ਆਕਸੀਜਨ ਦੀ ਮੰਗ ਵਿੱਚ ਹੋਏ ਵਾਧੇ ਨੂੰ ਦੂਰ ਕਰਨ ਲਈ, ਕੇਂਦਰ ਸਰਕਾਰ ਨੇ ਦੇਸ਼ ਵਿੱਚ ਉਪਲਬਧਤਾ ਨੂੰ ਵਧਾਉਣ, ਵੰਡ ਨੂੰ ਸੁਚਾਰੂ ਬਣਾਉਣ ਅਤੇ ਆਕਸੀਜਨ ਭੰਡਾਰਨ ਦੇ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕਰਨ ਲਈ ਉਪਾਅ ਕੀਤੇ ਹਨ। ਚੁੱਕੇ ਗਏ ਕਦਮ ਸਮੁੱਚੀ ਆਕਸੀਜਨ ਸਪਲਾਈ ਲੜੀ 'ਤੇ ਕੇਂਦ੍ਰਿਤ ਹਨ। ਇਨ੍ਹਾਂ ਵਿੱਚ ਆਕਸੀਜਨ ਦੇ ਉਤਪਾਦਨ ਵਿੱਚ ਸੁਧਾਰ, ਟੈਂਕਰ ਦੀ ਉਪਲਬਧਤਾ ਨੂੰ ਵਧਾਉਣ, ਆਖਰੀ ਮੀਲ ਤੱਕ ਆਕਸੀਜਨ ਭੰਡਾਰਨ ਵਿੱਚ ਸੁਧਾਰ ਅਤੇ ਖਰੀਦ ਦੇ ਨਿਯਮਾਂ ਨੂੰ ਅਸਾਨ ਕਰਨ ਦੇ ਯਤਨ ਸ਼ਾਮਲ ਹਨ।

ਉਤਪਾਦਨ ਸਮਰੱਥਾ ਅਤੇ ਉਤਪਾਦਨ ਵਿੱਚ ਵਾਧਾ, ਪ੍ਰੈਸ਼ਰ ਸਵਿੰਗ ਐਡਸੋਰਪਸ਼ਨ (ਪੀਐਸਏ) ਪਲਾਂਟਾਂ ਦੀ ਸਥਾਪਨਾ, ਵਿਦੇਸ਼ਾਂ ਤੋਂ ਤਰਲ ਮੈਡੀਕਲ ਆਕਸੀਜਨ (ਐਲਐਮਓ) ਦੀ ਦਰਾਮਦ ਅਤੇ ਆਕਸੀਜਨ ਕੰਸਨਟ੍ਰੇਟਰ ਦੁਆਰਾ ਆਕਸੀਜਨ ਦੀ ਉਪਲਬਧਤਾ ਵਿੱਚ ਵਾਧਾ ਕੀਤਾ ਗਿਆ ਹੈ। ਆਵਾਜਾਈ ਨੂੰ ਸੁਚਾਰੂ ਬਣਾਉਣ ਲਈ ਟੈਂਕਰ ਦੀ ਉਪਲਬਧਤਾ ਨੂੰ ਵਧਾਉਣ ਲਈ, ਨਾਈਟ੍ਰੋਜਨ ਅਤੇ ਆਰਗਨ ਟੈਂਕਰ ਤਬਦੀਲ ਕੀਤੇ ਗਏ ਹਨ, ਟੈਂਕਰਾਂ ਅਤੇ ਡੱਬਿਆਂ ਦੀ ਦਰਾਮਦ ਕੀਤੀ ਗਈ ਹੈ, ਟੈਂਕਰਾਂ ਦਾ ਘਰੇਲੂ ਨਿਰਮਾਣ,  ਟੈਂਕਰਾਂ ਦੀ ਰੇਲ ਅਤੇ ਹਵਾਈ ਆਵਾਜਾਈ ਚਾਲੂ ਸਮੇਂ ਨੂੰ ਘਟਾਉਣ ਲਈ ਕੀਤੀ ਜਾ ਰਹੀ ਹੈ। ਆਕਸੀਜਨ ਡਿਜੀਟਲ ਟ੍ਰੈਕਿੰਗ ਸਿਸਟਮ (ਓਡੀਟੀਐੱਸ) ਨੂੰ ਰੀਅਲ ਟਾਈਮ ਨਿਗਰਾਨੀ ਲਈ ਸਥਾਪਤ ਕੀਤਾ ਗਿਆ ਹੈ ਅਤੇ ਐਮਐਚਵੀ ਡਰਾਈਵਰਾਂ ਦੀ ਸਿਖਲਾਈ ਨਾਲ ਡਰਾਈਵਰ ਦੀ ਉਪਲਬਧਤਾ ਵਿੱਚ ਵਾਧਾ ਕੀਤਾ ਜਾ ਰਿਹਾ ਹੈ। ਆਕਸੀਜਨ ਭੰਡਾਰਨ ਨੂੰ ਬਿਹਤਰ ਬਣਾਉਣ ਲਈ, ਹਸਪਤਾਲਾਂ ਵਿੱਚ ਕ੍ਰਾਇਓਜੇਨਿਕ ਟੈਂਕਰਾਂ ਦੀ ਸੰਖਿਆ ਅਤੇ ਸਮਰੱਥਾ ਵਿੱਚ ਵਾਧਾ ਕੀਤਾ ਜਾ ਰਿਹਾ ਹੈ ਅਤੇ ਮੈਡੀਕਲ ਆਕਸੀਜਨ ਸਿਲੰਡਰ ਖਰੀਦੇ ਜਾ ਰਹੇ ਹਨ। ਨਾਜ਼ੁਕ ਸਪਲਾਈ ਦੀ ਤੇਜ਼ੀ ਨਾਲ ਖਰੀਦ ਨੂੰ ਸਮਰੱਥ ਬਣਾਉਣ ਲਈ ਜਨਰਲ ਵਿੱਤੀ ਨਿਯਮਾਂ (ਜੀਐੱਫਆਰ) ਵਿੱਚ ਢਿੱਲ ਦਿੱਤੀ ਗਈ ਹੈ। ਆਕਸੀਜਨ ਉਤਪਾਦਨ, ਆਵਾਜਾਈ, ਭੰਡਾਰਨ ਅਤੇ ਬੁਨਿਆਦੀ ਢਾਂਚੇ ਦੇ ਸਾਰੇ ਮੋਰਚਿਆਂ 'ਤੇ ਕੇਂਦਰ ਸਰਕਾਰ ਦੁਆਰਾ ਚੁੱਕੇ ਗਏ ਕਦਮਾਂ ਦੇ ਵੇਰਵੇ ਹੇਠ ਦਿੱਤੇ ਅਨੁਸਾਰ ਹਨ.

