സുഹൃത്തുക്കളെ,

കൊറോണയെ പ്രതിരോധിക്കാന്‍ നിങ്ങളെല്ലാം കഠിനാധ്വാനം ചെയ്തിട്ടുണ്ടെന്നു മാത്രമല്ല, രണ്ടാം തരംഗവുമായി പോരാടുമ്പോള്‍ അതു തുടരുകയും ചെയ്യുന്നു. കൊറോണ പോസിറ്റീവ് ആയിരുന്നിട്ടും, നിങ്ങളുടെ ജില്ലകളിലെ സ്ഥിതിഗതികള്‍ പരിപാലിക്കുന്നത് നിങ്ങളില്‍ പലരും ഉണ്ട്. ഇത് ജില്ലകളിലെ മറ്റുള്ളവരെ പ്രോത്സാഹിപ്പിക്കുകയും മറ്റുള്ളവര്‍ നിങ്ങളില്‍ നിന്ന് പ്രചോദനം നേടുകയും ചെയ്തു. ദിവസങ്ങളോളം വീടുകള്‍ സന്ദര്‍ശിക്കാനും കുടുംബത്തെ കാണാനും കഴിയാത്ത നിരവധി പേരുണ്ട്. പലര്‍ക്കും അവരുടെ കുടുംബത്തിലെ പ്രധാന അംഗങ്ങളെയും അവരുടെ അടുത്ത ആളുകളെയും നഷ്ടമായി. ഈ പ്രയാസകരമായ സാഹചര്യത്തിനിടയില്‍, നിങ്ങളുടെ കടമയ്ക്ക് നിങ്ങള്‍ മുന്‍ഗണന നല്‍കി. നമ്മുടെ നിരവധി സഹപ്രവര്‍ത്തകരുടെ അനുഭവങ്ങള്‍ കേള്‍ക്കാന്‍ എനിക്ക് അവസരം ലഭിച്ചു. ശരി, എനിക്ക് മുന്നില്‍ ധാരാളം ആളുകള്‍ ഉണ്ട്. എല്ലാവര്‍ക്കും ഇത് സാധ്യമായില്ല (അവരുടെ അനുഭവങ്ങള്‍ പങ്കുവെക്കുക) എങ്കിലും എല്ലാവര്‍ക്കും പുതിയതും നൂതനവുമായ എന്തെങ്കിലും സ്വന്തമായി ഉണ്ടായിരുന്നു, അവര്‍ അവരുടേതായ രീതിയില്‍ വഴികള്‍ കണ്ടെത്തുകയും ചെയ്തു. പ്രാദേശികമായി നിങ്ങള്‍ ഒരു അടിസ്ഥാന ആശയം എങ്ങനെ ഉപയോഗിക്കുന്നു എന്നതിലെ ഏറ്റവും വലിയ ശ്രമമാണിത്. ശ്രദ്ധേയമായ നിരവധി പുതുമകള്‍ ഉണ്ടായിട്ടുണ്ട്.  അനുഭവങ്ങളെക്കുറിച്ച് പറയാന്‍ കഴിയാത്തവര്‍ക്ക് പങ്കിടാന്‍ പ്രധാനപ്പെട്ട എന്തെങ്കിലും ഉണ്ടായിരിക്കണം. നിങ്ങള്‍ അസാധാരണമായി ചെയ്തതായി നിങ്ങള്‍ കരുതുന്ന കാര്യങ്ങളില്‍ യാതൊരു മടിയും കൂടാതെ എന്നെ രേഖാമൂലം അറിയിക്കണമെന്ന് ഞാന്‍ എല്ലാവരോടും അഭ്യര്‍ത്ഥിക്കുന്നു. മറ്റ് ജില്ലകളിലെ നിങ്ങളുടെ അനുഭവങ്ങള്‍ എങ്ങനെ മികച്ച രീതിയില്‍ ഉപയോഗിക്കാമെന്നും ഞാന്‍ പരിഗണിക്കും. കാരണം നിങ്ങളുടെ പരിശ്രമങ്ങളും പുതുമകളും രാജ്യത്തിനും ഉപയോഗപ്രദമായിരിക്കണം. ഇന്ന് എന്‍റെ മുമ്പില്‍ വന്നിട്ടുള്ള എല്ലാ പ്രശ്നങ്ങളും നമുക്ക് വളരെയധികം ഉപകാരപ്പെടുമെന്ന് എനിക്ക് ഉറപ്പുണ്ട്. അതിനാല്‍, നിങ്ങളുടെ നിര്‍ദ്ദേശങ്ങള്‍ക്കായി ഞാന്‍ കാത്തിരിക്കും. നിങ്ങളുടെ എല്ലാ ശ്രമങ്ങളെയും ഞാന്‍ അഭിനന്ദിക്കുന്നു.

