হকশেল অমসুং য়াইফ-য়ুম্বাল মন্ত্রালয়

কোবিদ-১৯ লাইনা-লাইচৎ অসিগী মনুংদা নেস্নেল তেলিমেদিসিন সর্ভিস (ইসঞ্জিবানি)না পেসেন্ত কোতি অমগী তংখায় হেন্না লাইয়েংখ্রে

নুংতি নুমিৎ খুদিংগী ইসঞ্জিবানি তেলিমেদিসিন প্লেতফোর্মগী খুৎথাংদা দোক্তর ১৫০০ হেনবনা পেসেন্তশিং লাইয়েংখ্রে

অখন্নবা হোম আইসোলেসন ও.পি.দি.শিং হাংদোক্নবা রাজ্য খরনা য়াম্না কন্না হোৎনরি অমসুং মসিদা অরোইবা চহি তম্লিবা এম.বি.বি.এস. মহৈরোইশিংনা পেসেন্তশিং কোবিদ-১৯ নারিব্রা হায়না রিমোতলি স্ক্রিন তৌবা য়ারগনি

Posted On: 13 MAY 2021 12:18PM by PIB Imphal

চহি অমা হেল্লক্লবা এম.ও.ঐচ.এফ.দবল্যু.গী ফ্লেগশিপ নেস্নেল তেলিমেদিসিন সর্ভিস, ইসঞ্জিবানিনা পেসেন্ত লাখ ৫০ হেন্না (কোতি অমগী তংখায় হেন্না) লাইয়েংখ্রে৷ কোরোনা লাইচৎনা মরম ওইদুনা লৈবাক অসিদা অহানবা লোকদাউন তৌরক্তুনা লৈবাক অসিদা লৈরিবা ও.পি.দি.শিং থিংখিবা মতমদা কেন্দ্রগী মন্ত্রালয়না ২০২০গী এপ্রিল থাদা পেসেন্ত অমসুং দোক্তরগী রিমোত কন্সল্তেসন সর্ভিস হৌদোকখি৷ ইসঞ্জিবানি ইনিসিয়েতিব অসি লৈবাক অসিগী রাজ্য/য়ুনিয়ন তেরিতোরী ৩১দা চৎনরি অমসুং নুংতি নুমিৎ খুদিংগী ওইনা লৈবাক অসিদা লৈরিবা পেসেন্ত ৪০,০০০রোম্না মসিগী শোক্ন-শম্নদবা অমসুং রিক্স-ফ্রী ওইরবা হেল্থকেয়র সর্ভিস দেলিভরী অসি শিজিন্নখি৷

ইসঞ্জিবানিগী মোদ্যুল অনি লৈ:

ইসঞ্জিবানি এ.বি.-ঐচ.দবল্যু.সি. -  দোক্তর তু দোক্তর তেলিমেদিসিন প্লেতফোর্ম অসি ভারত সরকারগী অয়ুশমান ভারত স্কিমগী মখাদা লৈবাক অসিদা লৈরিবা হেল্থ অমসুং ৱেল্নেস সেন্তরশিংদা হব অমসুং স্পোক মোদেলদা চৎনরি৷ হৌজিক ফাওবদা, ইসঞ্জিবানি এ.বি.-ঐচ.দবল্যু.সি. অসি হেল্থ অমসুং ৱেল্নেস সেন্তর ১৮০০০+ অমসুং হব ১৫০০+ চৎনখ্রে অমসুং ২০২২গী দিসেম্বর থা ফাওবগী মনুংদা, তেলিমিদিসিন অসি হেল্থ অমসুং ৱেল্নেস সেন্তর ১,৫৫,০০০দা ওপরেসন তৌরগনি৷ ২০১৯গী নবেম্বর থাদা ইসঞ্জিবানি এ.বি.-ঐচ.দবল্যু.সি. অসি হৌদোকখি অমসুং মসিগী মোদেলিতী অসি রাজ্য ২২না শিজিন্নবা হৌখিদুনা দোক্তরশিং অমসুং স্পিসিয়েলিস্তশিংনা পেসেন্ত মিলিয়ন ২রোমগী চাংদা হেল্থ সর্ভিসেস পীখ্রে৷ স্পিসিয়েলিস্ত, দোক্তরশিং অমসুং কম্ম্যুনিতী হেল্থ ওফিসরশিং য়াওনা পুন্না য়ুজর ২১,০০০ হেন্না ইসঞ্জিবানি এ.বি.-ঐচ.দবল্যু.সি.দা ত্রেন তৌখ্রে৷

