কেন্দ্রগী এজুকেসন মন্ত্রীনা থৌবুরেল ওইদুনা ঙসি ভিদিও কনফরেন্সিংগী খুৎথাংদা আই.আই.এস.সি., আই.আই.তি.শিং, আই.আই.আই.তি.শিং, আই.আই.এস.ই.আর.শিং অমসুং এন.আই.তি.শিংগী দাইরেক্তরশিংগা লোইননা মীফম অমা পাংথোকখ্রে৷ মীফম অসিদা এজুকেসনগী রাজ্যগী মন্ত্রী শ্রী সঞ্জে ধোত্রিসু শরুক য়াখি৷ মীফম অসিদা, এজুকেসনগী হাইযর এজুকেসন মন্ত্রালয়গী সেক্রেতরী শ্রী অমিত খেয়র অমসুং আই.আই.এস.সি., আই.আই.তি.শিং, আই.আই.আই.তি.শিং, আই.আই.এস.ই.আর.শিং অমসুং এন.আই.তি.শিংগী দাইরেক্তরশিংসু শরুক য়াখি৷

কোবিদ-১৯গী ফিভম অসি লাকশিন্নবা হোৎনবদা সেফতী মিজরশিং মতিক চানা লৌখৎলিবা অসিগী মথক্তা নেস্নেল ইম্পোর্তেন্সকি অসিগুম্বা ইন্সতিত্যুতশিং অসিদা ক্বালিতী লৈবা এজুকেসন ফংহনবা অসি য়াম্না মরু ওই হায়না কেন্দ্রগী মন্ত্রীনা ফোংদোকখ্রে৷ ইন্সতিত্যুতশিং অসিনা পাংথোক্লিবা ভর্চুএল লেবোরেতরী কোর্সশিং অমসুং ওনলাইন এজুকেসনগী স্তেতস অদু মন্ত্রীনসু য়েংশিনখ্রে৷ ২০২০গী মার্চ থাদা অহানবা লোকদাউন হৌরকপদগী হৌদুনা ইন্সতিত্যুতশিং অসিনা ওনলাইন তিচিং তৌবা মাংজৌননা তৌবা হৌখ্রে হায়না ইন্সতিত্যুতশিং অসিগী দাইরেক্তরশিংনা ফোংদোরকখ্রে৷ ইন্সতিত্যুতশিং অসিগী মনুংদা খরদি ওনলাইন তিচিং অমসুং ইভালুয়েসনগীদমক মশা-মশাগী ওইবা এপসু শেমজখ্রে৷ কন্নেক্তিবিতী ইসু লৈবা মহৈরোইশিংগী ওইনা, লেকচর কন্তেন্তশিং অদু মতুং তারকপদা মফম অমহেক্তদগী দাউনলোদ তৌদুনা পাবা য়ানবা ফংহল্লি হায়নসু মখোয়না ফোংদোকখ্রে৷ ওজাশিংনা মখোয় মখোয়গী মহৈরোইশিংগা লোইননা ওনলাইন ক্লাসশিং তৌদুনা ইন্তরেক্ত তৌখ্রে অমসুং মখোয়বু লমজিংখ্রে৷

হায়রিবা ইন্সতিত্যুসনশিংগী কেম্পস্তা লৈরিবা কোবিদ কেসশিংগী স্তেতস অমসুং ইন্সতিত্যুসনশিং অসিনা থেংনরিবা নৌনা লৈরক্লিবা ফিভমশিং অদুসু খন্নখ্রে৷ হৌজিক ওইরিবা ফিভম অসিদা পোজিতিব ওইনা খনবা অমসুং পোজিতিব ওইনা রিএক্সনশিং তৌবা অসিনা মহৈরোইশিং অমসুং তিচিং কম্ম্যুনিতীগী মরক্তা কান্নদবা এঞ্জাইতী লৈরিবা অদুদগী ঙাকথোকপা ঙমগনি হায়না মন্ত্রী অসিনা ফোংদোকখ্রে৷ ইন্সতিত্যুতশিং অসিনা হোৎনরিবা থবক অমনা সোসাইতী অসিদা পোজিতিব এতমোস্ফেয়র অমা শেম্বদা মতেং ওইরগনি৷

কোবিদকি মতম অসিদা একাদেমিক সেসন পুম্নমক লেপ্পা-লৈতনা মখা চত্থরিবা অসিগীদমক শ্রী ধোত্রিনা ইন্সতিত্যুসন পুম্নমকপু থাগৎখ্রে৷ কোবিদ লাইচৎ অসিনা মরম ওইদুনা লেপ্পা-লৈতনা থোকহল্লিবা চেলেঞ্জশিং অসি থেংনবা ঙম্নবা অনৌবা ইন্নোবেসনশিং পুথোক্তুনা সাইন্স অমসুং তেক্নোলোজিদা হেন্না মীৎয়েং থম্নবা মহাক্না মখোয়দা হায়খ্রে৷ মহৈরোইশিংগী এজুকেসন নীদশিং অসি ফংহন্নবা হোৎনবদা হাইব্রিদ লর্নিং তৌবগী য়াম্না তঙাই ফদবা লৈ হায়না মহাক্না ফোংদোকখ্রে৷ মহৈরোইশিংদা ৱার্ল্দ ক্লাস এজুকেসন ফংহন্নবা নেস্নেল এজুকেসন পোলিসী চৎনবা মরু ওই হায়নসু মহাক্না ফোংদোকখ্রে৷

