রেলৱে মন্ত্রালয়

ওক্সীজেন এক্সপ্রেস্না লৈবাক অসিদা মেদিকেল ওক্সীজেন মেত্রীক তন ৭১১৫ হেন্না য়েন্থোকখ্রে

তামিল নাদুগীদমক অহানবা ওক্সীজেন এক্সপ্রেস এল.এম.ও. মেত্রীক তন ৮০ লম্বীদা লৈরে

এন.সি.আর. রিজন্দা হৌজিক ফাওবদা ওক্সীজেন এক্সপ্রেস এল.এম.ও. মেত্রীক তন ৩৯০০ হেন্না থাখ্রে

পঞ্জাবনা দেহরাদুন্দা পীখিবা ওক্সীজেন এক্সপ্রেসতগী এল.এম.ও. মেত্রীক তন ৪০ ফংখ্রে

লৈবাক অসিদা নুমিৎ খুদিংগী ওক্সীজেন এক্সপ্রেসশিংনা এল.এম.ও. মেত্রীক তন ৮০০ য়েন্থোক্লি

ওক্সীজেন এক্সপ্রেসশিংনা উত্তরাখন্দ, কর্নাতকা, মহারাস্ত্রা, এম.পি., হারিয়ানা, তেলঙ্গনা, রাজস্থান, দিল্লী অমসুং য়ু.পি.দা ওক্সীজেন রিলিফ য়ৌহনখ্রে

হৌজিক ফাওবদা মহারাস্ত্রাদা মেত্রীক তন ৪০৭ থাখ্রে,য়ু.পি.দনা মেত্রীক তন ১৯৬০, এম.পি.দনা মেত্রীক তন ৩৬১, হারিয়ানাদনা মেত্রীক তন ১১৩৫, তেলঙ্গনাদনা মেত্রীক তন ১৮৮, রাজস্থান্দনা মেত্রীক তন ৭২, কর্নাতকাদনা মেত্রীক তন ১২০ অমসুং দিল্লীদনা মেত্রীক তন ২৭৪৮ হেন্না থাখ্রে

Posted On: 13 MAY 2021 5:23PM by PIB Imphal

অৱাবা কয়া মায়োক্নরিবা অসিগী অনৌবা পাম্বৈ অমা ওইনা, ইন্দিয়ন রেলৱেনা অৱাবা অসি কোক্নবা লৈবাকসিগী স্তেত কয়াদা  লিক্বিদ মেদিকেল ওক্সীজেন (এল.এম.ও.) পীনবগী খোঙচৎ চৎথরি। হৌজিক ফাওবদা ইন্দিয়ন রেলৱেনা লৈবাক অসিগী স্তেত কয়াদা তেঙ্কর ৪৪৪ হেনবা অমদা এল.এম.ও. চাওরাক্না মেত্রীক তন ৭১১৫ য়েন্থোকখ্রে।

লৈবাক অসিদা ঙরাং ওক্সীজেন এক্সপ্রেসশিংনা চাওরাক্না এল.এম.ও. মেত্রীক তন ৮০০ লোম য়েন্থোকখি।

হৌজিক ফাওবদা ওক্সীজেন এক্সপ্রেস ১১৫ রোম য়ৌহন্দুনা স্তেত কয়া অমদা তেংবাং পীখ্রে।

স্তেতশিংনা হায়জরকপগী মতুং ইন্না এল.এম.ও. অথুবা মতমদা য়ারিবমখৈ য়ৌহনখিবা অসি ইন্দিয়ন রেলৱেগী হোৎনমলনি।  

হৌজিক ফাওবদা, মহারাস্ত্রদা মেত্রীক তন ৪০৭ থাখ্রে, য়ু.পি.দনা চাওরাক্না মেত্রীক তন ১৬৮০, এম.পি.দনা মেত্রীক তন ৩৬১, হারিয়ানাদনা মেত্রীক তন ১১৩৯, তেলঙ্গনাদনা মেত্রীক তন ১৮৮, রাজস্থান্দনা মেত্রীক তন ৭২, কর্নাতকাদনা মেত্রীক তন ১২০ অমসুং মেত্রীক তন ২৭৪৮ হেনবা অমনা দিল্লীদা থাখ্রে।

তামিল নাদুগী ওইনা অহানবা ওক্সীজেন এক্সপ্রেস এল.এম.ও. মেত্রীক তন ৮০গা লোয়ননা ঙসি নুমিদাং দুর্গাপুরদগী য়ৌহল্লক্নবা শেম শারি।

এন.সি.আর. রিজন্দা হৌজিক ফাওবদা ওক্সীজেন এক্সপ্রেস এল.এম.ও. মেত্রীক তন ৩৯০০ হেনবা অমা মখা তানা য়েন্থোক্নবা পীখ্রে।

অনৌবা ওক্সীজেন পীবা অসি য়াম্না খুমাং চাওশিনবা অমনি অমসুং মসিনা মতম অয়াম্বদা অপদেৎ তৌরি। লোদেৎ তৌরবা ওক্সীজেন এক্সপ্রেস ঙসি নুমিদাংদা মখোয়গী খোঙচৎ হৌরবা য়ারি।   

****



(Release ID: 1718411) Visitor Counter : 20