స్వదేశీ కొవిడ్ వ్యాక్సిన్ల అభివృద్ధి మరియు ఉత్పత్తిని వేగవంతం చేయడానికి ఆత్మనిర్భర్‌ భారత్ 3.0 మిషన్ కొవిడ్ సూరక్షను భారత ప్రభుత్వం ప్రకటించింది. దీనిని న్యూ ఢిల్లీలోని భారత బయోటెక్నాలజీ విభాగం కింద  బయోటెక్నాలజీ ఇండస్ట్రీ రీసెర్చ్ అసిస్టెన్స్ కౌన్సిల్ (బిఐఆర్‌ఎసి) అమలు చేస్తోంది.

ఈ మిషన్ కింద కోవాక్సిన్ యొక్క స్వదేశీ ఉత్పత్తి సామర్థ్యాన్ని పెంచడానికి 2021 ఏప్రిల్‌లో భారత ప్రభుత్వ బయోటెక్నాలజీ విభాగం మెరుగైన ఉత్పత్తి సామర్థ్యాలకు వ్యాక్సిన్ తయారీ సౌకర్యాలకు గ్రాంట్‌గా ఆర్థిక సహాయం అందించింది. సెప్టెంబర్, 2021 నాటికి ఇది నెలకు 10 కోట్లకు పైగా మోతాదుకు చేరుకుంటుందని అంచనా.

ఈ వృద్ధి ప్రణాళికలో భాగంగా భారత్ బయోటెక్ లిమిటెడ్, హైదరాబాద్ మరియు ఇతర ప్రభుత్వ రంగ తయారీదారుల సామర్థ్యాలు అవసరమైన మౌలిక సదుపాయాలు మరియు సాంకేతిక పరిజ్ఞానంతో అప్‌గ్రేడ్ అవుతున్నాయి.  టీకా ఉత్పత్తి సామర్థ్యాన్ని పెంచడానికి పునర్నిర్మించబడుతున్న భారత్ బయోటెక్ బెంగళూరుకు భారత ప్రభుత్వం  సుమారు రూ .65 కోట్లు గ్రాంట్‌గా ఆర్థిక సహాయం  అందిస్తుంది.

టీకా ఉత్పత్తి సామర్థ్యాన్ని పెంచడానికి ఈ క్రింది మూడు ప్రభుత్వ రంగ సంస్థలు కూడా మద్దతు ఇస్తున్నాయి.

1. హాఫ్కిన్ బయోఫార్మాస్యూటికల్ కార్పొరేషన్ లిమిటెడ్, ముంబై-మహారాష్ట్ర ప్రభుత్వ పరిధిలో ఉన్న రాష్ట్ర పిఎస్ఇ.

తయారీకి సిద్ధం చేసే ఈ సదుపాయం కోసం భారత ప్రభుత్వం రూ.65 కోట్లు మంజూరు చేస్తున్నారు. ఈ సౌకర్యం నెలకు 20 మిలియన్ మోతాదుల సామర్థ్యాన్ని కలిగి ఉంటుంది.

2. ఇండియన్ ఇమ్యునోలాజికల్స్ లిమిటెడ్ (ఐఐఎల్), హైదరాబాద్ - నేషనల్ డెయిరీ డెవలప్‌మెంట్ బోర్డు పరిధిలోని  సదుపాయానికి రూ. 60 కోట్లు మరియు

3. భారత్ ఇమ్యునోలాజికల్స్ అండ్ బయోలాజికల్స్ లిమిటెడ్ (బిఐబిసిఓఎల్), బులంద్‌షహర్ సిపిఎస్‌ఇ బయోటెక్నాలజీ విభాగానికి భారత ప్రభుత్వం నెలకు 10-15 మిలియన్ డోసులను అందించడానికి అవసరమైన సౌకర్యాన్ని సిద్ధం చేయడానికి రూ.30 కోట్లు.

గుజరాత్ ప్రభుత్వానికి చెందిన గుజరాత్ బయోటెక్నాలజీ పరిశోధన కేంద్రంతో పాటు హెస్టర్ బయోసైన్సెస్ మరియు ఓమ్నిబిఆర్‌ఎక్స్ కూడా కోవాక్సిన్ సాంకేతిక పరిజ్ఞానాన్ని పెంచడానికి మరియు నెలకు కనీసం 20 మిలియన్ మోతాదులను ఉత్పత్తి చేయడానికి భారత్ బయోటెక్‌తో చర్చలు జరపాయి. అన్ని తయారీదారులతో టెక్నాలజీ బదిలీ ఒప్పందం ఖరారు చేయబడింది.

డిబిటి గురించి: సైన్స్ అండ్ టెక్నాలజీ మంత్రిత్వ శాఖ పరిధిలోని బయోటెక్నాలజీ విభాగం (డిబిటి) వ్యవసాయం, ఆరోగ్య సంరక్షణ, జంతు శాస్త్రాలు, పర్యావరణం మరియు పరిశ్రమ రంగాలలో బయోటెక్నాలజీ వాడకం మరియు ఉత్పత్తిని ప్రోత్సహిస్తుంది. ఇది బయోటెక్నాలజీ పరిశోధనలో అభివృద్ధిని సాధించడం, బయోటెక్నాలజీని సంపదను సృష్టించడానికి మరియు సాంఘిక న్యాయం కోసం - ప్రత్యేకంగా పేదల సంక్షేమం కోసం భవిష్యత్ యొక్క ప్రధాన ఖచ్చితమైన సాధనంగా రూపొందించడంపై దృష్టి పెట్టింది. www.dbtindia.gov.in

బిఐఆర్‌ఎసి గురించి: బయోటెక్నాలజీ ఇండస్ట్రీ రీసెర్చ్ అసిస్టెన్స్ కౌన్సిల్ ( బిఐఆర్‌ఎసి) అనేది లాభాపేక్షలేని విభాగం 8, షెడ్యూల్ బి, పబ్లిక్ సెక్టార్ ఎంటర్‌ప్రైజ్‌. దీనిని అభివృద్ధి చెందుతున్న బయోటెక్ ఎంటర్ప్రైజ్‌లో వ్యూహాత్మక పరిశోధన మరియు ఆవిష్కరణలను చేపట్టడానికి జాతీయంగా సంబంధిత ఉత్పత్తి అభివృద్ధి అవసరాలను తీర్చడానికి బయోటెక్నాలజీ విభాగం (డిబిటి), భారత ప్రభుత్వం ఇంటర్‌ఫేస్ ఏజెన్సీగా ఏర్పాటు చేసింది. www.birac.nic.in

మరింత సమాచారం కోసం: DBT/BIRACకు చెందిన కమ్యూనికేషన్ సెల్‌ను సంప్రదించవచ్చు * @ DBTIndia @ BIRAC_2012

www.dbtindia.gov.in www.birac.nic.in

***