സുഹൃത്തുക്കളേ, 

നമ്മുടെ രാജ്യത്തെ വിവിധ ജില്ലകളില്‍ വ്യത്യസ്ത വെല്ലുവിളികളുണ്ട്. ഒരു തരത്തില്‍ പറഞ്ഞാല്‍, ഓരോ ജില്ലയ്ക്കും അതിന്‍റേതായ വെല്ലുവിളികളുണ്ട്. നിങ്ങളുടെ ജില്ലയുടെ വെല്ലുവിളികളെ നിങ്ങള്‍ വളരെ മികച്ച രീതിയില്‍ മനസ്സിലാക്കുന്നു. അതിനാല്‍, നിങ്ങളുടെ ജില്ല വിജയിക്കുമ്പോള്‍, രാജ്യം വിജയിക്കും. നിങ്ങളുടെ ജില്ല കൊറോണയെ പരാജയപ്പെടുത്തുമ്പോള്‍ രാജ്യം കൊറോണയെ പരാജയപ്പെടുത്തുന്നു. അതിനാല്‍, ഓരോ ജില്ലയിലും ഓരോ ഗ്രാമത്തിലും തങ്ങളുടെ ഗ്രാമങ്ങളെ കൊറോണയില്ലാതെ നിലനിര്‍ത്തുമെന്ന ചിന്ത ഉണ്ടായിരിക്കണം. ഗ്രാമങ്ങളിലെ ജനങ്ങള്‍ ഇതിനായി ദൃഢപ്രതിജ്ഞയെടുക്കണം. ഗ്രാമങ്ങളിലെ ആളുകള്‍ നടത്തിയ ക്രമീകരണങ്ങള്‍ കഴിഞ്ഞ തവണ എന്നെ അത്ഭുതപ്പെടുത്തി. ഇതിനെ എങ്ങനെ നേരിടാമെന്ന് അവര്‍ക്കറിയില്ല, കാര്‍ഷിക മേഖലയില്‍ ഒരു ലോക്ക്ഡൗണ്‍ ഉണ്ടായിരുന്നില്ല. സാമൂഹ്യ അകലം പാലിച്ച് ഗ്രാമീണര്‍ കൃഷി ആരംഭിച്ചു എന്നതാണ് ഏറ്റവും നല്ല കാര്യം. ഗ്രാമങ്ങളിലെ ആളുകള്‍ ഈ സന്ദേശത്തെ ഗൗരവമായി എടുക്കുകയും അവരുടെ ആവശ്യങ്ങള്‍ക്കനുസരിച്ച് പരിഷ്ക്കരിക്കുകയും ചെയ്തത് നിങ്ങള്‍ ഓര്‍ക്കുന്നുണ്ടാവും. ഇതാണ് ഗ്രാമങ്ങളുടെ കരുത്ത്. യോഗങ്ങളെ സംബന്ധിച്ചിടത്തോളം ഇന്നും പല ഗ്രാമങ്ങളും നന്നായി കൈകാര്യം ചെയ്തിട്ടുണ്ടെന്ന് ഞാന്‍ കണ്ടു. ഒന്നോ രണ്ടോ ആളുകള്‍ മുഴുവന്‍ ഗ്രാമത്തിന്‍റെയും ആവശ്യത്തിനായി യാത്ര ചെയ്യുന്നു, അവശ്യവസ്തുക്കള്‍ കൊണ്ടുവന്ന് ഗ്രാമത്തില്‍ വിതരണം ചെയ്യുന്നു. ഗ്രാമത്തില്‍ നിന്നു തന്നെ വന്നതാണെങ്കിലും അതിഥി ആദ്യം വീടിന് പുറത്ത് ഇരിക്കേണ്ടതാണ്. ഗ്രാമത്തിനുള്ള അതിന്‍റേതായ കരുത്തു ഫലപ്രദമായി ഉപയോഗപ്പെടുത്തുന്നു. കൊറോണയ്ക്കെതിരായ ഈ യുദ്ധത്തില്‍ നിങ്ങള്‍ക്കെല്ലാവര്‍ക്കും വളരെ പ്രധാനപ്പെട്ട പങ്കുണ്ടെന്ന് പറയാന്‍ ഞാന്‍ ആഗ്രഹിക്കുന്നു. ഈ യുദ്ധത്തില്‍ നിങ്ങള്‍ ഒരു തരത്തില്‍ ഫീല്‍ഡ് കമാന്‍ഡറാണ്. ഏതൊരു യുദ്ധത്തിലുമെന്നപോലെ, ഒരു വലിയ പദ്ധതിക്ക് രൂപം നല്‍കുന്നത് ഫീല്‍ഡ് കമാന്‍ഡറാണ്. എങ്ങനെ പൊരുതണമെന്നു സാഹചര്യത്തിനനുസരിച്ച് തീരുമാനിക്കുകയും ചെയ്യുന്നു. ഇന്നു നിങ്ങള്‍ എല്ലാവരും ഈ പോരാട്ടത്തില്‍ പ്രധാന ഫീല്‍ഡ് കമാന്‍ഡറായി നേതൃത്വത്തെ കൈകാര്യം ചെയ്യുന്നു. ഈ വൈറസിനെതിരായ നമ്മുടെ ആയുധങ്ങള്‍ എന്തൊക്കെയാണ്? ആയുധങ്ങള്‍ ഇവയാണ് - പ്രാദേശിക നിയന്ത്രണ മേഖലകള്‍, കര്‍ശന പരിശോധന, ആളുകള്‍ക്ക് ശരിയായ വിവരങ്ങള്‍ ഉറപ്പാക്കല്‍. ആശുപത്രികളില്‍ എത്ര കിടക്കകള്‍ ലഭ്യമാണ്, എവിടെയാണ് അവ ലഭ്യമാകുന്നത് എന്നതിനെക്കുറിച്ചുള്ള വിവരങ്ങള്‍ എളുപ്പത്തില്‍ ലഭ്യമാക്കുന്നത് ജനങ്ങള്‍ക്ക് വലിയ സൗ കര്യമാണ്.