ਆਕਸੀਜਨ ਉਤਪਾਦਨ ਅਤੇ ਸਮਰੱਥਾ ਵਿੱਚ ਵਾਧਾ

ਆਕਸੀਜਨ ਦਾ ਉਤਪਾਦਨ ਅਗਸਤ 20 ਵਿੱਚ 5700 ਮੀਟ੍ਰਿਕ ਟਨ/ ਦਿਨ ਤੋਂ ਵਧ ਕੇ ਮਈ 21 ਵਿੱਚ 9,446 ਮੀਟ੍ਰਿਕ ਟਨ / ਦਿਨ ਹੋ ਗਿਆ ਹੈ। ਉਤਪਾਦਨ ਸਮਰੱਥਾ 6817 ਮੀਟ੍ਰਿਕ ਟਨ / ਦਿਨ ਤੋਂ ਵਧ ਕੇ 7314 ਮੀਟ੍ਰਿਕ ਟਨ / ਦਿਨ ਹੋ ਗਈ ਹੈ ਅਤੇ ਇਸ ਮਿਆਦ ਦੇ ਦੌਰਾਨ ਸਮਰੱਥਾ ਦੀ ਵਰਤੋਂ 84% ਤੋਂ 129% ਕੀਤੀ ਗਈ ਹੈ।

ਜਨਤਕ ਅਤੇ ਨਿੱਜੀ ਦੋਵਾਂ ਸੈਕਟਰਾਂ ਦੀਆਂ ਸਟੀਲ ਕੰਪਨੀਆਂ ਨੇ, ਦੇਸ਼ ਦੀ ਮੈਡੀਕਲ ਆਕਸੀਜਨ ਦੀ ਜ਼ਰੂਰਤ ਨੂੰ ਪੂਰਾ ਕਰਨ ਲਈ ਉਪਰਾਲੇ ਤੇਜ਼ ਕੀਤੇ ਹਨ। 4 ਮਈ, 2021 ਨੂੰ, ਸਟੀਲ ਪਲਾਂਟਾਂ ਦੁਆਰਾ ਕੁੱਲ ਤਰਲ ਮੈਡੀਕਲ ਆਕਸੀਜਨ ਉਤਪਾਦਨ 3680.30 ਮੀਟ੍ਰਿਕ ਟਨ ਪ੍ਰਤੀ ਦਿਨ ਸੀ। ਕੁੱਲ ਐਲਐਮਓ ਸਪਲਾਈ ਅਪ੍ਰੈਲ ਦੇ ਅੱਧ ਵਿੱਚ ਔਸਤਨ 1500-1700 ਮੀਟਰਕ ਟਨ ਤੋਂ ਵੱਧ ਕੇ 25 ਅਪ੍ਰੈਲ ਨੂੰ 3131.84 ਮੀਟ੍ਰਿਕ ਟਨ ਅਤੇ ਅੱਗੇ 4 ਮਈ ਨੂੰ 4076.65 ਮੀਟ੍ਰਿਕ ਟਨ ਤੱਕ ਸੀ।

ਉਤਪਾਦਨ ਅਤੇ ਮੰਗ ਵਿੱਚ ਵਾਧੇ ਦੇ ਨਾਲ, ਦੇਸ਼ ਵਿੱਚ ਐਲਐੱਮਓ ਦੀ ਵਿਕਰੀ ਵੀ ਮਾਰਚ 21 ਨੂੰ ਲਗਭਗ 1,300 ਮੀਟ੍ਰਿਕ ਟਨ / ਦਿਨ ਤੋਂ ਵਧ ਕੇ 6 ਮਈ ਨੂੰ 8,920 ਮੀਟ੍ਰਿਕ ਟਨ ਹੋ ਗਈ ਹੈ। ਮਹਾਮਾਰੀ ਦੀ ਪਹਿਲੀ ਲਹਿਰ ਵਾਲੇ 29 ਸਤੰਬਰ, 2020 ਨੂੰ ਐਲਐੱਮਓ ਦੀ ਸਭ ਤੋਂ ਵੱਧ ਵਿਕਰੀ 3095 ਮੀਟ੍ਰਿਕ ਟਨ ਦਰਜ ਕੀਤੀ ਗਈ ਸੀ। ਮਾਰਚ 2021ਨੂੰ 1559 ਮੀਟ੍ਰਿਕ ਟਨ / ਦਿਨ ਤੋਂ ਐਲਐੱਮਓ ਦੀ ਵਿਕਰੀ ਪੰਜ ਗੁਣਾ ਵੱਧ ਕੇ 3 ਮਈ, 2021 ਤੱਕ 8000 ਮੀਟਰਕ ਟਨ ਤੋਂ ਵੱਧ ਗਈ।