নেস্নেল তেলিমেদিসিন সর্ভিসকি অতোপ্পা মোদ্যুল অদুনা ইসঞ্জিবানি ও.পি.দি.নি৷ মসি রাজ্য/য়ু.তি. ২৮দা চৎনখ্রে৷ ইসঞ্জিবানি ও.পি.দি.দা ও.পি.দি. ৩৫০ হেন্না থমখ্রে, মসিগী মনুংদা ও.পি.দি. ৩০০ হেনবদি স্পিসিয়েলিতী ও.পি.দি.শিংনি৷ ইসঞ্জিবানি ও.পি.দি.গী খুৎথাংদা পেসেন্ত ৩০,০০,০০০ হেন্না শেল লৌদনা লেম্না লাইয়েংখ্রে৷ মসিগী দিজিতেল হেল্থগী মোদেলিতী অসিনা প্রজাশিংবু মশা মশাগী ময়ুমদা হেল্থ সর্ভিসেস ফংহল্লি৷

লাইনা-লাইচৎ অসি হৌরকপদগী, হকশেল অমসুং য়াইফ য়ুম্বাল মন্ত্রালয়গী নেস্নেল তেলিমেদিসিন সর্ভিস অসি পেসেন্তশিং অমসুং দোক্তরশিংনা কা হেন্না অমসুং পাক চাওনা শিজিন্নবা হৌরকখি৷ মমাং চহিগী এপ্রিল থাদা হৌদোরকপা মতমদা, ইসঞ্জিবানি অসি কোবিদকা মরী লৈনদবা হেল্থ সর্ভিসশিং পীনবগী মোদিলিতী অমা ওইনা হৌদোরকখিবনি, অদুমওইনমক, মসিগী এপ্লিকেসন অসিগী কান্নবশিং অসিগী মতুং ইন্না, রাজ্যশিংনা ইসঞ্জিবানি অসি কোবিদ-১৯গা মরী লৈনবা হেল্থ সর্ভিসশিং ফংহন্ননবগীদমক প্রোসেসশিং অমসুং ৱার্কফ্লোশিং অথুবা মতমদা দিজাইন তৌখি৷ রাজ্যশিংনা কোবিদ-১৯ নাদুনা হোম ক্বারেন্তাইন তৌদুনা লৈরিবা পেসেন্তশিং অসি য়েংশিন্নবা অমসুং লাইয়েংনবা ও.পি.দি.শিং থমখ্রে৷

অখন্নবা হোম আইসোলেসন ও.পি.দি.শিং থম্নবা রাজ্য খরনা য়াম্না কন্না হোৎনরি, মসিদা পেসেন্তশিং কোব্দ-১৯ স্ক্রিন তৌরগনি অমসুং রিমোত স্ক্রিনিং প্রপোসশিংগীদমক, রাজ্যশিংনা অরোইবা চহিদা তম্লিবা এম.বি.বি.এস. মহৈরোইশিং শিজিন্ননবা প্লান তৌরি৷ কেস মশিং অসি কা হেন্না হেনগৎলকপদগী, রাজ্য খরদদি ইসঞ্জিবানি ও.পি.দি. অসি পোথাবা লৈতনা শিজিন্নরি৷ ইসঞ্জিবানিদা লাখ ১০ হেন্না কন্সল্ত তৌরকখিবা অহানবা রাজ্য অদু তামিল নাদুনি৷

মোহালিদা লৈরিবা সি-দি.এ.সি.গী সেন্তরদা, ইসঞ্জিবানি শেম্লিবশিং অসিনা ইসঞ্জিবানি ও.পি.দি.দা অতোপ্পা ইনোবেতিব ফিচর অমা ওইনা ইসঞ্জিবানি ও.পি.দি.দা নেস্নেল ও.পি.দি.শিং হাংদোক্নবা য়াম্না কন্না হোৎনরি৷ মসিগী নেস্নেল ও.পি.দি.শিং অসিগী মতেংদগী দোক্তরশিংনা লৈবাক অসিগী মফম অমা হেক্তদা লৈরিবা পেসেন্তশিংদা হেল্থ সর্ভিস পীবা ঙম্লগনি৷ মসিনা লৈবাক অসিনা থেংনরিবা চেলেঞ্জশিং খুদম ওইনা লৈবাক অসিগী তোঙান তোঙানবা মফমশিংদা দোক্তরশিং অমসুং স্পিসিয়েলিস্তশিং ৱাৎনা লৈরিবা অমসুং চাং মান্ননা লৈতবা অসি মেনশিনবদা মতেং পাংলগনি৷

ইসঞ্জিবানি খ্বাইদগী য়াম্না শিজিন্নরিবা(কন্সল্ত তৌরক্লিবা মশিং) রাজ্য ১০ অদুদি তামিল নাদু(১০৪৪৪৪৬), কর্নতাকা (৯৩৬৬৫৮), উত্তর প্রদেশ (৮৪২৬৪৩), আন্ধ্র প্রদেশ (৮৩৫৪৩২), মধ্য প্রদেশ (২৫০১৩৫), গুজরাত (২৪০৪২২), বিহার (১৫৩৯৫৭), কেরলা (১২৭৫৬২), মহারাস্ত্র (১২৭৫৫০) অমসুং উত্তরখন্দ (১০৩১২৬)নি৷

TableDescription automatically generated

*****

 



(Release ID: 1718404) Visitor Counter : 104