దేశంలో పెరుగుతున్న కోవిడ్ కేసుల దృష్ట్యా నివారణ దిశలో భారత్ చేస్తున్న కృషికి తోడుగా ప్రపంచం నలుమూలలనుంచి వివిధ దేశాలు, సంస్థలు పంపుతున్న విరాళాలు, సహాయ సామగ్రిని భారత ప్రభుత్వం  ఏప్రిల్ 27 నుంచి అందుకుంటోంది. సంపూర్ణ పాలన లక్ష్యంగా అందరికీ ఈ సహాయం ఒక క్రమ పద్ధతిలో అందేలా ప్రభుత్వం కృషి చేస్తోంది.  భారత ప్రభుత్వంలోని వివిధ మంత్రిత్వశాఖలు ఈ సహాయాన్ని రాష్ట్రాలకు, కేంద్ర పాలిత ప్రాంతాలకు పంపటంలో సమన్వయంతో పనిచేస్తున్నాయి.

ఏప్రిల్ 27 నుంచి మే 12 దాకా మొత్తం 9294  ఆక్సిజెన్ కాన్సంట్రేటర్లు; 11835  ఆక్సిజెన్ సిలిండర్లు; 19 ఆక్సిజెన్ తయారీ ప్లాంట్లు; 6439 వెంటిలేటర్లు; దాదాపు  4.22 లక్షల రెమిడిసెవిర్ ఇంజెక్షన్లు రాష్ట్రాలకు, కేంద్రపాలిత ప్రాంతాలకు పంపిణీ జరిగాయి. రోడ్డు, వాయు మార్గాల ద్వారా ఈ పంపిణీ కొనసాగుతోంది.

కువైట్, సింగపూర్, గిలియాడ్, స్విట్జర్లాండ్, స్పెయిన్, ఈజిప్ట్ దేశాలనుంచి 12 వ తేదీన అందిన ప్రధాన సహాయ సామగ్రి ఇలా ఉంది:

- రెమిడి సెవిర్:  86,595

-ఆక్సిజెన్ సిలిండర్లు: 4,802

- ఆక్సిజెన్ కాన్సంట్రేటర్లు: 10

- వెంటిలేటర్లు: 141

తక్షణమే సమర్థవంతంగా రాష్టాలకు, కేంద్ర పాలిత ప్రాంతాలకు కేటాయించటం, పంపిణీ చేయటం అన్నవి అవిచ్ఛిన్నంగా సాగే ప్రక్రియ.  కేంద్ర ఆరోగ్య మంత్రిత్వశాఖ సమగ్రంగా ఈ కార్యక్రమాన్ని ఎప్పటికప్పుడు పర్యవేక్షిస్తూ ఉంది.  మంత్రిత్వశాఖ ఇందుకోసం ప్రత్యేకంగా ఒక సమన్వయ విభాగాన్ని ఏర్పాటు చేసింది. విదేశీ సహాయాన్ని అందుకోవటం, దాన్ని పంపిణీ చేయటం లాంటివి పర్యవేక్షిస్తుంది. ఏప్రిల్ 26 నుంచి ఈ విభాగం పనిచేయటం ప్రారంభమైంది. మే 2వ తేదీ నుంచి ప్రామాణిక ఆచరణావిధానాలు రూపొందించి అమలు చేస్తోంది.

   అంతర్జాతీయ సహాయాన్ని రాష్టాలు, కేంద్రపాలితప్రాంతాలలోని ఆస్పత్రులకు తరలిస్తున్న దృశ్యాలు కొన్ని:

*****