ਆਕਸੀਜਨ ਉਤਪਾਦਨ ਸਮਰੱਥਾ ਵਧਾਉਣ ਦੀਆਂ ਯੋਜਨਾਵਾਂ

ਆਕਸੀਜਨ ਉਤਪਾਦਨ ਸਮਰੱਥਾ ਨੂੰ ਵਧਾਉਣ ਲਈ ਨੇੜਲੇ ਭਵਿੱਖ ਵਿੱਚ ਵਾਧੂ ਸਮਰੱਥਾ ਦੇ ਵਾਧੇ ਦੀ ਯੋਜਨਾ ਬਣਾਈ ਗਈ ਹੈ। ਇਸ ਸੰਬੰਧੀ ਉਪਾਵਾਂ ਵਿੱਚ ਕਰਨਾਟਕ ਵਿੱਚ ਵਾਧੂ 70 ਮੀਟਰਕ ਟਨ ਉਤਪਾਦਨ ਸ਼ਾਮਲ ਹੈ; ਐਸਐਮਈ ਸੈਕਟਰ ਦੇ ਏਅਰ ਸੈਪਰੇਸ਼ਨ ਯੂਨਿਟ ਤੋਂ ਸਪਲਾਈ; ਰਿਫਾਇਨਰੀਆਂ (11,950 ਬੈੱਡ), ਪਾਵਰ ਪਲਾਂਟ (3,850 ਬੈੱਡ) ਅਤੇ ਸਟੀਲ ਪਲਾਂਟ (8,100 ਬੈੱਡ) ਤੋਂ ਗੈਸੀ ਆਕਸੀਜਨ ਵਾਲੇ ਜੰਬੋ ਹਸਪਤਾਲ ਸਥਾਪਤ ਕੀਤੇ ਜਾ ਰਹੇ ਹਨ। ਗੈਰ ਜ਼ਰੂਰੀ ਉਦਯੋਗਿਕ ਉਦੇਸ਼ਾਂ ਲਈ ਆਕਸੀਜਨ ਦੀ ਸਪਲਾਈ 'ਤੇ 22 ਅਪ੍ਰੈਲ, 2021 ਤੋਂ ਪਾਬੰਦੀ ਲਗਾਈ ਗਈ ਹੈ, ਜਿਸ ਦੇ ਨਤੀਜੇ ਵਜੋਂ  1,000 ਮੀਟ੍ਰਿਕ ਟਨ ਵਧੇਰੇ ਆਕਸੀਜਨ ਉਪਲਬਧ ਹੋਵੇਗੀ। ਸਟੀਲ ਸੈਕਟਰ ਦੁਆਰਾ 630 ਮੀਟ੍ਰਿਕ ਟਨ / ਦਿਨ ਦੀ ਵਾਧੂ ਸਮਰੱਥਾ ਦੇ ਵਾਧੇ ਦੀ ਯੋਜਨਾ ਹੈ।

ਆਕਸੀਜਨ ਦੀ ਮੰਗ ਵਾਲੇ ਕਲੱਸਟਰਾਂ ਨੇੜੇ ਸਪਲਾਈ ਨੂੰ ਬਿਹਤਰ ਬਣਾਉਣ ਲਈ 1,594 ਪਲਾਂਟ ਸਥਾਪਤ ਕੀਤੇ ਜਾ ਰਹੇ ਹਨ। ਇਸ ਵਿੱਚ 2020 ਵਿੱਚ ਮਨਜ਼ੂਰਸ਼ੁਦਾ ਦੇ ਪੀਐੱਮ-ਕੇਅਰਜ਼ ਅਧੀਨ 162 ਪਲਾਂਟ ਸ਼ਾਮਲ ਹਨ, ਮਾਰਚ 2021 ਵਿੱਚ ਸਿਹਤ ਮੰਤਰਾਲੇ ਦੇ ਜ਼ਰੀਏ 551, 27 ਅਪ੍ਰੈਲ 2021 ਨੂੰ ਡੀਆਰਡੀਓ ਦੁਆਰਾ ਪ੍ਰਧਾਨ ਮੰਤਰੀ-ਕੇਅਰਜ਼ ਅਧੀਨ 500 ਪਲਾਂਟ ਅਤੇ ਤੇਲ ਅਤੇ ਗੈਸ ਕੰਪਨੀਆਂ ਦੁਆਰਾ ਲਗਭਗ 100 ਪਲਾਂਟ ਸ਼ਾਮਲ ਹਨ। ਪੀਐਸਏ ਦੇ 162 ਪਲਾਂਟਾਂ ਵਿਚੋਂ 74 ਸਥਾਪਿਤ ਕੀਤੇ ਗਏ ਹਨ ਅਤੇ ਬਾਕੀ ਜੂਨ 2021 ਤੱਕ ਲਗਾਏ ਜਾਣਗੇ। ਮਾਰਚ ਅਤੇ ਅਪ੍ਰੈਲ 21 ਵਿੱਚ ਪ੍ਰਧਾਨ ਮੰਤਰੀ ਕੇਅਰਜ਼ ਫੰਡ ਤਹਿਤ ਮਨਜ਼ੂਰ ਕੀਤੇ 1,051 ਵਾਧੂ ਪੀਐਸਏ ਪਲਾਂਟ ਅਗਲੇ ਤਿੰਨ ਮਹੀਨਿਆਂ ਵਿੱਚ ਪੜਾਵਾਂ ਵਿੱਚ ਚਾਲੂ ਕੀਤੇ ਜਾਣਗੇ।