അതുപോലെ, കരിഞ്ചന്ത തടയുന്നതിലായാലും അത്തരം ആളുകള്‍ക്കെതിരെ കര്‍ശന നടപടിയെടുക്കുന്നതിലായാലും അല്ലെങ്കില്‍ മുന്‍നിര തൊഴിലാളികളെ അവരുടെ മനോവീര്യം ഉയര്‍ത്തിക്കൊണ്ട് അണിനിരത്തുന്നതിലായാലും ഒരു ഫീല്‍ഡ് കമാന്‍ഡര്‍ എന്ന നിലയിലുള്ള നിങ്ങളുടെ ശ്രമങ്ങള്‍ ജില്ലയെ മുഴുവന്‍ ശക്തിപ്പെടുത്തുന്നു. മുന്‍നിര തൊഴിലാളികള്‍ എല്ലായ്പ്പോഴും നിങ്ങളുടെ പെരുമാറ്റത്തിലും പ്രവര്‍ത്തനത്തിലും പ്രചോദിതരാണ്, അവരുടെ ആത്മവിശ്വാസം കൂടുതല്‍ വളരുന്നു. നിങ്ങളോട് ഒരു കാര്യം കൂടി പറയാന്‍ ഞാന്‍ ആഗ്രഹിക്കുന്നു. സര്‍ക്കാര്‍ രൂപീകരിച്ച നയത്തിന് ജില്ലാതലത്തില്‍ എന്തെങ്കിലും പരിഷ്കാരം ആവശ്യമാണെന്നും അത് നയത്തിന് കരുത്ത് പകരുമെന്നും നിങ്ങള്‍ കരുതുന്നുവെങ്കില്‍ നിങ്ങള്‍ക്ക് അതിനു സ്വാതന്ത്ര്യമുണ്ട്. അതു ചെയ്യു. നിങ്ങളുടെ ജില്ലയുടെ പ്രാദേശിക ആവശ്യങ്ങള്‍ക്കനുസൃതമായി ഈ നവീന ആശയങ്ങള്‍ നിങ്ങളുടെ സംസ്ഥാനത്തിനോ മുഴുവന്‍ രാജ്യത്തിനോ പ്രയോജനകരമാണെന്ന് നിങ്ങള്‍ക്ക് തോന്നുന്നുവെങ്കില്‍ അത് ഗവണ്‍മെന്‍റുമായും പങ്കിടുക. അതിവേഗം മാറിക്കൊണ്ടിരിക്കുന്ന സാഹചര്യങ്ങള്‍ കണക്കിലെടുത്ത് നിങ്ങളുടെ അനുഭവങ്ങളില്‍ നിന്ന് നയങ്ങളില്‍ എന്തെങ്കിലും പുരോഗതി ആവശ്യമാണെന്ന് നിങ്ങള്‍ കരുതുന്നുവെങ്കില്‍ പ്രതികരണം ഒരു മടിയും കൂടാതെ പങ്കിടുക. കാരണം, ഈ യുദ്ധം നമ്മളെല്ലാവരും ഒരുമിച്ച് ചിന്തിക്കുകയും പുതിയ ആശയങ്ങള്‍ ഒന്നിച്ച് കൂട്ടിച്ചേര്‍ക്കുകയും ചെയ്താല്‍ മാത്രമേ നമുക്ക് അതിനെ ജയിക്കാന്‍ കഴിയൂ.

