লৈবাক অসিদা ওক্সিজেন দরকার ওইবগী চাং হেনগৎলক্লিবা অসি পীবা ঙম্ননবগীদমক, কেন্দ্র সরকারনা ওক্সিজেন ফংবগী চাং হেনগৎহন্নবা, নিংথিনা য়েন্থোক্ননবা অমসুং লৈবাক অসিদা লৈরিবা ওক্সিজেন স্তোরেজ ইনফ্রাস্ত্রকচর শেমগৎনবা খোংথাং কয়ামরোম লৌখৎখ্রে৷ লৌখৎলিবা খোংথাংশিং অদুনা মপুং ওইনা ওক্সিজেন সপ্লাই চেনদা মীৎয়েং থম্লি৷ খোংথাংশিং অদুগী মনুংদা খরা অদুদি-ওক্সিজেন পুথোকপগী চাং হেনগৎহন্নবা হোৎনবা, লোজিস্তিকশিং ওপ্তিলাইস তৌনবা তেঙ্কর হেন্না ফংহনবা, ওক্সিজেন স্তোরেজ কা হেন্না থম্বা, অমসুং প্রোক্যোর তৌবগী নোর্মশিং লাইথোকহনবা অসিনি৷

ওক্সিজেনগী প্রদক্সন কেপাসিতী অমসুং প্রদক্সন হেনগৎহনদুনা, প্রেসর স্বিং এদজোর্বসন(পি.এস.এ.) শেমগৎতুনা, মপান লমশিংদগী লিক্ব্যুইদ মেদিকেল ওক্সিজেন(এল.এম.ও.) পুশিল্লক্তুনা অমসুং ওক্সিজেন কন্সেন্ত্রেতরশিং পুশিল্লক্তুনা লৈবাক অসিদা ওক্সিজেন ফংবগী চাং হেনগৎহনখ্রে৷ ত্রান্সপোর্তেসন নিংথিনা তৌননবা তেঙ্করগী মশিং হেনগৎহন্ননবগীদমক, নাইত্রোজেন অমসুং আর্গোন তেঙ্করশিং ওক্সিজেন তেঙ্করশিংদা ওন্তোকখ্রে, তেঙ্করশিং অমসুং কন্তেনরশিং মপান লমদগী পুশিল্লকখ্রে, লৈবাক অসিদা তেঙ্করশিং শাবগী চাং হেনগৎখ্রে, অমসুং মতম য়াম্না চংদনবা রেল অমসুং এয়রগী খুৎথাংদা তেঙ্করশিং পুশিল্লকখ্রে৷ রিএল তাইম মোনিতরিংগীদমক ওক্সিজেন দিজিতেল ত্রেক্কিং সিস্তেম(ও.দি.তি.এস.) শেমগৎখ্রে, অমসুং এম.ঐচ.ভি. দ্রাইভরশিং ত্রেন তৌদুনা দ্রাইভরগী মশিং হেনগৎহনখ্রে৷ ওক্সিজেন স্তোরেজ হেনগৎননবগীদমক, হোস্পিতালশিংদা লৈরিবা ক্রাইয়োজেনিক তেঙ্করশিংগী মশিং অমসুং কেপাসিতী হেনগৎহল্লি অমসুং মেদিকেল ওক্সিজেন সিলিন্দরশিং লৌশিল্লি৷ মরু ওইবা পোৎলমশিং য়াম্না থুংনা লৌশিনবা ঙম্ননবা জেনেরল ফাইনান্সিং রুলশিং(জি.এফ.আর.) কোমথোকখ্রে৷ ওক্সিজেন প্রদক্সন, ত্রান্সপোর্তেসন, স্তোরেজ অমসুং ইনফ্রাস্ত্রকচরগী ফ্রন্ত খুদিংমক্তা কেন্দ্র সরকারনা লৌখৎলিবা খোংথাংশিং অসিগা মরী লৈনবা অকুপ্পা মরোলশিং মখাদা পীরি৷

