India’s Cumulative Recoveries exceed 2 Crore Union Government to supply nearly 1 crore 92 lakh of COVID vaccines to States/UTs, Free of Cost, during the Fortnight of 16th-31st May Relaxation in procurement rules for containment of COVID-19 pandemic Mega make-shift COVID centre set up at Kochi Refinery premises

#Unite2FightCorona

#IndiaFightsCorona

नवी दिल्‍ली/मुंबई, 14 मे 2021

 

आरोग्य मंत्रालयाची कोविड-19  घडामोडींवरील माहिती  

भारतात कोरोना मुक्त झालेल्यांच्या एकूण  संख्येने आज 2 कोटीचा टप्पा (2,00,79,599) पार केला आहे. रुग्ण बरे होण्याचा राष्ट्रीय दर 83.50% आहे. गेल्या 24 तासात 3,44,776 रुग्ण बरे झाले. गेल्या चार दिवसात सलग तिसऱ्यांदा, बरे झालेल्यांची संख्या ही कोरोना रुग्णांच्या दैनंदिन संख्येपेक्षा जास्त आहे. नुकत्याच बरे झालेल्यांपैकी 71.16% हे  दहा राज्यातले आहेत.

भारतातली उपचाराधीन रुग्ण संख्या आज 37,04,893 पर्यंत घटली आहे. ही संख्या देशाच्या एकूण पॉझीटीव्ह रुग्णसंख्येच्या 15.41% आहे. गेल्या 24 तासात  उपचाराधीन रुग्ण संख्येत 5,632 ने घट झाली आहे. देशातल्या उपचाराधीन रुग्णांपैकी  79.7%  रुग्ण 12 राज्यात आहेत.

“संपूर्णतः सरकार” दृष्टीकोनाचा अवलंब करत, जागतिक पातळीवरून आलेल्या मदतीचे केंद्र सरकारकडून, राज्ये आणि केंद्र शासित प्रदेशांना अतिशय त्वरेने वितरण जारी आहे.  आतापर्यंत एकूण 9,294 ऑक्सिजन कॉन्सन्ट्रेटर्स, 11,835 ऑक्सिजन सिलेंडर्स, 19 ऑक्सिजन निर्मिती संयंत्रे, 6,439 व्हेंटीलेटर्स/बाय पॅप आणि रेमडेसिवीर औषधाच्या सुमारे 4.22 लाख कुप्या  रस्ते आणि हवाई मार्गाने वितरीत/ पाठवण्यात आल्या आहेत. त्याचबरोबर कोविड -19 प्रतिबंधक लसीच्या आतापर्यंत देण्यात आलेल्या मात्रा आज 18 कोटीच्या जवळ पोहोचल्या आहेत.  

आज सकाळी 7 वाजेपर्यंत प्राप्त अहवालानुसार एकूण 26,02,435 सत्रांद्वारे 17,92,98,584 मात्रा देण्यात आल्या  आहेत. यामध्ये 96,18,127 आरोग्य कर्मचारी ( पहिली मात्रा ), 66,04,549 आरोग्य कर्मचारी (दुसरी मात्रा ), 1,43,22,390 फ्रंट लाईन कर्मचारी ( पहिली मात्रा ), 81,16,153 फ्रंट लाईन कर्मचारी(दुसरी मात्रा ), 18-45 वयोगटामधले 39,26,334 लाभार्थी ( पहिली मात्रा ) 45 ते 60 वयोगटातल्या 5,66,09,783   ( पहिली मात्रा ), आणि 85,39,763 लाभार्थी (दुसरी मात्रा) 60 वर्षावरील 5,42,42,792 लाभार्थी ( पहिली मात्रा ), 1,73,18,693  (दुसरी मात्रा ), यांचा समावेश आहे.

