হকশেল অমসুং য়াইফ-য়ুম্বাল মন্ত্রালয়

ভারত সরকারনা ব্লেক ফঙ্গস লাইনা অসি লাইয়েংননবগীদমক এন্তি-ফঙ্গেল দ্রগ এম্ফোতেরিসিন-বি হেন্না পুথোক্নবা অমসুং হেন্না ফংহন্নবা লৈজবা পাম্বৈ পুম্নমক শিজিন্নদুনা হোৎনরি

লৈবাক অসিগী মনুংদা হিদাক অসি শাননবা অহেনবা মেনুফেকচরর মঙাদা লাইসেন্স পীখ্রে

হৌজিক লৈরিবা মেনুফেকচরর মঙানা পোত্থোক হেন্না পুথোক্লি

Posted On: 21 MAY 2021 2:02PM by PIB Imphal

ভারত সরকারনা “হোল ওফ গভর্মেন্ত” এপ্রোচ অমগী খুৎথাংদা কোবিদ-১৯ মেনেজমেন্তগীদমক রাজ্যশিং অমসুং য়ু.তি.শিংনা দ্রগশিং লৌশিল্লিবা অমসুং দাইয়েগ্নোস্তিক তৌরিবা অসিদা মতেং পাংদুনা লাক্লি৷ ২০২০গী এপ্রিল থাদগী হৌদুনা তোঙান তোঙানবা হিদাক লাংথকশিং, মেদিকেল ইক্ব্যুইপমেন্তশিং, পি.পি.ই. কিৎশিং, মাক্সশিং মরা্ং কাইনা ফংহন্ননবগীদমক কেন্দ্র সরকারনা রাজ্যশিং অমসুং য়ু.তি.শিং মতেং পাংলি৷

হৌখিবা নুমিৎ খরনি অসিদা, তোঙান তোঙানবা রাজ্যশিং অমসুং য়ু.তি.শিংদা ময়াম্না ব্লেক ফঙ্গৎ হায়না খঙনবা ম্যুকোর্মাইকোসিস অসি কোবিদ কমপ্লিকেসনশিং ওইনা পেসেন্তশিংদা নাবা হেনগৎলকখ্রে৷ ব্লেক ফঙ্গৎ লাইনা অসি লাইয়েং চত্থবা মতমদা এন্তি-ফঙ্গেল দ্রগ অমা ওইনা শিজিন্নরিবা এম্ফোতেরিসিন-বি অসি ৱাৎপগী রিপোর্তসু লাকখ্রে৷

এম্ফোতেরিসিন-বি অসি লৈবাক অসিদা পুথোকপগী চাং অসি কা হেন্না হেনগৎহন্নবা দিপার্তমেন্ত ওফ ফার্মক্যুতিকেল্সকা লোইননা হকশেলগী কেন্দ্রগী মন্ত্রালয় অমসুং এক্সতর্নেল এফিয়র্স মন্ত্রালয়না (এম.ই.এ.) হোৎনরি৷ কেন্দ্র সরকারনা হিদাক অসি গ্লোবেল মেনুফেকচররশিংদগী লৌশিন্দুনা লৈবাক অসিদা ফংলিবা হিদাক্কি চাং অসিগী মথক্তা কা হেন্না ফংহন্নবা হোৎনখ্রে৷

হৌজিক হৌজিক লৈবাক অসিদা এম্ফোতেরিসিন-বি শারিবা মেনুফেকচরর মঙা অমসুং ইম্পোর্তর অমা লৈরে:

১.  ভারত সেরম অমসুং ভেক্সিন্স লিমিতেদ

২.  বি.দি.আর. ফার্মক্যুতিকেল্স লিমিতেদ

৩.  সন ফার্ম লিমিতেদ

৪.  সিপলা লিমিতেদ

৫.  লাইফ কেয়র ইন্নোবেসন্স

৬.  মাইলেন লেবস (ইম্পোর্তর)