ওক্সিজেন প্রদক্সন অমসুং কেপাসিতী হেনগৎহনবা

ওক্সিজেন পুথোকপগী চাং অসি ২০২০গী ওগস্ত থাদা নোংমদা এম.তি. ৫৭০০ পুথোক্লম্বদগী ২০২১গী মে থাদা নোংমদা এম.তি. ৯,৪৪৬ পুথোক্তুনা ওক্সিজেন পুথোকপগী চাং অসি হেনগৎহনখ্রে৷ প্রদক্সন কেপাসিতী অসি নোংমদা এম.তি. ৬৮১৭ পুথোক্লম্বদগী হেনগৎলক্তুনা নোংমদা এম.তি. ৭৩১৪ য়ৌনা পুথোকখ্রে অমসুং হায়রিবা মতম অসিগী মনুংদা কেপাসিতী য়ুতিলাইজেসন অসি ৮৪%দগী ১২৯% য়ৌনা হেনগৎলকখ্রে৷

পব্লিক অমসুং প্রাইভেৎ সেক্তরশিংদা লৈরিবা স্তিল কম্পেনীশিংনা লৈবাক অসিদা মেদিকেল ওক্সিজেনগী অৱাৎপা লৈরিবা অসি মেনশিনবা ঙম্নবা থৌরাং কয়ামরোম পাইখৎখ্রে৷ ২০২১গী মে ৪দা, স্তিল প্লান্তশিংনা লিক্ব্যুইদ মেদিকেল ওক্সিজেন পুথোকখিবগী অপুনবা মশিং অসি এম.তি. ৩৬৮০.৩০নি৷ নোংমদা সপ্লাই তৌরিবা অপুনবা এল.এম.ও. অসি এপ্রিল চংখায় চল্লকপা অদুৱাইদা চাংচৎতা এম.তি. ১৫০০-১৭০০ ওইরম্বদগী এপ্রিল ২৫দা এম.তি. ৩১৩১.৮৪ য়ৌনা হেনগৎলকখ্রে, অমসুং মখাতানা মে ৪দা এম.তি. ৪০৭৬.৬৫ ওইখি৷

প্রদক্সনগী তৌবগী চাং হেনগৎলক্লিবা অমসুং লৈরিবা দিমান্দগী চাং অসি চান্ননবা, লৈবাক অসিদা য়োনখিবা এল.এম.ও.গী চাং অসি ২০২১গী মে থাদা নোংমদা এম.তি. ১,৩০০ ওইরম্বদগী মে ৬তা নোংমদা এম.তি. ৮,৯২০ য়ৌনা হেনগৎলকখ্রে৷ কোবিদ-১৯গী অহানবা ৱেবকী মতমদা, নোংমদা এল.এম.ও. এম.তি. ৩০৯৫ য়োন্দুনা ২০২০গী সেপ্তেম্বর ২৯দা খ্বাইদগী চাং ৱাংনা য়োনখি৷ এল.এম.ও. য়োনবগী চাং অসি ২০২১গী মার্চ ৩১দা নোংমদা এম.তি. ১৫৫৯ য়োনখিবা অসিদগী হৌদুনা ২০২১গী মে ৩দা এম.তি. ৮০০০ হেন্না য়োন্দুনা শরুক মঙা হেন্না য়োনখ্রে৷

ওক্সিজেন প্রদক্সন কেপাসিতী হেনগৎহন্নবা প্লানশিং

মতুং তারকপা তুংগী পু্ন্সিদা ওক্সিজেন প্রদক্সন কেপাসিতী অসি হেনগৎহন্নবা অহেনবা কেপাসিতী এক্সপান্সন প্লান তৌরি৷ হিরম অসিদা মনুং চল্লিবা খোংথাংশিং অদুদি-কর্নতাকাদা অহেনবা ওইনা নোংমদা এম.তি. ৭০ পুথোক্কনি হায়না পানরি; এস.এম.ই. সেক্তরগী এয়র সেপেরেসন য়ুনিৎতগী সপ্লাইশিং পীবা; রিফাইনরীশিং(ফমুং ১১,৯৫০), পৱার প্লান্তশিং(ফমুং ৩,৮৫০) অমসুং স্তিল প্লান্তশিং(ফমুং ৮,১০০)দগী ফংলিবা গ্যাসিয়র্স ওক্সিজেন অসি শিজিন্নদুনা জম্বো হোস্পিতালশিং শেমগৎলগনি৷ কা-হেন্না তঙাই ফদবা নত্তবা হিরমশিংদা ওক্সিজেন সপ্লাই তৌবা অসি ২০২১গী এপ্রিল ২২দগী থিংখিবা অসিনা ওক্সিজেন এম.তি. ১,০০০রোমগী চাংগা মান্ননা হেন্না ফংহল্লে৷ নোংমদা এম.তি. ৬৩০গী চাংদা পুথোক্তুনা কেপাসিতী হেন্না এক্সপান্দ তৌহন্নবা স্তিল সেক্তরনসু প্লান তৌরি৷