സുഹൃത്തുക്കളെ, 

നിങ്ങളുടെ ജില്ലയുടെ വിജയം ഒരു മാതൃകയാക്കാനും ബാക്കി ജില്ലകളെ സഹായിക്കാനും പറ്റും. കൊറോണയെ നേരിടാന്‍ ഏറ്റവും നല്ല രീതികള്‍ എന്തും നാം അവലംബിക്കണം. നിങ്ങളുടെ സഹപ്രവര്‍ത്തകരില്‍ പലരും കൊറോണ അണുബാധ ഇപ്പോള്‍ ഉച്ചസ്ഥായിയിലെത്തിയ ജില്ലകളിലായിരിക്കും. നിങ്ങളുടെ അനുഭവങ്ങളില്‍ നിന്ന് പഠിച്ച് തന്ത്രം ശക്തിപ്പെടുത്തുമ്പോള്‍ കൊറോണയ്ക്കെതിരായ പോരാട്ടം ഇപ്പോള്‍ എളുപ്പമാകുന്ന ജില്ലകളിലായിരിക്കും നിങ്ങളുടെ സഹപ്രവര്‍ത്തകരില്‍ പലരും.

സുഹൃത്തുക്കളെ, 

നിലവില്‍, പല സംസ്ഥാനങ്ങളിലും കൊറോണ അണുബാധയുടെ കണക്കുകള്‍ കുറയുന്നു. പല സംസ്ഥാനങ്ങളിലും ഇവ വര്‍ദ്ധിച്ചുകൊണ്ടിരിക്കുകയാണ്. സുഹൃത്തുക്കളേ, കുറഞ്ഞുവരുന്ന കണക്കുകള്‍ക്കിടയില്‍ നാം കൂടുതല്‍ ജാഗ്രത പാലിക്കേണ്ടതുണ്ട്. കഴിഞ്ഞ ഒരു വര്‍ഷത്തെ മിക്കവാറും എല്ലാ യോഗങ്ങളിലും ഓരോ ജീവനും രക്ഷിക്കുന്നതിനാണു നമ്മുടെ പോരാട്ടമെന്ന് ഞാന്‍ ആശംസിച്ചു. അണുബാധയുടെ വ്യാപനം തടയുകയെന്നതും നമ്മുടെ ഉത്തരവാദിത്തമാണ്. അണുബാധയുടെ ശരിയായ തോത് അറിയാമെങ്കില്‍ മാത്രമേ ഇത് സാധ്യമാകൂ. പരിശോധന, ട്രാക്കിംഗ്, ഒറ്റപ്പെടല്‍, ചികിത്സ, കോവിഡ് ബാധിക്കാതിരിക്കാനുള്ള ജീവിത രീതി എന്നിവയ്ക്ക് നിരന്തരം പ്രാധാന്യം നല്‍കേണ്ടത് പ്രധാനമാണ്. കൊറോണയുടെ ഈ രണ്ടാം തരംഗത്തില്‍ ഗ്രാമീണ, വിദൂര പ്രദേശങ്ങളില്‍ നാം വളരെയധികം ശ്രദ്ധിക്കേണ്ടതുണ്ട്. നിങ്ങളുടെ എല്ലാവരുടെയും പ്രായോഗിക അനുഭവവും നിങ്ങളുടെ കഴിവുകളും വളരെയധികം ഉപയോഗപ്രദമാകും.