ਤਰਲ ਮੈਡੀਕਲ ਆਕਸੀਜਨ ਦੀ ਦਰਾਮਦ

50,000 ਮੀਟ੍ਰਿਕ ਤਰਲ ਆਕਸੀਜਨ ਵਿਦੇਸ਼ਾਂ ਤੋਂ ਦਰਾਮਦ ਕੀਤੀ ਜਾ ਰਹੀ ਹੈ, ਜਿਸ ਨਾਲ 5,800 ਮੀਟ੍ਰਿਕ ਟਨ ਦੇ ਆਰਡਰ ਅਤੇ ਸਪੁਰਦਗੀ ਦੀ ਅਨੁਸੂਚੀ ਨੂੰ ਅੰਤਮ ਰੂਪ ਦਿੱਤਾ ਗਿਆ ਹੈ। ਵਿਦੇਸ਼ ਮੰਤਰਾਲਾ ਵਿਦੇਸ਼ਾਂ ਤੋਂ ਆਕਸੀਜਨ ਦੇ ਸਰੋਤਾਂ ਨੂੰ ਸੁਰੱਖਿਅਤ ਕਰਨ ਵਿੱਚ  ਸਰਗਰਮੀ ਨਾਲ ਸਹਾਇਤਾ ਕਰ ਰਿਹਾ ਹੈ। ਪ੍ਰਕਿਰਿਆ ਨੂੰ ਤੇਜ਼ ਕਰਨ ਲਈ, 21.04.21 ਨੂੰ ਕੁਟੇਸ਼ਨਾਂ ਪ੍ਰਾਪਤ ਕੀਤੀਆਂ ਗਈਆਂ ਸਨ। 3,500 ਮੀਟ੍ਰਿਕ ਟਨ ਲਈ 3 ਕੁਟੇਸ਼ਨਾਂ ਪ੍ਰਾਪਤ ਕੀਤੀਆਂ ਗਈਆਂ ਅਤੇ 21.04.21 ਨੂੰ 3 ਮਹੀਨਿਆਂ ਦੀ ਸਪੁਰਦਗੀ ਨਾਲ ਪ੍ਰਵਾਨਗੀ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ, ਸੰਯੁਕਤ ਅਰਬ ਅਮੀਰਾਤ, ਬਹਿਰੀਨ, ਕੁਵੈਤ ਅਤੇ ਫਰਾਂਸ ਤੋਂ ਦਰਾਮਦ ਕੀਤੀ ਜਾ ਰਹੀ 2285 ਮੀਟ੍ਰਿਕ ਟਨ ਐਲਐਮਓ, ਦਾ ਇੱਕ ਹਿੱਸਾ ਪਹਿਲਾਂ ਹੀ ਪਹੁੰਚ ਚੁੱਕਾ ਹੈ।

ਆਕਸੀਜਨ ਕੰਸਨਟ੍ਰੇਟਰਾਂ ਦੀ ਖਰੀਦ

27.04.2021 ਨੂੰ ਪ੍ਰਧਾਨ ਮੰਤਰੀ ਕੇਅਰਜ਼ ਫੰਡ ਅਧੀਨ 1 ਲੱਖ ਆਕਸੀਜਨ ਕੰਸਨਟ੍ਰੇਟਰਾਂ ਦੀ ਖਰੀਦ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ। ਇੱਛਾ ਦਾ ਪ੍ਰਗਟਾਵਾ 29.04.21 ਨੂੰ ਜਾਰੀ ਕੀਤਾ ਗਿਆ ਸੀ ਅਤੇ 2,500 ਇਕਾਈਆਂ ਲਈ ਪੇਸ਼ਕਸ਼ ਪ੍ਰਾਪਤ ਕੀਤੀ ਗਈ ਹੈ। ਓਐੱਨਜੀਸੀ ਵੱਲੋਂ ਜਾਰੀ ਟੈਂਡਰ ਨੂੰ ਚੰਗਾ ਹੁੰਗਾਰਾ ਮਿਲਿਆ ਹੈ। ਘਰੇਲੂ ਨਿਰਮਾਤਾਵਾਂ ਵੱਲੋਂ 50,000 ਕੰਸਨਟ੍ਰੇਟਰਾਂ ਲਈ ਆਫਰ ਪ੍ਰਾਪਤ ਹੋਏ ਹਨ। 15.05.21  ਨੂੰ 4,800 ਇਕਾਈਆਂ ਦੀ ਸਪੁਰਦਗੀ ਦੀ ਅਨੁਸੂਚੀ ਅਤੇ 27.05.21 ਨੂੰ 5,000 ਇਕਾਈਆਂ ਦੇ ਨਾਲ 9,800 ਇਕਾਈਆਂ ਲਈ ਐਵਾਰਡ ਨੂੰ ਅੰਤਮ ਰੂਪ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ, 55 ਬੋਲੀਕਾਰਾਂ ਨੇ 70,000 - 75,000 ਯੂਨਿਟ ਸੈਂਟਰਾਂ ਦੀ ਪੂਰਤੀ ਲਈ ਦਿਲਚਸਪੀ ਦਿਖਾਈ ਹੈ। ਆਰਡਰ ਨੂੰ ਅੰਤਮ ਰੂਪ ਦਿੱਤਾ ਜਾ ਰਿਹਾ ਹੈ ਅਤੇ ਸਪੁਰਦਗੀ ਨੂੰ ਅਨੁਸੂਚੀ ਦੇ ਅਧਾਰ 'ਤੇ ਕੀਤਾ ਜਾਵੇਗਾ।