ওক্সিজেনগী সপ্লাই অসি হেন্না পীবা ঙম্নবা পি.এস.এ. প্লান্ত ১,৫৯৪ শেমগৎলি৷ মসিগী মনুং চল্লিবশিং অদুদি ২০২০দা এম.ও.ঐচ.এফ.দবল্যু.গী খুৎথাংদা পি.এম. কেয়রগী মখাদা সেঙ্কসন তৌখিবা প্লান্ত ১৬২, ২০২১দা এম.ও.ঐচ.এফ.দবল্যু.গী খুৎথাংদা পি.এম. কেয়রগী মখাদা সেঙ্কসন তৌখিবা  ৫৫১, ২০২১গী এপ্রিল ২৭তা দি.আর.দি.ও.গী খুৎথাংদা পি.এম. কেয়রগী মখাদা সেঙ্কসন তৌখিবা ৫০০, পেত্রোলিয়ম অমসুং নেচরেল গ্যাস মন্ত্রালয়গী মখাদা ওইল অমসুং গ্যাস কম্পেনীশিংনা ১০০রোমগী চাং, অমসুং লেমহৌরিবশিং অদুনা রাজ্য মশাশিংনা তৌই৷ পি.এস.এ. প্লান্ত ১৬২গী মনুংদা ৭৪দি ইন্সতোল্দ তৌখ্রে অমসুং লেমহৌরিবা অদুনা ২০২১গী জুন থাদা ইন্সতোল্দ তৌরগনি৷ ২০২১গী মার্চ অমসুং এপ্রিল থাদা পি.এম. কেয়রগী মখাদা সেঙ্কসন তৌখিবা  অহেনবা পি.এস.এ. প্লান্ত ১,০৫১ ফেস নাইনা লাক্কদৌরিবা মথংগী থা অহুম অসিদা কম্মিসন তৌরগনি৷

লিক্ব্যুইদ মেদিকেল ওক্সিজেন পুশিল্লকপা

লিক্ব্যুইদ ওক্সিজেন এম.তি. ৫,৮০০গী ওর্দর অমসুং দেলিভরী স্কেদ্যুল ফাইনেলাইস তৌদুনা মপান লৈবাকশিং অসিদগী লিক্ব্যুইদ ওক্সিজেন এম.তি. ৫০,০০০ পুশিল্লক্লি৷ মপান লৈবাকশিং অসিগী ওক্সিজেন সোর্চশিং শিবদসু এক্সতর্নেল এফিয়র্স মন্ত্রালয়না এক্তিব্লি মতেং পাংলি৷ প্রোসেস অসি খোংজেল য়াংনবা, ২১.০৪.২১দা কোতেসনশিং ফংখ্রে৷ এম.তি. ৩,৫০০গীদমক কোতেসন ৩ ফংখ্রে অমসুং থা ৩ হেন্না দেলিভর তৌনবা ২১.০৪.২১দা এপ্রুব তৌখ্রে৷ মসিগীসু মথক্তা, য়ু.এ.ই., বহরেন, কুৱেত অমসুং ফ্রাঞ্চতগী এল.এম.ও. এম.তি. ২২৮৫গী চাং পুশিল্লক্লি, মদুগী মনুংদা শরুক খরদি মাংজৌননা লৈবাক অসি য়ৌরকখ্রে৷