देशात आतापर्यंत देण्यात आलेल्या एकूण मात्रांपैकी 66.75% मात्रा दहा राज्यात देण्यात आल्या आहेत. गेल्या 24 तासांत 18-44 वर्षे वयोगटाच्या 4,40,706 लाभार्थ्यांना लसीची पहिली मात्रा देण्यात आली आहे. आणि लसीकरण मोहिमेच्या तिसऱ्या टप्यामध्ये  32  राज्ये आणि केंद्रशासित प्रदेशांमध्ये  एकूण 39,26,334 लाभार्थ्यांचे लसीकरण करण्यात आले आहे. गेल्या 24 तासात 20 लाखाहून अधिक मात्रा देण्यात आल्या.

लसीकरण अभियानाच्या 118 व्या दिवशी (13 मे 2021) ला 20,27,162 लसीकरण मात्रा देण्यात आल्या. यामध्ये 18,624 सत्रात 10,34,304 लाभार्थींना पहिली मात्रा  आणि 9,92,858 लाभार्थींना लसीची दुसरी मात्रा  देण्यात आली.

गेल्या 24 तासात 3,43,144  नव्या रुग्णांची नोंद झाली. नव्या रुग्णांपैकी 72.37% रुग्ण, दहा राज्यांमध्ये आहेत. महाराष्ट्रात सर्वात जास्त म्हणजे 42,582 नव्या दैनंदिन रुग्णांची नोंद झाली.त्यानंतर केरळमध्ये 39,955 तर कर्नाटकमध्ये 35,297 नव्या रुग्णांची नोंद झाली.

राष्ट्रीय मृत्यू दर सध्या 1.09%.आहे. गेल्या 24 तासात 4,000 रुग्णांचा मृत्यू झाला यापैकी 72.70% मृत्यू दहा राज्यात आहेत. महाराष्ट्रात सर्वाधिक 850  जणांचा मृत्यू झाला, कर्नाटक मध्ये 344 जणांचा मृत्यू झाला.

 

इतर अपडेट्स :

• महाराष्ट्रातील औरंगाबाद जिल्ह्यात पुरवण्यात आलेले ‘मेक इन इंडिया’ अंतर्गत निर्मित काही व्हेंटीलेटर्स काम करत नसल्याचे वृत्त काही प्रसारमाध्यमांमध्ये आले आहे. मात्र हे वृत्त निराधार आणि चुकीचे असून, पूर्ण माहिती न घेताच प्रसिध्द करण्यात आले आहे.
• म्युकरमायकोसिस, हा बुरशी संसर्गाचा आजार कोविड मधून बरे होत असलेल्या किंवा बरे झालेल्या रुग्णांना होत असल्याचे आढळत आहे. महाराष्ट्रात आतापर्यंत या आजाराने सुमारे 10 जणांचा मृत्यू झाला.
• 16 ते 31 मे या पंधरवड्यादरम्यान कोविशील्ड व कोवॅक्सिनच्या 191.99 लाख मात्रा राज्ये व केंद्रशासित प्रदेशांना मोफत पुरवल्या जातील.
• कोविड-19 महामारीविरुद्धच्या लढ्यात, सुनियोजित यंत्रणेद्वारे केंद्र सरकारची विविध मंत्रालये/विभाग परस्परांशी समन्वय साधून जगभरातून येणाऱ्या मदतीचे राज्य सरकार आणि केंद्रशासित प्रदेशांना वितरण करत आहे.
• पंतप्रधान नरेंद्र मोदी यांच्या हस्ते आज दूर दृश्य प्रणालीच्या माध्यमातून प्रधानमंत्री किसान सन्मान निधी योजनेचा आठवा हप्ता वितरीत करण्यात आला.
• भारतीय रेल्वेने सुमारे 7900 मेट्रीक टन द्रवरूप वैदयकीय प्राणवायू जवळपास 500 टँकर्सच्या सहाय्याने देशातल्या विविध राज्यांमधे पोहचवला आहे.
• सार्वजनिक खरेदीसाठी मेक इन इंडिया उत्पादनाला प्राधान्य देण्याच्या 2017 च्या आदेशातून केंद्र सरकारने कोविड-19 महामारीच्या प्रतिबंधासाठी आवश्यक असणाऱ्या सार्वजनिक खरेदीला वगळले आहे.
• प्रधानमंत्री भारतीय जनऔषधी केंद्रे (पीएमबीजेके), ब्युरो ऑफ फार्मा पीएसयू ऑफ इंडिया (बीपीपीआय), वितरक आणि इतर भागधारक एकत्र आले असून कोविड-19 महामारीच्या विरोधातील लढ्यात योगदान देत आहेत.

