কঞ্জ্যুমর এফিয়র্স বিভাগনা মিল চলায়বা, ইম্পোর্তর, লল্লোনবা মীওইগুম্বা স্তোকহোলদরশিংদা লৈরিবা হৱাইগী স্তোক হায়দোকহন্নবা রাজ্যশিংনা পায়খৎলিবা থবকশিংবু ঙসি হন্না য়েংশিনখ্রে। ভিদিও কনফরেন্সিংগী খুত্থাংদা পাংথোকপা ঙসিগী মীফমদা রাজ্য/য়ু.তি.শিংগী ফুদ, সিভিল সপ্লাইজ অমসুং কঞ্জ্যুমর এফিয়র্স বিভাগকী প্রিন্সিপল সেক্রেতরীশিংনা শরুক য়াখি অমসুং মীফম অসিদা কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন মন্ত্রালয়গী কঞ্জ্যুমর এফিয়র্স বিভাগকী সেক্রেতরী, মিস লীনা নন্দন্না লৈবাক শিনবা থুংবদা হৱাই ফংবা অমসুং মমলগী ফীভমশিং য়েংশিনখি। ভারত সরকারগী এগ্রিকলচর সেক্রেতরী অমসুং ফুদ অমসুং পব্লিক দিস্ত্রিব্যুসনগী সেক্রেতরীসু মীফম অদুদা শরুক য়াখি।

ইসেন্সিএল কম্মোদিতিজ এক্স (ই.সি. এক্ত), ১৯৫৫গী অসি তঙাই ফদবা পোৎলমগী মনুং চনবা পোৎলমশিংবু মতিক চাবা মমলদা মীয়ামদা মরাং কায়না ফংহন্নবনি হায়বা ৱাফম্বু মীফম অসিদা নৌহৌননা নীংশিংনখি। হৱাইগী মমলদা খঙহেন হেনগৎলক্লিবা অসি স্তোক হোলদরশিংনা লোৎশিন্দুনা থম্বদগীনি হায়না মীফম অসিদা শরুক য়ারিবা মীওইশিংনা য়ানবা পুরকখি।

ইসেন্সিএল কম্মোদিতিজ এক্ত (ই.সি. এক্ত), ১৯৫৫গী সেক্সন ৩(২)(ঐচ.) অমসুং ৩(২)(আই.)না তঙাই ফদবা পোৎলমশিং পুথোকপা, য়েন্থোকপা নত্ত্রগা লল্লোন ইতিক্কীদমক্তা য়েন্থোকপা অমসুং মসিগা মরী লৈনবা কারবারগী হিশাব য়েংশিন্দুনা মরী লৈনবা ই-পাউ পীবগী হীরম শেন্নবা মীওইদা হীরম অসিগা মরী লৈনবা মতিক চাবা ই-পাউ খোমজিন্নবা য়াথং পীবগী ৱাফম য়াওরি। সেক্সন অসিগী মখাদা পীরিবা শক্তি অসি কেন্দ্রগী তাং ৯/৬/১৯৭৮দা থোকপা ওর্দর জি.এস.আর. ৮০০গী মখাদা রাজ্য সরকারশিংদা শিন্নখ্রবনি।

মসিগী মতুং ইন্না, কঞ্জ্যুমর এফিয়র্স বিভাগনা মে ১৪, ২০২১দা থোকখিবা ৱারোলদা রাজ্য/য়ু.তি.শিংনা ই.সি. এক্ত, ১৯৫৫গী সেক্সন ৩(২)(ঐচ.) অমসুং ৩(২)(আই.)গী মখাদা পীরিবা শক্তি শিজিন্নদুনা মিল চলায়বা, ইম্পোর্তর, লল্লোনবা মীওইগুম্বা স্তোকহোলদরশিংদা লৈরিবা হৱাইগী স্তোক হায়দোকহন্নবা অমসুং মদুগী অচুম-অরানবু রাজ্য/য়ু.তি. সরকারশিংনা অমুক থিদোক্নবা খঙহনখ্রে।