ওক্সিজেন কন্সেন্ত্রেতরশিং লৌশিনবা

২৭.০৪.২০২১দা পি.এম. কেয়র ফন্দগী মখাদা ওক্সিজেন কন্সেন্ত্রেতর লাখ ১ লৌশিন্নবা সেঙ্কসন তৌখ্রে৷ ২৯.০৪.২১দা এক্সপ্রেসন ওফ ইন্তরেস্ত ইসু তৌখ্রে অমসুং য়ুনিৎ ২,৫০০গী ওফর ফংখ্রে৷ ও.এন.জি.সি.না পাংতোকখিবা তেন্দর অদুদা অফবা রেস্পোন্স লাকখি৷ দোমেস্তিক মেনুফেকচররশিংদগী কন্সেন্ত্রেতর ৫০,০০০গী ওফর লাকখ্রে৷ ১৫.০৫.২১দা য়ুনিৎ ৪,৮০০ অমসুং ২৭.০৫.২১দা য়ুনিৎ ৫,০০০ দেলিভরী স্কেদ্যুল থমদুনা য়ুনিৎ ৯,৮০০গী এৱার্দ ফাইনেলাইস তৌখ্রে৷ মসিগীসু মথক্তা, বিদ্দর ৫৫না কন্সেন্ত্রেতর য়ুনিৎ ৭০,০০০-য়ুনিৎ ৭৫,০০০ সপ্লাই তৌনিংবগী অপাম্বা ফোংদোকখ্রে৷

ওক্সিজেন এলোকেসন প্রেসেস

রাজ্যশিংনা দিমান্দ তৌরকপগী মতুং ইন্না রাজ্য পুম্নমক্তা ওক্সিজেন সপ্লাই তৌনবগী ওক্সিজেন এলোকেসন প্রোসেস শেমখ্রে৷ ১৫.০৪.২১দা থোককিবা অহানবা ওক্সিজেন এলোকতেসন ওর্দর অদু মহারাস্ত্র, গুজরাত, দিল্লি, মধ্য প্রদেশ, কর্নতাকাগুম্বা রাজ্য খরদা অথিংবা থম্লম্মী৷ লাইনা-লাইচৎ অসিগী অনিশুবা ৱেবনা অতোপ্পা রাজ্যশিংদা শন্দোরকপদগী, অতোপ্পা রাজ্যশিংদগী ওক্সিজেন দিমান্দ তৌরকপগী চাং হেনগৎখ্রে৷ রাজ্য অমদা লৈরিবা এক্তিব কেস মশিং অদু য়েংলগা রাজ্য অদুগী ওক্সিজেনগী অৱাৎপা অদু পানবা হকশেল অমসুং য়াইফ য়ুম্বাল মন্ত্রালয়গী ফোর্মুলা অদু শিজিন্নৈ অমসুং রাজ্যশিংনা দরকার ওইনা হায়না দিমান্দ তৌরক্লিবা ওক্সিজেন অদু পীনবা য়াম্না কন্না হেৎনখ্রে৷ এলোকেসন তৌবগী থবক অসি ফাইনেলাইস তৌবা মতমদা আই.সি.য়ু. ফমুংশিং য়াওনা হোস্পিতাল ইনফ্রাস্ত্রকচরগী ফিভম য়েংশিনবা য়াওনা অতোপ্পা ফেক্তরশিংসু খন্নখি৷

হকশেল মন্ত্রালয় নোর্মশিংগী মতুং ইন্না লৈরিবা রিক্বেয়রমেন্ত অদু য়েংলগা, রাজ্যশিং/য়ু.তি.শিং, মেনুফেকচররশিং অমসুং অতোপ্পা স্তেকহোল্দরশিংগা তান্নরবা মতুংদা রাজ্যশিং/য়ু.তি.শিংদা ওক্সিজেন এলোকেসন তৌবগী থবক অসি মহৌশানা দাইনামিক ওই৷ শিজিন্নবা অমসুং পুথোক্লিবা রাজ্যশিংগী মরক্তা মিসমেতচ অমা লৈ৷ অসিগীসু মথক্তা, প্রদক্সনগী শরুক অহুমগী মনুংদা অমদি নোংপোক থংবা ভারততা লৈ অমসুং ~৬০%গা মান্ননা ওক্সিজেন দিমান্দ তৌরক্লিবা রাজ্যশিংদি অৱাং অমসুং খা থংবা ভারততা লৈখিবনা ত্রান্সপোর্তেসনশিং তৌবদা হেন্না খুদোং চাহন্দে৷ রাজ্যশিং/য়ু.তি.শিং, মেনুফেকচররশিং অমসুং অতোপ্পা স্তেকহোল্দরশিংগা তান্নরবা মতুংদা ত্রান্সুপোর্তেসন তৌবগী প্লান অসি ওপ্তিলাইজ তৌনবা ওক্সিজেনগী সোর্স অমসুং দেস্তিনেসনগী মেপ্পিং তৌবা মপুং ফানা লোইশিনখ্রে৷