 

महाराष्‍ट्र अपडेट:

कोरोना विषाणूबाबत संशोधन करण्यासाठी बृहन्मुंबई महानगर पालिकेने आरोग्य विभागातले तज्ञ आणि डॉक्टरांची एक समिती स्थापन केली आहे. कोरोना विषाणूचे विविध प्रकार (स्ट्रेन) आणि त्यांचा मानवावर होणारा परिणाम इत्यादी बाबत ही समिती विश्लेषण करणार आहे.नवीन विषाणू आणि त्यांचे परिणाम यावरही ही समिती लक्ष ठेवणार असल्याचे अतिरिक्त आयुक्त सुरेश काकाणी यांनी सांगितले. विविध रोगांवर उपचार करण्यासाठी एक सुपर स्पेशालिटी रुग्णालय सुरु करण्याचीही महानगर पालिकेची योजना आहे. महाराष्ट्रात गेल्या सलग पाच दिवसात 50 हजारापेक्षा कमी नव्या कोविड-19 च्या रुग्णांची नोंद झाली आहे. महाराष्ट्रात गुरुवारी नव्या कोविड-19 रुग्णांच्या संख्येत घट नोंदवण्यात आली. राज्यात 13 मे रोजी 42 हजार 582 नव्या कोविड-19 रुग्णांची नोंद झाली. 12 मे रोजी ही रुग्णसंख्या 46 हजार 781 होती.

 

गोवा अपडेट:

गोव्यात येत्या शनिवारपासून 18 ते 44 वयोगटासाठी लसीकरण मोहिम राबवली जाईल असे मुख्यमंत्री प्रमोद सावंत यांनी सांगितले आहे. राज्यातल्या 35 सरकारी केन्द्रावर ही लस मोफत दिली जाईल असे मुख्यमंत्र्यांनी आपल्या ट्विटर संदेशात म्हटले आहे. राज्य सरकारकडे सिरम इन्स्टिट्यूट ऑफ इंडियाकडून कोविशील्ड लशीच्या 32 हजार 870 मात्रा प्राप्त झाल्या आहेत.  गोव्यात दैनंदिन रुग्ण आढळणाऱ्या दरात लक्षणीय घट दिसून येत आहे. या दरात (पॉझिविटी रेट) 41.40% वरुन 35.16% इतकी घट झाली आहे. बाम्बोलिम इथल्या गोवा वैद्यकीय महाविद्यालय आणि रुग्णालयात झालेल्या प्राणवायू संदर्भातल्या प्रकरणाची चौकशी करण्यासाठी राज्य सरकारने गुरुवारी त्रि-सदस्यीय समिती स्थापन केली. आयआयटी गोव्याचे संचालक डॉ. बी के मिश्रा या समितीचे अध्यक्ष असतील.

 

IMPORTANT TWEETS

 

#Unite2FightCorona #IndiaFightsCoronaVirus

✅Please inform at the #NationalChildHelpline (1098) if you know any child who needs care and protection. pic.twitter.com/Ba7JGbVPAS

— PIB WCD (@PIBWCD) May 14, 2021

 

 

#Unite2FightCorona #IndiaFightsCorona
♦️If you know any child who has lost both parents to COVID and there is no one to take care of her/him, please inform at Childline (1098), 24x7, free, phone emergency outreach service for children in need of care and protection. pic.twitter.com/w0Y29vXmcu

— PIB WCD (@PIBWCD) May 14, 2021

 

* * *

M.Chopade/D.Rane

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 1718704) Visitor Counter : 142