित प्रदेशांना उपलब्ध केल्या आहेत. अपव्ययासह एकूण 19,93,39,750 मात्रा देण्यात आल्या आहेत.(आज सकाळी 8 वाजेपर्यंत उपलब्ध माहितीनुसार).
राज्ये/ केन्द्र शासित प्रदेशांकडे अजूनही 1.77 कोटींहून जास्त (1,77,67,850) मात्रांचा साठा उपलब्ध आहे.
याशिवाय, 7 लाखाहून अधिक (7,00,000) लसीच्या मात्रा, पुरवठा प्रक्रीयेत असून राज्ये/ केन्द्र शासित प्रदेशांना येत्या 3 दिवसात त्या उपलब्ध होतील.
Jaydevi PS/V.Ghode/P.Malandkar
सोशल मिडियावर आम्हाला फॉलो करा: 
@PIBMumbai 
/PIBMumbai 
/pibmumbai 
pibmumbai[at]gmail[dot]com
(रिलीज़ आईडी: 1721609)
आगंतुक पटल : 343