ਆਕਸੀਜਨ ਐਲੋਕੇਸ਼ਨ ਪ੍ਰਕਿਰਿਆ

ਆਕਸੀਜਨ ਐਲੋਕੇਸ਼ਨ ਦੀ ਪ੍ਰਕਿਰਿਆ ਦੀ ਮੰਗ ਪੂਰੀ ਤਰ੍ਹਾਂ ਸਾਰੇ ਰਾਜਾਂ ਨੂੰ ਇਕਸਾਰ ਢੰਗ ਨਾਲ ਆਕਸੀਜਨ ਸਪਲਾਈ ਕਰਨ ਲਈ ਕੀਤੀ ਗਈ ਹੈ। ਮਹਾਮਾਰੀ ਦੀ ਦੂਜੀ ਲਹਿਰ ਹੋਰਨਾਂ ਰਾਜਾਂ ਮਹਾਰਾਸ਼ਟਰ, ਗੁਜਰਾਤ, ਦਿੱਲੀ, ਮੱਧ ਪ੍ਰਦੇਸ਼, ਕਰਨਾਟਕ, ਆਦਿ ਵਿੱਚ ਫੈਲਣ ਕਾਰਨ ਆਕਸੀਜਨ ਦੀ ਮੰਗ ਦੂਜੇ ਰਾਜਾਂ ਤੋਂ ਵੱਧ ਗਈ ਹੈ। ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਦੇ ਫਾਰਮੂਲੇ ਦੀ ਵਰਤੋਂ ਰਾਜ ਵਿੱਚ ਐਕਟਿਵ ਮਾਮਲਿਆਂ ਦੇ ਅਨੁਸਾਰ ਹਰੇਕ ਰਾਜ ਲਈ ਆਕਸੀਜਨ ਦੀ ਜ਼ਰੂਰਤ ਦਾ ਅੰਦਾਜ਼ਾ ਲਗਾਉਣ ਲਈ ਕੀਤੀ ਗਈ ਸੀ ਅਤੇ ਆਕਸੀਜਨ ਅਲਾਟਮੈਂਟ ਨੂੰ ਹਰੇਕ ਰਾਜ ਦੀ ਅਨੁਮਾਨਤ ਮੰਗ ਅਨੁਸਾਰ ਜੋੜਨ ਲਈ ਵੱਧ ਤੋਂ ਵੱਧ ਕੋਸ਼ਿਸ਼ਾਂ ਕੀਤੀਆਂ ਗਈਆਂ ਸਨ। ਅਲਾਟਮੈਂਟ ਨੂੰ ਅੰਤਮ ਰੂਪ ਦਿੰਦੇ ਹੋਏ ਹਸਪਤਾਲਾਂ ਦੇ ਬੁਨਿਆਦੀ ਢਾਂਚੇ ਦੀ ਉਪਲਬਧਤਾ ਵਰਗੇ ਹੋਰ ਕਾਰਨਾਂ ਨੂੰ ਵੀ ਧਿਆਨ ਵਿੱਚ ਰੱਖਿਆ ਗਿਆ।

ਦੇਸ਼ ਵਿੱਚ ਆਕਸੀਜਨ ਦੀ ਵੰਡ ਨੂੰ ਸੁਚਾਰੂ ਬਣਾਉਣ ਲਈ ਆਕਸੀਜਨ ਨਿਰਧਾਰਣ ਪ੍ਰਕਿਰਿਆ ਨਿਰੰਤਰ ਵਿਕਸਤ ਹੋਈ ਹੈ। ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ ਨੂੰ ਆਕਸੀਜਨ ਨਿਰਧਾਰਤ ਕਰਨਾ ਗਤੀਸ਼ੀਲ ਪ੍ਰਕਿਰਿਆ ਹੈ, ਸਿਹਤ ਮੰਤਰਾਲੇ ਦੇ ਨਿਯਮਾਂ ਅਨੁਸਾਰ ਲੋੜ ਦੇ ਅਧਾਰ 'ਤੇ ਅਤੇ ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ, ਨਿਰਮਾਤਾਵਾਂ ਅਤੇ ਹੋਰ ਹਿੱਸੇਦਾਰਾਂ ਨਾਲ ਸਲਾਹ ਮਸ਼ਵਰਾ ਕੀਤਾ ਗਿਆ ਹੈ। ਉਤਪਾਦਨ ਕਰਨ ਵਾਲੇ ਅਤੇ ਖਪਤ ਕਰਨ ਵਾਲੇ ਰਾਜਾਂ ਵਿੱਚ ਸਮਾਨਤਾ ਨਹੀਂ ਹੈ ਅਤੇ ਰਾਜਾਂ ਵਿੱਚ ਬਰਾਬਰੀ ਬਣਾਈ ਰੱਖੀ ਜਾਣੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ, ਉਤਪਾਦਨ ਦਾ ਇੱਕ ਤਿਹਾਈ ਹਿੱਸਾ ਪੂਰਬੀ ਭਾਰਤ ਵਿੱਚ ਕੇਂਦ੍ਰਿਤ ਹੈ, ਜਦੋਂ ਕਿ 60% ਆਕਸੀਜਨ ਦੀ ਮੰਗ ਉੱਤਰੀ ਅਤੇ ਦੱਖਣੀ ਭਾਰਤ ਵਿੱਚ ਹੈ, ਨਤੀਜੇ ਵਜੋਂ ਆਵਾਜਾਈ ਦੀਆਂ ਚੁਣੌਤੀਆਂ ਪੈਦਾ ਹੋਈਆਂ ਹਨ। ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ, ਨਿਰਮਾਤਾਵਾਂ ਅਤੇ ਹੋਰ ਹਿੱਸੇਦਾਰਾਂ ਨਾਲ ਸਲਾਹ ਮਸ਼ਵਰੇ ਨਾਲ ਆਵਾਜਾਈ ਯੋਜਨਾ ਨੂੰ ਅਨੁਕੂਲ ਬਣਾਉਣ ਲਈ ਆਕਸੀਜਨ ਦੇ ਸਰੋਤ ਅਤੇ ਮੰਜ਼ਿਲ ਦੀ ਮੈਪਿੰਗ ਨੂੰ ਪੂਰਾ ਕੀਤਾ ਗਿਆ ਹੈ।