রাজ্য/য়ু.তি.শিংনা হৱাইগী মমলবু চয়োল খুদিংগী য়েংশিন্নবসু হায়খ্রে। মিল চলায়বা, হোলশেলদা পোৎ য়োনবা, ইম্পোর্তরনচিংবশিংগী অকুপ্পা ৱারোল অমসুং মখোয়দা লৈরিবা হৱাইগী চাং মেনশিন্নবা ওনলাইন দেতাশীৎ অমসু মখোয়দা শিন্নখ্রে।

হৱাই পুথোক্লিবা রাজ্যশিং/য়ু.তি.শিংদা পোত্থোক লৈশিনবগী থবক হৌনবসু খঙহনখ্রে মরমদি তুং কোইনা পোত্থোক লৈশিনবগী থৌওংনা লৌমীশিংনা হৱাইবু মতম শাংনা থানবগীদমক্তা থৌগৎকনি। অহেনবা হৱাইশিং অসি লৌমীশিংদগী লৈশিনবা হৱাইগা লোয়ননা কঞ্জ্যুমর বিভাগনা প্রাইস স্তেবিলাইজেসন ফন্দ (পি.এস.এফ.)কী মখাদা শেন্নগনি। হেন্না লৈশিনবগী থৌওং অসিনা লৌমীশিংদা এম.এস.পি.দা লৈদুনা নাকল অমদা তেংবাংগনি অমসুং অহেনবা চাংবু থাদোকপা অসিনা মমল লেংদনা লৈহন্দুনা কঞ্জ্যুমরশিংগী অৱাবা হন্থহনগনি। লৈশিল্লবা হৱাইশিং অসি মফম-মফমদা থমদুনা রাজ্যশিংদা খ্বাইদগী তাবা মমলদা পীবা ঙমহন্দুনা কঞ্জ্যুমরশিংদা হোঙনা ফংবা ঙমহনগনি।

রাজ্য/য়ু.তি.শিংদা তঙাই ফদবা পোৎলম ২২ খুদিংমক, মরু ওইনা হৱাই, ওইলসীদ, হেঞ্জাং-নাপী অমসুং শঙ্গোমগী মমল য়েংশিনবগা লোয়ননা মতম চাদনা মমল হেনগৎপা য়েংশিন্দুনা হায়রিবা পোৎলমশিং অসি কঞ্জ্যুমরশিংদা অহোঙবা মমলদা ফংহন্নবা মতিক চাবা থবক পায়খৎনবা খঙহনখ্রে।

রাজ্য/য়ু.তি.শিংদা মে ১৫, ২০২১দা কম্মর্স বিভাগনা “রেস্ত্রিক্তেদ”তগী “ফ্রী”দা খুদক্তগী অমসুং ওক্তোবর ৩১, ২০২১ ফাওবগী ওনখ্রবা তুর/ পিজন পীজ; মুং অমসুং উরাদ মীরমদগী পুশিল্লকপগী পোলিসীদা অহোংবা লৈবগী মতাংদা খঙহনখি।

মসিগী মীচঙ-মীখায় নাইদবা চৎনবী অসিনা হৱাই নীংথিজনা অমসুং মতম চানা মীরমদগী লৈবদা তেংবাংগনি। ফাইতো-সেনিতরী ক্লিয়ারেন্স অমসুং কস্তম ক্লিয়ারেন্সকুম্বা রিগ্যুলেতরী ক্লিয়ারেন্সশিং মতম চানা পীবগী হীরমশিং অসি ঙসি পাংথোকখিবা ফুদ, কঞ্জ্যুমর এফিয়র্স, এগ্রিকলচর, কস্তম অমসুং কম্মর্সকী মীফমদা খন্নদুনা অহেনবা মিৎয়েং চঙনখি।

****