প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী কেবিনেৎনা কেবিনেৎনা নাগপুরগী নেস্নেল দিজাজতর রেস্পোন্স ফোর্স একাদমীদা সেনিয়র এদমিনিস্ত্রেতিব গ্রেদ (এস.এ.জি.)গী দাইরেক্তরগী পোস্ত অমা (০১) শেম্নবা হোম এফিয়র্স মন্ত্রালয়না হৌদোক্লকপা ৱাফমগী অয়াবা পীখ্রে।

এন.দি.আর.এফ. একাদমীগী দাইরেক্তরগী পোস্ত অমা শেম্বদা, লুপ অসিবু শেন্নবা অমসুং লাকশিনবগী মথৌ অসি অপাম্বা পান্দমগী মতুং ইন্না ইন্সতিত্যুসন অসিবু লমজিংবা ঙমগদবা সেনিয়র অমসুং হৈ-শিংলবা মীওই অমদা শিন্নরগনি। একাদমী অসিনা এন.দি.আর.এফ., এস.দি.আর.এফ., সি.দি. ভলন্তিয়র অমসুং অতোপ্পা স্তেক-হোলদরশিং অমসুং এস.এ.এ.আর.সি. অমসুং অতোপ্পা লৈবাকশিংগী দিজাজতর রেস্পোন্স এজেন্সীশিংগী মীওই ৫০০০ হেনবদা চহি খুদিংগী ওইনা স্কিলদা য়ুম্ফম ওইবা প্রেক্তিকেল ত্রেনিং পীগনি। মসিনা তঙাই ফদবা হোংলকপা অমসুং স্তেকহোলদরশিংগী অপাম্বগী মতুং ইন্না ত্রেনিং প্রোগ্রামশিংবু য়েংশিন্দুনা শেমদোকপগী থৌওং কয়াসু পাংথোক্কনি। মসিনা এন.দি.আর.এফ., এস.দি.আর.এফ.কী মীওইশিং অমসুং অতোপ্পা স্তেকহোলদরশিংদা পীরিবা দিজাজতর রেস্পোন্সকী ত্রেনিংগী থাকসু য়াম্না ফগৎহনগনি।

বেকগ্রাউন্দঃ

নেস্নেল দিজাজতর রেস্পোন্স ফোর্স একাদমী অসি ইং ২০১৮দা নেস্নেল সিভিল দিফেন্স কোলেজ (এন.সি.দি.সি.)গা পুনশিন্নদুনা নাগপুরদা লিংখৎখিবনি। মসিগী মপুং ওইবা কেম্পস অসি হৌজিক শাবগী থবক চত্থরি অমসুং মসিনা লোইদ্রিবা ফাওবা, এন.সি.দি.সি.গী হৌজিক লৈরিবা কেম্পসতগী চলায়রি। একাদমী অসিনা নেস্নেল দিজাজতর রেস্পোন্স ফোর্স (এন.দি.আর.এফ.)/স্তেৎ দিজাজতর রেস্পোন্স ফোর্স (এস.দি.আর.এফ.)/সিভিল দিফেন্স ভলন্তিয়র অমসুং অতোপ্পা স্তেকহোলদরশিংদা  হৌজিক-হৌজিক ত্রেনিং পীরি অমসুং মখোয়না মালেমগী থাক্তা ইকায়খুম্নবা অৱাংবা থাক্কী ত্রেনিং ইন্সতিত্যুসন অমা ওইরকপগী মিৎয়েং য়েংলি। মসিনা এস.এ.এ.আর.সি. অমসুং অতোপ্পা লৈবাকশিংগী দিজাজতর রেস্পোন্সকী মীওইশিংদা অখন্নবা ত্রেনিংসু পীগনি।

*****