ਆਕਸੀਜਨ ਟੈਂਕਰ ਦੀ ਉਪਲਬਧਤਾ ਨੂੰ ਵਧਾਉਣਾ - ਟੈਂਕਰਾਂ ਦੀ ਤਬਦੀਲੀ ਅਤੇ ਦਰਾਮਦ

ਟੈਂਕਰਾਂ ਦੀ ਉਪਲਬਧਤਾ ਨੂੰ ਬਿਹਤਰ ਬਣਾਉਣ ਲਈ ਕਈ ਯਤਨ ਕੀਤੇ ਗਏ ਹਨ। ਆਕਸੀਜਨ ਟੈਂਕਰਾਂ ਦੀ ਉਪਲਬਧਤਾ ਨਾਈਟ੍ਰੋਜਨ ਅਤੇ ਆਰਗਨ ਟੈਂਕਰਾਂ ਦੀ ਤਬਦੀਲੀ ਅਤੇ ਉਨ੍ਹਾਂ ਦੀ ਦਰਾਮਦ ਨਾਲ ਸੁਧਾਰੀ ਗਈ ਹੈ। ਮਾਰਚ 2020 ਵਿੱਚ, ਟੈਂਕਰਾਂ ਦੀ ਸਮਰੱਥਾ 12,480 ਮੀਟ੍ਰਿਕ ਟਨ ਸੀ ਅਤੇ ਉਨ੍ਹਾਂ ਦੀ ਗਿਣਤੀ 1040 ਸੀ। ਹੁਣ, ਟੈਂਕਰਾਂ ਦੀ ਸਮਰੱਥਾ 23,056 ਮੀਟ੍ਰਿਕ ਟਨ ਹੋ ਗਈ ਹੈ ਅਤੇ ਉਨ੍ਹਾਂ ਦੀ ਗਿਣਤੀ ਵਧ ਕੇ 1681 ਹੋ ਗਈ ਹੈ, ਜਿਸ ਵਿੱਚ 408 ਪਰਿਵਰਤਿਤ ਟੈਂਕਰ ਅਤੇ 101 ਦਰਾਮਦ ਕੀਤੇ ਟੈਂਕਰ ਸ਼ਾਮਲ ਹਨ। ਹੁਣ ਤੱਕ 1,105 ਨਾਈਟਰੋਜਨ ਅਤੇ ਆਰਗਨ ਟੈਂਕਰਾਂ ਵਿਚੋਂ 408 ਆਕਸੀਜਨ ਲਿਜਾਣ ਵਾਲੇ ਟੈਂਕਰਾਂ ਵਿੱਚ ਤਬਦੀਲ ਕੀਤੇ ਚੁੱਕੇ ਹਨ; ਅਤੇ ਹੋਰ 200 ਟੈਂਕਰ ਜਲਦੀ ਤਬਦੀਲ ਕੀਤੇ ਜਾਣਗੇ। 248 ਆਕਸੀਜਨ ਟੈਂਕਰ ਦਰਾਮਦ ਕੀਤੇ ਜਾ ਰਹੇ ਹਨ, ਹੁਣ ਤੱਕ 101 ਟੈਂਕਰ ਦਰਾਮਦ ਕੀਤੇ ਗਏ ਹਨ ਅਤੇ ਅਗਲੇ 10 ਦਿਨਾਂ ਵਿੱਚ ਹੋਰ 58 ਟੈਂਕਰ ਦਰਾਮਦ ਕੀਤੇ ਜਾਣਗੇ; ਇਸ ਤੋਂ ਇਲਾਵਾ, 100 ਟੈਂਕਰ ਘਰੇਲੂ ਤੌਰ 'ਤੇ ਤਿਆਰ ਕੀਤੇ ਜਾ ਰਹੇ ਹਨ।

ਆਉਣ-ਜਾਣ ਦੇ ਸਮੇਂ ਨੂੰ ਘਟਾਉਣ ਲਈ ਰੇਲ ਅਤੇ ਹਵਾਈ ਮਾਰਗ ਰਾਹੀਂ ਆਕਸੀਜਨ ਟੈਂਕਰਾਂ ਨੂੰ ਲਿਜਾਇਆ ਜਾ ਰਿਹਾ ਹੈ

ਰੇਲਵੇ ਦੀ ਵਰਤੋਂ ਰੋਲ ਓਨ - ਰੋਲ ਆਫ ਸੇਵਾ ਰਾਹੀਂ ਟੈਂਕਰਾਂ ਦੀ ਲੰਮੀ ਦੂਰੀ ਦੀ ਟਰਾਂਸਪੋਰਟ  ਲਈ ਕੀਤੀ ਜਾ ਰਹੀ ਹੈ। ਹੁਣ ਤੱਕ, ਭਾਰਤੀ ਰੇਲਵੇ ਨੇ ਦੇਸ਼ ਭਰ ਦੇ ਵੱਖ-ਵੱਖ ਰਾਜਾਂ ਵਿੱਚ 268 ਤੋਂ ਵੱਧ ਟੈਂਕਰਾਂ ਵਿੱਚ ਤਕਰੀਬਨ 4200 ਮੀਟ੍ਰਿਕ ਟਨ ਐਲਐਮਓ ਸਪੁਰਦ ਕੀਤੀ ਹੈ। ਯੂਪੀ ਵਿੱਚ 1,230 ਮੀਟ੍ਰਿਕ ਟਨ; ਐਮਪੀ ਵਿੱਚ 271 ਮੀਟ੍ਰਿਕ ਟਨ; ਹਰਿਆਣਾ ਵਿੱਚ 555 ਮੀਟ੍ਰਿਕ ਟਨ; ਤੇਲੰਗਾਨਾ ਵਿੱਚ 123 ਮੀਟ੍ਰਿਕ ਟਨ;  ਰਾਜਸਥਾਨ ਵਿੱਚ 40 ਮੀਟ੍ਰਿਕ ਟਨ; ਅਤੇ ਦਿੱਲੀ ਵਿੱਚ 1,679 ਮੀਟ੍ਰਿਕ ਟਨ ਆਕਸੀਜਨ ਸਪਲਾਈ ਕੀਤੀ ਗਈ ਹੈ।