ওক্সিজেন তেঙ্কর হেন্না ফংহনবা – তেঙ্করশিং ওন্থোকপা অমসুং পুশিল্লকপা

তেঙ্করগী মশিং হেনগৎননবা ইন্তরবেন্সন কয়ামরোম পাংথোকখ্রে৷ নাইত্রোজেন অমসুং আর্গোন তেঙ্করশিং ওন্থোক্তুনা অমসুং মপান লমদগী পুশিল্লক্তুনা ওক্সিজেন তেঙ্করশিংগী মশিং হেনগৎলকখ্রে৷ ২০২০গী মার্চ থাদা, তেঙ্করশিংগী কেপাসিতী অসি এম.তি. ১২,৪৮০নি অমসুং তেঙ্করগী মশিংনা ১০৪০নি৷ হৌজিক্তি, তেঙ্করগী কেপাসিতী অসি এম.তি. ২৩,০৫৬ য়ৌরে অমসুং তেঙ্কর মশিংনা ১৬৮১ য়ৌনা হেনগৎলকখ্রে, মসিগী মনুংদা ওন্থোক্লবা তেঙ্কর ৪০৮ অমসুং মপান লমদগী পুশিল্লকখিবা তেঙ্কর ১০১ য়াওরি৷ হৌজিক ফাওবদা নাইত্রোজেন অমসুং ওক্সিজেন তেঙ্কর ১,১০৫গী মনুংদা ৪০৮দি ওক্সিজেন পুবা তেঙ্করশিং ওইনা ওন্থোকখ্রে; অমসুং অতোপ্পা তেঙ্কর ২০০ অমনা অথুবা মতমদা ওন্থোক্লগনি৷ ওক্সিজেন তেঙ্কর ২৪৮ পুশিল্লক্লগনি, হৌজিক ফাওবদা তেঙ্কর ১০১ পুশিল্লকখ্রে অমসুং অতোপ্পা তেঙ্কর ৫৮না লাক্লিবা নুমিৎ ১০নি অসিদা পুশিল্লক্লগনি৷ অসিগীসু মথক্তা, তেঙ্কর ১০০দি লৈবাক অসিদা শাজবনি৷

মতম হেন্না চংদনবা ওক্সিজেন তেঙ্করশিং রেল অমসুং এয়রগী খুৎথাংদা পুশিল্লক্লি

রেলৱেনা রোল ওন-রোল ওফকী খুৎথাংদা তেঙ্করশিং অথাপ্পা মফমশিংদা পুথোক-পুশিন তৌবদা শিজিন্নরি৷ হৌজিক ফাওবদা, ইন্দিয়ন রেলৱেনা লৈবাক অসিগী তোঙান তোঙানবা রাজ্যশিংদা তেঙ্কর ২৬৮ হেন্না শিজিন্নদুনা এল.এম.ও. এম.তি. ৪২০০গী চাং পুথোক-পুশিন তৌখ্রে৷ হৌজিক ফাওবদা, ওক্সিজেন এক্সপ্রেস ৬৮দি মখোয় মশা-মশাগী খোংচৎ মপুং ফাখ্রে৷ মে ৯গী নুমিদাংৱাইরম ফাওবদা, মহারাস্ত্রদা এম.তি. ২৯৩; য়ু.পি.দা এম.তি. ১,২৩০; এম.পি.দা এম.তি. ২৭১; হরিয়ানাদা এম.তি. ৫৫৫; তেলঙ্গনাদা এম.তি. ১২৩; রাজস্থানদা এম.তি. ৪০; অমসুং দিল্লিদা এম.তি. ১,৬৭৯ দেলিভর তৌখ্রে৷