ഗ്രാമങ്ങളില്‍ അവബോധം വര്‍ദ്ധിപ്പിക്കുകയും കോവിഡ് ചികിത്സയ്ക്കുള്ള സൗകര്യങ്ങളുമായി ബന്ധിപ്പിക്കുകയും വേണം. വര്‍ദ്ധിച്ചുവരുന്ന കേസുകളുടെയും പരിമിതമായ വിഭവങ്ങളുടെയും ഇടയില്‍, ആളുകളുടെ പ്രതീക്ഷകള്‍ക്ക് ശരിയായ പരിഹാരം നല്‍കുക എന്നതിനാണ് നമ്മുടെ ഏറ്റവും വലിയ മുന്‍ഗണന. എല്ലാ വെല്ലുവിളികള്‍ക്കിടയിലും, സമൂഹത്തിന്‍റെ അടിത്തട്ടിലുള്ള വ്യക്തിയെ മനസ്സില്‍ വച്ചുകൊണ്ട് നാം ശ്രമങ്ങള്‍ നടത്തണം. നാം സംവിധാനങ്ങളെ ശക്തിപ്പെടുത്തണം. അതിലൂടെ അവന്‍റെ കഷ്ടപ്പാടുകള്‍ ലഘൂകരിക്കുന്നതിന് സഹായം നല്‍കപ്പെടും. ഭരണത്തില്‍ നിന്നുള്ള ഒരു വ്യക്തി പോലും ഈ വലിയ വിഭാഗത്തില്‍ എത്തുമ്പോള്‍, അദ്ദേഹവുമായി ബന്ധപ്പെടുകയും ശ്രദ്ധിക്കുകയും ചെയ്യുമ്പോള്‍, സംവിധാനത്തില്‍ അവന്‍റെ വിശ്വാസം വളരുന്നു. രോഗത്തിനെതിരെ പോരാടാനുള്ള അദ്ദേഹത്തിന്‍റെ ശക്തി പലമടങ്ങ് വര്‍ദ്ധിക്കുന്നു. ഞങ്ങള്‍ കാണുന്നതുപോലെ, ഭരണത്തില്‍ നിന്നുള്ള ആളുകള്‍ വീട്ടിലെ ഒറ്റപ്പെടലില്‍ താമസിക്കുന്ന കുടുംബത്തിലേക്ക് ഓക്സിമീറ്ററും മരുന്നുകളും എത്തിക്കുമ്പോള്‍, അവരെക്കുറിച്ച് അന്വേഷിക്കുമ്പോള്‍, തങ്ങളെ തനിച്ചാക്കിയിട്ടില്ലെന്ന് ചിന്ത കുടുംബാംഗങ്ങള്‍ക്ക് ഉണ്ടാവുന്നു.

സുഹൃത്തുക്കളെ,

കോവിഡിനപ്പുറം, നിങ്ങളുടെ ജില്ലയിലെ ഓരോ പൗരന്‍റെയും 'ഈസ് ഓഫ് ലിവിംഗ്' നിങ്ങള്‍ ശ്രദ്ധിക്കേണ്ടതുണ്ട്. അണുബാധ തടയുകയും ദൈനംദിന ജീവിതത്തില്‍ തടസ്സമില്ലാത്ത അവശ്യസാധനങ്ങള്‍ ഉറപ്പാക്കുകയും ഒരേസമയം വേണം. അതിനാല്‍, പ്രാദേശിക നിയന്ത്രണ മേഖലകള്‍ക്കായി പുറപ്പെടുവിച്ച മാര്‍ഗ്ഗനിര്‍ദ്ദേശങ്ങള്‍ പൂര്‍ണ്ണമായി പാലിക്കുന്നുണ്ടെന്ന് ഉറപ്പുവരുത്തുമ്പോള്‍, ദരിദ്രരുടെ ദുരിതം ഏറ്റവും കുറഞ്ഞിരിക്കുന്നു എന്നു നാം ഉറപ്പാക്കേണ്ടതുണ്ട്. ഒരു പൗരനും കഷ്ടപ്പെടരുത്.