ਆਉਣ-ਜਾਣ ਦੇ ਸਮੇਂ ਨੂੰ ਘਟਾਉਣ ਲਈ ਪਲਾਂਟਾਂ ਤੋਂ ਖਾਲੀ ਟੈਂਕਰਾਂ ਦੀ ਏਅਰ ਲਿਫਟਿੰਗ ਕੀਤੀ ਜਾ ਰਹੀ ਹੈ। 5505 ਮੀਟ੍ਰਿਕ ਟਨ ਸਮਰੱਥਾ ਵਾਲੇ 282 ਟੈਂਕਰਾਂ ਨੂੰ ਏਅਰ ਲਿਫਟ ਕੀਤਾ ਗਿਆ ਹੈ, ਘਰੇਲੂ ਮਾਰਗਾਂ ਵਿੱਚ ਐਲਐਮਓ ਭਾਰਤੀ ਹਵਾਈ ਫੌਜ ਦੇ ਜ਼ਰੀਏ 1293 ਮੀਟ੍ਰਿਕ ਟਨ ਦੀ ਸਮਰੱਥਾ ਵਾਲੇ 75 ਕੰਨਟੇਨਰ ਵਿਦੇਸ਼ਾਂ ਤੋਂ ਪ੍ਰਾਪਤ ਕੀਤੇ ਗਏ ਹਨ। ਇਸ ਤੋਂ ਇਲਾਵਾ, 1252 ਆਕਸੀਜਨ ਸਿਲੰਡਰ, 3 ਆਕਸੀਜਨ ਜਨਰੇਸ਼ਨ ਪਲਾਂਟ ਭਾਰਤੀ ਹਵਾਈ ਫੌਜ ਦੁਆਰਾ ਦਰਾਮਦ ਕੀਤੇ ਗਏ ਹਨ।

ਆਕਸੀਜਨ ਡਿਜੀਟਲ ਟਰੈਕਿੰਗ ਸਿਸਟਮ

ਦੇਸ਼ ਵਿੱਚ ਆਕਸੀਜਨ ਦੀ ਢੋਆ-ਢੁਆਈ ਦੀ ਅਸਲ ਸਮੇਂ ਦੀ ਨਿਗਰਾਨੀ ਨੂੰ ਸਮਰੱਥ ਬਣਾਉਣ ਲਈ ਇੱਕ ਵੈੱਬ ਅਤੇ ਐਪ ਅਧਾਰਤ ਆਕਸੀਜਨ ਡਿਜੀਟਲ ਟਰੈਕਿੰਗ ਸਿਸਟਮ (ਓਡੀਟੀਐਸ) ਦੀ ਸ਼ੁਰੂਆਤ ਕੀਤੀ ਗਈ ਹੈ। ਇਸ ਦਾ ਉਦੇਸ਼ ਪਲਾਂਟਾਂ ਨੂੰ ਅਲਾਟਮੈਂਟ ਦੇ ਆਰਡਰ ਅਤੇ ਪਲਾਂਟਾਂ ਤੋਂ ਭੇਜਣ ਦੇ ਪ੍ਰਭਾਵਸ਼ਾਲੀ ਅਤੇ ਤਤਕਾਲ ਸੰਚਾਰ ਅਤੇ ਪਲਾਂਟਾਂ ਤੋਂ ਰਾਜਾਂ ਤੱਕ ਆਕਸੀਜਨ ਦੀ ਢੋਆ-ਢੁਆਈ ਦੀ ਅਸਥਾਈ-ਅਸਲ ਟਰੈਕਿੰਗ ਕਰਨਾ ਹੈ। ਇਹ ਈ-ਵੇਅ ਬਿੱਲ ਅਧਾਰਤ ਡੇਟਾ ਐਂਟਰੀ, ਜੀਪੀਐਸ ਦੁਆਰਾ ਟੈਂਕਰਾਂ ਦੀ ਟਰੈਕਿੰਗ, ਸਿਮ (ਡਰਾਈਵਰ ਮੋਬਾਈਲ ਨੰ.), ਫਾਸਟੈਗ, ਅਤੇ ਰੂਟ ਭਟਕਣਾ, ਅਣਕਿਆਸੀਆਂ ਰੁਕਾਵਟਾਂ, ਦੇਰੀ ਲਈ ਸਿਸਟਮ ਤੋਂ ਸਵੈਚਾਲਿਤ ਚਿਤਾਵਨੀਆਂ ਲਈ ਜੀਐਸਟੀਐਨ ਡਾਟਾਬੇਸ ਨਾਲ ਏਕੀਕ੍ਰਿਤ ਹੈ।

ਇਸ ਤੋਂ ਇਲਾਵਾ, ਸਿਹਤ, ਰੋਡ, ਰੇਲ, ਉਦਯੋਗ, ਸਟੀਲ ਦੇ ਵਧੀਕ / ਸੰਯੁਕਤ ਸਕੱਤਰ ਅਧਿਕਾਰੀਆਂ ਅਤੇ ਰਾਜ ਸਰਕਾਰ ਦੇ ਅਧਿਕਾਰੀਆਂ ਦੁਆਰਾ ਇੱਕ ਆਭਾਸੀ ਕੇਂਦਰੀ ਕੰਟਰੋਲ ਰੂਮ ਸਥਾਪਤ ਕੀਤਾ ਗਿਆ ਹੈ। ਆਕਸੀਜਨ ਟ੍ਰਾਂਸਪੋਰਟੇਸ਼ਨ ਦੇ ਕਿਸੇ ਵੀ ਮੁੱਦੇ ਨੂੰ ਹੱਲ ਕਰਨ ਲਈ ਕੰਟਰੋਲ ਰੂਮ ਆਕਸੀਜਨ ਦੀ ਢੋਆ-ਢੁਆਈ ਦੀ 24 X 7 ਨਿਗਰਾਨੀ ਕਰ ਰਿਹਾ ਹੈ।