২০২১গী এপ্রিল থাদা হায়রিবা কম্পেনীশিং অসিনা পুথোক্লিবা হিদাক্কি চাং অসি কা হেন্না লিমিতেদ ওই৷ ভারত সরকারনা মতেং পাংলিবা অসিনা মরম ওইদুনা, হায়রিবা দোমেস্তিক মেনুফেকচররশিং অসিনা ২০২১গী মে থাদা এম্ফোতেরিসিন-বি পুন্না বাইএল ১,৬৩,৭৫২ পুথোক্লগনি৷ মসিনা ২০২১গী জুন থাদা হিদাক অসি বাইএল ২,৫৫,১১৪ য়ৌনা মখাতানা পুথোক্লগনি৷

মসিদগী হেন্দোক্তুনা, মসিগী এন্তি ফঙ্গেল দ্রগ অসি মপান লৈবাকশিংদগী পুশিল্লক্তুনা লৈবাক অসিদা কা হেন্না ফংহন্নবা য়াম্না কন্না হোৎনরি৷ ২০২১গী মে থাদা, এম্ফোতেরিসিন-বি বাইএল ৩,৬৩,০০০ পুশিল্লকখ্রে, মসিনা মরম ওইদুনা হিদাক অসি লৈবাক অসিদা (লৈবাক অসিদা শাজবা য়াওনা) বাইএল ৫,২৬,৭৫২গী চাংদা ফংহল্লগনি৷

২০২১গী জুনা থাদা বাইএল ৩,১৫,০০০ মপান লৈবাকশিংদগী পুশিল্লক্লগনি৷ মরম অদুনা দোমেস্তিক সপ্লাই অসিগা লোইননা, লৈবাক অসিদা এম্ফোতেরিসিন-বি হিদাক অসি ২০২১গী জুন থাদা বাইএল ৫,৭০,১১৪ য়ৌনা ফংহল্লগনি৷

হকশেল মন্ত্রালয়না য়াম্না কন্না হোৎনবনা মরম ওইদুনা, লৈবাক অসিদা এন্তি-ফঙ্গেল দ্রগ অসি শানবা অহেনবা মেনুফেকচরর মঙাদা লাইসেন্স পীখ্রে৷ মখোয়শিং অদুদি:

১. এন.এ.তি.সি.ও. ফার্মক্যুতিকেল্স, হাইদ্রবাদ

২. অলেম্বিক ফার্মক্যুতিকেল্স, ভাদোদরা

৩. গুফিক বাইওসাইন্সেস লিমিতেদ, গুজরাত

৪. এমক্যুর ফার্মক্যুতিকেল্স, পুনে

৫. লৈকা, গুজরাত

হায়রিবা কম্পেনীশিং অসিনা ২০২১গী জুলাই থাদগী হৌদুনা থা অমদা এম্ফোতেরিসিন-বি দ্রগ পুন্না বাইএল ১,১১,০০০ পুথোকপা হৌরগনি৷ হায়রিবা মেনুফেকচরর মঙা অসিনা মখোয়গী প্রদক্সন অসি মাংজৌননা খরা পুথোকহন্দুনা ২০২১গী জুন থাদা হিদাকশিং অসি সপ্লাই তৌবা হৌহন্নবা কেন্দ্রগী হকশেল মন্ত্রালয় অমসুং দিপার্তমেন্ত ওফ ফার্মক্যুতিকেল্সনা খুৎশম্নদুনা হোৎনরি৷

মসিগীসু মথক্তা, কেন্দ্রগী হকশেল মন্ত্রানয়না এম.ই.এ.গা খুৎশম্নদুনা এম্ফোতেরিসিন-বি দ্রগ অসি ইম্পোর্ত তৌবা য়াবা অতোপ্পা গ্লোবেল সোর্চশিং এক্তিবলি এক্সপ্লোর তৌরি৷ কেন্দ্রগী হকশেল মন্ত্রালয়নসু ব্লেক ফঙ্গৎ অসি লাইয়েংবা মতমদা শিজিন্নবা য়াবা অতোপ্পা এন্তিফঙ্গেল দ্রগশিং লৌশিন্ননবা য়াম্না কন্না হোৎনরি৷

 ******



(Release ID: 1720835) Visitor Counter : 43