സുഹൃത്തുക്കളെ,

പി.എം. കെയേഴ്സ് ഫണ്ടിന് കീഴില്‍ രാജ്യത്തെ എല്ലാ ജില്ലകളിലെയും ആശുപത്രികളില്‍ ഓക്സിജന്‍ പ്ലാന്‍റുകള്‍ അതിവേഗം ആരംഭിക്കുന്നു. ഈ പ്ലാന്‍റുകള്‍ പല ആശുപത്രികളിലും പ്രവര്‍ത്തിക്കാന്‍ തുടങ്ങി. ചണ്ഡീഗഢിനെക്കുറിച്ച് ഇപ്പോള്‍ നമ്മള്‍ കേട്ടതുപോലെ, അത് എത്രത്തോളം പ്രയോജനകരമാണെന്ന് തെളിഞ്ഞു. അതിനാല്‍, ഈ പ്ളാന്‍റുകള്‍ അനുവദിക്കേണ്ട എല്ലാ ജോലികളും പൂര്‍ത്തിയാക്കാന്‍ ഞാന്‍ നിങ്ങളോട് അഭ്യര്‍ത്ഥിക്കുന്നു, അങ്ങനെ ഈ ഓക്സിജന്‍ പ്ളാന്‍റുകള്‍ വേഗത്തില്‍ സജ്ജമാക്കും. ആശുപത്രികളില്‍ ഓക്സിജന്‍ മോണിറ്ററിംഗ് കമ്മിറ്റി മികച്ച രീതിയില്‍ പ്രവര്‍ത്തിക്കുന്നതിനനുസരിച്ച് ഓക്സിജന്‍ കൂടുതല്‍ ശരിയായി ഉപയോഗിക്കപ്പെടും.

സുഹൃത്തുക്കളെ, 

കോവിഡിനെതിരായ പോരാട്ടത്തിലെ ശക്തമായ മാര്‍ഗമാണ് കുത്തിവയ്പ്പ്. അതിനാല്‍, അതുമായി ബന്ധപ്പെട്ട എല്ലാ മിഥ്യാധാരണകളും തള്ളിക്കളയാന്‍ നാം ഒരുമിച്ച് പ്രവര്‍ത്തിക്കണം. കൊറോണ വാക്സിനുകളുടെ വിതരണം വളരെ വലിയ തോതില്‍ വര്‍ദ്ധിപ്പിക്കുന്നതിന് നിരന്തരമായ ശ്രമങ്ങള്‍ നടക്കുന്നു. പ്രതിരോധ കുത്തിവയ്പ്പിനുള്ള ക്രമീകരണങ്ങളും നടപടിക്രമങ്ങളും ആരോഗ്യ മന്ത്രാലയം തുടര്‍ച്ചയായി കാര്യക്ഷമമാക്കുന്നു. അടുത്ത 15 ദിവസത്തേക്കുള്ള ഷെഡ്യൂള്‍ സംസ്ഥാനങ്ങള്‍ക്ക് മുന്‍കൂട്ടി ലഭ്യമാക്കാനാണ് ശ്രമം. നിങ്ങളുടെ ജില്ലയിലെ എത്ര പേര്‍ക്ക് എത്ര ഡോസ് വാക്സിനുകള്‍ ലഭ്യമാകുമെന്ന് അറിയാനും ഇതനുസരിച്ച് ക്രമീകരണങ്ങള്‍ ചെയ്യാനും ഇത് സഹായിക്കും. ജില്ലാതലത്തില്‍ വാക്സിന്‍ പാഴാക്കുന്നത് തടയുന്നതിനുള്ള ശരിയായ മാനേജ്മെന്‍റിനെക്കുറിച്ചു നിങ്ങള്‍ക്ക് നന്നായി അറിയാം. നിങ്ങളുടെ സഹകരണത്തോടെ, വാക്സിനുകള്‍ പാഴാക്കുന്നത് പൂര്‍ണ്ണമായും ഒഴിവാക്കാന്‍ കഴിയും. മാത്രമല്ല, വാക്സിനുകളുടെ പരമാവധി ഉപയോഗത്തിലേക്ക് നമുക്ക് വിജയകരമായി നീങ്ങാനും കഴിയും.