ইন্সতিত্যুতশিং অসিনা মখোয় মখোয়গী কোবিদ-১৯ মেনেজমেন্ত স্ত্রাতিজি অদু শন্দোক্না তাকখ্রে অমসুং মশা মশাগী রাজ্যশিংদা লৈরিবা ফিভম অদু থেংননবা হোৎনবদা দরকার ওইরিবা সপোর্ত অমসুং এৱার্নেস পীননবগীদমক ভোলুন্তরী সর্ভিস ওইনা লোকেল এদমিনিস্ত্রেসনদা মতেং পাংখ্রে৷ ইন্সতিত্যুতশিং অসিনা গাইদলাইনশিংগী মতুং ইন্না অমসুং লোকেল এদমিনিস্ত্রেসনগা মুন্না তান্নরবা মতুংদা কেম্প রিসাইদেন্তশিং অসিগীদমক পাংথোকখিবা ভেক্সিনেসন দ্রাইব অদুগী মতাংদসু তেল্লপনা ফোংদোরকখ্রে৷

কোবিদকি ফিভম অসি লাকশিন্নবা হোৎনবদা হায়রিবা ইন্সতিত্যুতশিং অসিনা নেস্নেল ইম্পোর্তেন্সকিদমক পাংথোকখিবা রিসর্চ অদুগী মতাংদা মরু ওইনা খন্ন-নৈনখি৷ ইন্সতিত্যুতশিং অসিনা লো কোস্ত আর.তি.-পি.সি.আর. মেছিনশিং, কিৎশিং, ভেন্তিলেতরশিং, কোবিদ-১৯গী ত্রেন প্রেদিক্ত তৌনবা মেথমেতিকেল মোদেলিং শেম্লিবা অমসুং মখোয়শিং অসিবু স্তেত হেল্থ দিপার্তমেন্তগী দিস্পোজেলদা মাই পাক্না থম্লিবা অসিগীদমক কেন্দ্রগী এজুকেসন মন্ত্রীনা ইন্সতিত্যুতশিং অসিবু থাগৎখ্রে৷ হায়রিবা ইন্সতিত্যুতশিং অসিনা শেমগৎলিবা স্তার্ত অপশিং অমসুং ইনকুবেসন সেলশিং অসি শিজিন্নদুনা রিসর্চ প্রদক্ত কয়া অমা কম্মর্সিয়েলাইস তৌখ্রে৷

ইন্সতিত্যুতশিং অসিনা তৌখিবা পনবা য়াবা রিসর্চ ৱার্ক খরা অদুদি-কোরোনা তেস্তিং কিৎ ‘কোরোজর’ শেমগৎপা, রুম তেম্পরেচরদা স্তোর তৌবা য়াবা ভেক্সিনশিং শেমগৎপগী রিসর্চ, কোরোনা ভাইরসকি ভেরিয়েন্তশিং মশক খঙদোক্নবা জিনোম সিক্বেন্সিং তৌবা, পেথোজেন ইনফেক্সন য়াম্না থুনা দাইয়েগ্নোস্তিক তৌবা য়ানবা ‘কোবিরেপ’ দিভাইস শেমগৎপা, ভেন্তিলেতরশিংদা ওক্সিজেন ইফেক্তিব ওইনা শিজিন্নবগী মেথর্দশিং, ওক্সিজেন কন্সেন্ত্রেতরশিং শেমগৎপা, লো কোস্ত পোর্তেবল ভেন্তিলেতরশিং শেমগৎপা অসিনচিংবনি৷

নেস্নেল এজুকেসন পোলিসী,২০২০ অসিগা মরী লৈননা, ইন্সতিত্যুত কয়া অমনা মাংজৌননা অনৌবা দিপার্তমেন্তশিং/মল্তি-দিসিপ্লিনরি প্রোগ্রামশিং পাংথোকপা হৌখ্রে হায়না পনবা য়াই৷ আই.আই.এস.সি. বেঙ্গলোর অমসুং আই.আই.তি. খরগপুরনা অথুবা মতমদা মেদিকেল সাইন্সশিংদা কোর্সশিং পীবা হৌরগনি৷ ওজাশিং ত্রেনিং পীবা/মেন্তরশিপ, ইন্তরনেস্নেলাইজেসন অমসুং একাদেমিয়া –ইন্দস্ত্রী ইন্তরেক্সন তৌবদা ইন্সতিত্যুসনশিং অসিনা হেন্না মীৎয়েং থমখ্রে৷

*****