মতম হেন্না কুইনা চংদনবা অহাংবা তেঙ্করশিং অসি এয়রলিফত তৌদুনা প্লান্তশিংদা থিল্লি৷ দোমেস্তিক রুতশিংদা ত্রান্সপোর্ত তৌবা কেপাসিতী এম.তি. ৫৫০৫ লৈবা তেঙ্কর ২৮২ এয়রলিফত তৌখ্রে৷ আই.এ.এফ.কী মতেংদগী কেপাসিতী এম.তি. ১২৯৩ লৈবা কন্তেনর ৭৫ মপান লমশিংদগী পুশিল্লকখ্রে৷ অসিগীসু মথক্তা, আই.এ.এফ.কী মতেংদগী ওক্সিজেন সিলিন্দর ১২৫২, ওক্সিজেন জেনেরেসন প্লান্ত ৩ মপান লমশিংদগী পুশিল্লকখ্রে৷

ওক্সিজেন দিজিতেল ত্রেক্কিং সিস্তেম

লৈবাক অসিদা ওক্সিজেন পুথোক-পুশিন তৌরিবা অসি রিএল তাইম ত্রেক্কিং তৌবা ঙম্নবা ৱেব অমসুং এপ বেজ ওক্সিজেন দিজিতেল ত্রেক্কিং সিস্তেম অমা লো়ঞ্চ তৌখ্রে৷ প্লান্তশিংদা অমসুং প্লান্তশিংদগী পুথোরকপগী এলোকেসন ওর্দরশিং অদু ইফেক্তিব ওইনা অমসুং খুদক্তা পাউ ফাওদোক ফাওজিন তৌবা অমসুং লৈবাক অসিদা লৈরিবা প্লান্তশিংদগী রাজ্যশিংদা ওক্সিজেন পুথোক-পুশিন তৌবগী রিএল তাইম ত্রেক্কিং তৌবা অসিনা ওবজেক্তিবশিং ওইরি৷  মসিনা ই-ৱেবিল বেজ দাতা এন্ত্রীগীদমক, জি.পি.এস. শিজিন্নদুনা তেঙ্করশিং ত্রেক্কিং তৌননবগীদমক, সিম(দ্রাইভরগী মোবাইল নম্বর), ফাস্তেগ, রুত দেবিয়েসনগীদমক সিস্তেমদগী পীরক্লিবা ওতোমেতেদ এলর্তশিং, স্তোপেজশিংগীদমক জি.এস.তি.এন. দাতাবেজকা পুনশিন্নরি৷

অসিগীসু মথক্তা, রাজ্য সরকারদগী, স্তিল, ইন্দস্ত্রী, রেল, রোদ, হেল্থগী এদিস্নেল/জোইন্ত সেক্রেতরী ওফিসরশিংগা লোইননা ভর্চুএল সেন্ত্রেল কন্ত্রোল রুম অমা শেমখ্রে৷ সেন্ত্রেল রুম অসিনা ওক্সিজেন মুবমেন্ত অসি ২৪ X ৭দা য়েংশিল্লি অমসুং ওক্সিজেন ত্রান্সপোর্তেসনগা মরী লৈননা থোক্লকপা ইসু অমহেক্তা থেংননবা শেম শারি৷