സുഹൃത്തുക്കളെ,

ഒരു ഭരണകര്‍ത്താവ്, ഒപ്പം മനുഷ്യവിഭവ ശേഷി, ചരക്കുനീക്ക മാനേജര്‍ എന്നീ നിലകളില്‍ നിങ്ങളുടെ പങ്ക് ഇത്തവണയും പരീക്ഷിക്കപ്പെടുന്നു. വൈദ്യ രംഗത്തെ ഉല്‍പന്നങ്ങളുടെ വിതരണത്തിനു പുറമെ നിങ്ങളുടെ ജില്ലയില്‍ ആവശ്യത്തിന് മറ്റ് അവശ്യസാധനങ്ങള്‍ ഉണ്ടെന്ന് ഉറപ്പാക്കേണ്ടത് വളരെ പ്രധാനമാണ്. നമുക്കെല്ലാവര്‍ക്കും മഴക്കാലത്തെക്കുറിച്ച് അറിയാം. ഗവണ്‍മെന്‍റിന്‍റെ ദൈനംദിന കാര്യങ്ങളില്‍ നിങ്ങള്‍ ഏര്‍പ്പെട്ടിരിക്കുന്നതിനാല്‍, ജൂണ്‍ അടുക്കുമ്പോള്‍ നിങ്ങളുടെ ശ്രദ്ധ വ്യതിചലിക്കുന്നു. നിങ്ങളുടെ ഊന്നല്‍ മിക്കവാറും കാലാവസ്ഥയിലേക്കും മഴയിലേക്കും മാറുന്നു. മഴക്കാലം ഇപ്പോള്‍ ആരംഭിക്കാന്‍ പോകുന്നു. അതിനാല്‍ സ്വാഭാവികമായും നിങ്ങള്‍ക്ക് മഴക്കാല വെല്ലുവിളികള്‍ ഉണ്ട്. അത് നിങ്ങളുടെ ഭാരവും ഉത്തരവാദിത്തങ്ങളും വര്‍ദ്ധിപ്പിക്കുന്നു. അതിനാല്‍, നിങ്ങളുടെ ആവശ്യങ്ങള്‍ വളരെ വേഗത്തില്‍ കണ്ടെത്തുകയും ആവശ്യമായ ക്രമീകരണങ്ങള്‍ നടത്തുകയും വേണം. ചില സമയങ്ങളില്‍ കനത്ത മഴ കാരണം വൈദ്യുതി തകരാറുണ്ടാവും. ആശുപത്രിയില്‍ വൈദ്യുതി മുടക്കം ഉണ്ടെങ്കില്‍, അത്തരമൊരു സമയത്ത് വലിയ പ്രതിസന്ധി ഉണ്ടാകും. അതിനാല്‍ ഇനി മുതല്‍ ഈ സാഹചര്യങ്ങളെക്കുറിച്ച് ചിന്തിക്കണം. വെല്ലുവിളി വളരെ വലുതാണ്, പക്ഷേ നമ്മുടെ മനോവീര്യം അതിനെക്കാള്‍ വലുതാണ്. നമ്മുടെ പ്രതികരണം ? ???? ? ആയിരിക്കണം, അതായത്, മുമ്പോ ശേഷമോ ഉള്ളതുപോലെ ആകരുത്. 
ഈ മനോഭാവത്തോടെയും ദൃഢനിശ്ചയത്തോടെയും നാം ഈ പ്രതിസന്ധിയില്‍ നിന്ന് രാജ്യത്തെ പുറത്തു കടത്തും. കൊറോണയ്ക്കെതിരെ നിങ്ങള്‍ ഇപ്പോള്‍ നേടുന്ന അനുഭവങ്ങള്‍ ഭാവിയിലും നിങ്ങള്‍ക്കും രാജ്യത്തിനും വളരെയധികം ഉപയോഗപ്രദമാകും. ഈ അനുഭവങ്ങള്‍ ശരിയായി ഉപയോഗിച്ചുകൊണ്ട് രാജ്യത്തെ വളരെയധികം സേവിക്കുന്നത് നിങ്ങള്‍ക്ക് തുടരാനാകും. നിങ്ങളുടെ സഹകരണവും കാര്യക്ഷമമായ നേതൃത്വവും മാനേജ്മെന്‍റും ഉപയോഗിച്ച് കൊറോണയ്ക്കെതിരായ ഈ പോരാട്ടത്തില്‍ ഇന്ത്യ ശക്തമായി മുന്നോട്ട് പോകുമെന്ന് എനിക്ക് ഉറപ്പുണ്ട്. ഇന്ന് ഈ യോഗത്തില്‍ പങ്കെടുക്കുന്ന എല്ലാ സംസ്ഥാനങ്ങളിലെയും മുഖ്യമന്ത്രിമാരും സമയം ചെലവഴിച്ചതില്‍ ഞാന്‍ സന്തുഷ്ടനാണ്. പരിപാടി ആവിഷ്കരിക്കുമ്പോള്‍, തിരക്കിലായിരിക്കും എന്നതിനാല്‍ മുഖ്യമന്ത്രിമാരെ ഉള്‍പ്പെടുത്തേണ്ട ആവശ്യമില്ലെന്ന് തോന്നി. എന്നിട്ടും, പ്രശ്നത്തിന്‍റെ ഗൗരവം കണക്കിലെടുത്ത് മുഖ്യമന്ത്രിമാര്‍ ഈ പരിപാടിയില്‍ പങ്കാളികളായി. ഇത് വളരെ സ്വാഗതാര്‍ഹമാണ്. ബഹുമാനപ്പെട്ട എല്ലാ മുഖ്യമന്ത്രിമാരോടും ഞാന്‍ ഹൃദയംഗമമായ നന്ദി അറിയിക്കുന്നു. നിങ്ങളുടെ ജില്ലയിലെ എല്ലാ ടീമുകളും അതത് മുഖ്യമന്ത്രിയുടെ മാര്‍ഗനിര്‍ദേശപ്രകാരം യാഥാര്‍ഥ്യ ബോധത്തോടെയും ദൃഢനിശ്ചയത്തോടെയും ഓരോ ഗ്രാമത്തെയും കൊറോണയില്‍ നിന്ന് രക്ഷിക്കണം. നിങ്ങള്‍ ഈ മന്ത്രവുമായി മുന്നോട്ട് പോകുക. വീണ്ടെടുക്കല്‍ നിരക്ക് അതിവേഗം വര്‍ദ്ധിക്കട്ടെ, നെഗറ്റീവ് കേസുകളുടെ എണ്ണം അതിവേഗം വര്‍ദ്ധിക്കുകയും പരിശോധനകള്‍ വേഗത്തില്‍ നടത്തുകയും ചെയ്യട്ടെ. ഈ കാര്യങ്ങള്‍ക്കെല്ലാം ഊന്നല്‍ നല്‍കുമ്പോഴും വിജയത്തിലെത്താനുള്ള ഒരൊറ്റ ശ്രമവും പരീക്ഷണവും നാം ഉപേക്ഷിക്കരുത്. നിങ്ങളില്‍ നിന്ന് ഞാന്‍ കേട്ട കാര്യങ്ങളില്‍ ആത്മവിശ്വാസത്തിന്‍റെ ഒരു ഘടകം എനിക്ക് മനസ്സിലാക്കാന്‍ കഴിയും. അനുഭവവും പുതിയ രീതികളും ഉണ്ട്. ഈ കാര്യങ്ങളെല്ലാം തന്നെ വലിയ ആത്മവിശ്വാസം വളര്‍ത്തുന്നു. ഞാന്‍ വീണ്ടും എല്ലാവരോടും വളരെയധികം നന്ദി പറയുന്നു. നിങ്ങള്‍ക്കു മുന്നില്‍ വലിയ ജോലി ഉണ്ട്. പ്രവര്‍ത്തന രംഗത്ത് തുടരുകയും നിങ്ങളുടെ ആരോഗ്യം സംരക്ഷിക്കുകും കുടുംബാംഗങ്ങളെ പരിപാലിക്കുകയും വേണം. നിങ്ങള്‍ പരിപാലിക്കുന്ന പ്രദേശത്തെ ഓരോ വ്യക്തിയുടെയും ആരോഗ്യം സുരക്ഷിതമാക്കാന്‍ നിങ്ങളുടെ നേതൃത്വം വളരെയധികം സഹായിക്കുമെന്ന പ്രതീക്ഷയോടെ, വളരെ നന്ദി, ആശംസകള്‍!

*****