ওক্সিজেন তেঙ্করশিং থৌননবগীদমক দ্রাইভরশিং ত্রেনিং তৌবা

ওক্সিজেন তেঙ্করশিং থৌননবগীদমক নেস্নেল স্কিল দিবলপমেন্ত কোর্পোরেসন(এন.এস.দি.সি.) অমসুং লোজিস্তিক সেক্তর স্কিল কাউন্সিল(এল.এস.এস.সি.)না অহেনবা দ্রাইভর ২,৫০০ ত্রেন তৌরি৷ ওক্সিজেন অসি নিংথিনা পুথোক-পুশিন তৌবা মতমদা স্কিল লৈবা দ্রাইভরশিংনা থৌবা অসি য়াম্না মরু ওই৷ এল.এম.ও. পুথোক-পুশিন তৌবা অসি হজার্দিয়র্স কেমিকেল্স রিগুলেসনগী মখাদা লৈবনা, ত্রেনিং নিংথিনা তৌরবা অমসুং ঐচ.এ.জেদ. কার্গো লাইসেন্স পাইরবা দ্রাইভরশিং খক্তনা ত্রকশিং অসি থৌবা য়াহল্লি৷ এন.এস.দি.সি. অমসুং এল.এস.এস.সি.না ইংলিস অমসুং হিন্দিদা ত্রেনিং মোদ্যুল শেমখ্রে অমসুং মাস্তর ত্রেনর ২০ খন্দোকখ্রে৷ ঐচ.এ.জেদ. কেমিকেল্স পুথোক-পুশিন তৌবদা ত্রেনিং পীননবা নন-এক্তিব দ্রাইভরশিং ওনলাইন রিফ্রেসর কোর্সশিং পাংথোক্নবা প্লান তৌরি৷ ওক্সিজেন প্লান্তশিংগা লোইননা দ্রাইভরশিংগীদমক ফিজিকেল ত্রেনিং প্রোগ্রামশিং পাংথোক্ননবগীদমক মফম ৭৩ খন্দোকখ্রে৷

ওক্সিজেন-ক্রাইয়োজেনিক তেঙ্কশিংগী স্তোরেজ হেনগৎহনবা

হোস্পিতালশিংদা ওক্সিজেন স্তোর তৌনবগী ক্রাইয়োজেনিক তেঙ্ক মশিং অসি ২০২০গী মার্চ থাদা ৬০৯ ওইরম্বদগী ৯০১ য়ৌনা হেনগৎলকখ্রে৷ মেদিকেল ওক্সিজেনগী চাং অসিসু ২০২০গী মার্চ থাদা লাখ ৪.৩৫ ওইরম্বদগী ২১গী মে থাদা লাখ ১১.১৯দা হেনগৎলকখ্রে৷ অসিগীসু মথক্তা, দিমান্দগী চাংনা হেনগৎলকপদগী সিলিন্দর লাখ ৩.৩৫ লৌশিল্লি৷ অহেনবা সিলিন্দর ১,২৭,০০০ লৌশিন্নবগী ওর্দর ২১.০৪.২১দা থোকখ্রে৷ দি.আর.দি.ও.না পি.এম.কেয়র ফন্দগী মখাদা এন.আর.এম. বল্ব ১০,০০,০০০ লৌশিল্লগনি- মসিগী দিভাইস অসিনা শ্বোর হোন্দোরকপা মতমদা ওক্সিজেন সপ্লাই অসি থিংজিন্দুনা অরেম্বদা ওক্সিজেন মাংখিদৌবা অদু কল্লগনি৷

মরু ওইবা সপ্লাইশিং য়াম্না থুনা লৌশিন্নবা খোঙথাংশিং

মরু ওইবা সপ্লাইশিং অথুবা মতমদা লৌশিন্নবা, কোবিদ মেনেজমেন্তগীদমক মরু ওইবা সপ্লাইশিং অথুবা মতমদা লৌশিন্নবা জেনেরেল ফাইনান্সিয়েল রুলশিং (জি.এফ.আর.) কোমথোকখ্রে৷ পোৎলমশিং অসি অথুবা মতমদা লৌশিনবা ঙম্নবা অমসুং হেন্না পাক চাওনা শরুক য়াননবা রেস্ত্রিক্তিব প্রোভিজনশিং লৌথোকখ্রে৷ প্রোক্যোরমেন্ত পুম্নমক্কী ওইনা বেঙ্ক গরেন্তীশিং য়াওহনখিদ্রে৷ ক্রিতিকেল কোবিদ প্রোক্যোরমেন্তগী ওইনা মাংজৌননা ১০০% পেমেন্ত তৌবা য়াহনখ্রে৷ সপ্লাই মার্কেৎতা অথিংবা লাকপা মতমদা নোমিনেসন বেসিস্তা প্রোক্যোর তৌবা য়াহনখ্রে৷

*****