ਆਕਸੀਜਨ ਟੈਂਕਰ ਚਲਾਉਣ ਲਈ ਡਰਾਈਵਰ ਸਿਖਲਾਈ

ਕੌਮੀ ਹੁਨਰ ਵਿਕਾਸ ਨਿਗਮ (ਐਨਐਸਡੀਸੀ) ਅਤੇ ਲੌਜਿਸਟਿਕਸ ਸੈਕਟਰ ਸਕਿੱਲ ਕੌਂਸਲ (ਐਲਐਸਐਸਸੀ) ਦੁਆਰਾ ਆਕਸੀਜਨ ਟੈਂਕਰ ਚਲਾਉਣ ਲਈ 2,500 ਵਾਧੂ ਡਰਾਈਵਰਾਂ ਨੂੰ ਸਿਖਲਾਈ ਦਿੱਤੀ ਜਾ ਰਹੀ ਹੈ। ਆਕਸੀਜਨ ਦੀ ਨਿਰਵਿਘਨ ਆਵਾਜਾਈ ਨੂੰ ਯਕੀਨੀ ਬਣਾਉਣ ਲਈ ਹੁਨਰਮੰਦ ਡਰਾਈਵਰਾਂ ਦੀ ਉਪਲਬਧਤਾ ਜ਼ਰੂਰੀ ਹੈ, ਕਿਉਂਕਿ ਐਲਐਮਓ ਟ੍ਰਾਂਸਪੋਰਟੇਸ਼ਨ ਖਤਰਨਾਕ ਕੈਮੀਕਲਜ਼ ਸਬੰਧੀ ਨਿਯਮਾਂ ਅਧੀਨ ਆਉਂਦੀ ਹੈ, ਇਸ ਲਈ ਡਰਾਈਵਰਾਂ ਨੂੰ ਲੋੜੀਂਦੀ ਸਿਖਲਾਈ ਅਤੇ ਐਚਏਜ਼ੈਡ ਕਾਰਗੋ ਲਾਇਸੰਸ ਪ੍ਰਾਪਤ ਕਰਨ ਵਾਲੇ ਟਰੱਕਾਂ ਨੂੰ ਹੀ ਚਲਾਉਣ ਦੀ ਆਗਿਆ ਹੁੰਦੀ ਹੈ। ਸਿਖਲਾਈ ਮੋਡੀਊਲ ਨੂੰ ਐਨਐਸਡੀਸੀ ਅਤੇ ਐਲਐਸਐਸਸੀ ਦੁਆਰਾ ਅੰਗਰੇਜ਼ੀ ਅਤੇ ਹਿੰਦੀ ਅਤੇ 20 ਮਾਸਟਰ ਟ੍ਰੇਨਰਾਂ ਦੀ ਪਛਾਣ ਵਿੱਚ ਵਿਕਸਤ ਕੀਤਾ ਗਿਆ ਹੈ। ਗੈਰ-ਸਰਗਰਮ ਡਰਾਈਵਰਾਂ ਲਈ ਔਨਲਾਈਨ ਰਿਫਰੈਸ਼ਰ ਕੋਰਸ ਚਲਾਏ ਗਏ ਹਨ ਜੋ ਕਿ ਐਚਏਜ਼ੈੱਡ ਕੈਮੀਕਲ ਨੂੰ ਸੰਭਾਲਣ ਦੀ ਸਿਖਲਾਈ ਦਿੰਦੇ ਹਨ। ਆਕਸੀਜਨ ਪਲਾਂਟਾਂ ਦੇ ਨਾਲ ਡਰਾਈਵਰਾਂ ਦੀ ਸਰੀਰਕ ਸਿਖਲਾਈ ਪ੍ਰੋਗਰਾਮ ਆਯੋਜਿਤ ਕਰਨ ਲਈ 73 ਸਥਾਨਾਂ ਦੀ ਪਛਾਣ ਕੀਤੀ ਗਈ ਹੈ।  

ਆਕਸੀਜਨ ਦਾ ਭੰਡਾਰ ਵਧਾਉਣਾ - ਕ੍ਰਾਇਓਜੈਨਿਕ ਟੈਂਕ

ਹਸਪਤਾਲ ਵਿੱਚ ਆਕਸੀਜਨ ਨੂੰ ਸਟੋਰ ਕਰਨ ਲਈ ਕ੍ਰਾਇਓਜੇਨਿਕ ਟੈਂਕਾਂ ਦੀ ਗਿਣਤੀ ਮਾਰਚ 2020 ਤੋਂ 609 ਤੋਂ ਵੱਧ ਕੇ 901 ਹੋ ਗਈ ਹੈ। ਮੈਡੀਕਲ ਆਕਸੀਜਨ ਸਿਲੰਡਰ ਦੀ ਉਪਲਬਧਤਾ ਮਾਰਚ 2020 ਵਿੱਚ 4.35 ਲੱਖ ਤੋਂ ਵਧ ਕੇ 2 ਮਈ ਵਿੱਚ 11.19 ਲੱਖ ਹੋ ਗਈ ਹੈ। ਮੰਗ ਵਿੱਚ ਅਨੁਮਾਨਤ ਵਾਧੇ ਮੁਤਾਬਕ 3.35 ਲੱਖ ਵਾਧੂ ਸਿਲੰਡਰ ਖਰੀਦੇ ਜਾ ਰਹੇ ਹਨ। 21.04.21 ਨੂੰ 1,27,000 ਵਾਧੂ ਸਿਲੰਡਰਾਂ ਲਈ ਆਰਡਰ ਦਿੱਤੇ ਗਏ ਹਨ। ਡੀਆਰਡੀਓ ਪ੍ਰਧਾਨ ਮੰਤਰੀ ਕੇਅਰਜ਼ ਫੰਡ ਅਧੀਨ 10,00,000 ਐਨਆਰਐਮ ਵਾਲਵ ਖਰੀਦ ਰਿਹਾ ਹੈ - ਇਹ ਯੰਤਰ ਨਿਕਾਸ ਦੇ ਦੌਰਾਨ ਸਪਲਾਈ ਬੰਦ ਕਰਕੇ ਆਕਸੀਜਨ ਦੀ ਬਰਬਾਦੀ ਨੂੰ ਘਟਾਏਗਾ।

ਨਾਜ਼ੁਕ ਸਪਲਾਈ ਦੀ ਖਰੀਦ ਵਿੱਚ ਤੇਜ਼ੀ ਲਿਆਉਣ ਦੇ ਉਪਾਅ

ਕੋਵਿਡ ਪ੍ਰਬੰਧਨ ਲਈ ਨਾਜ਼ੁਕ ਸਪਲਾਈ ਦੀ ਖਰੀਦ ਵਿੱਚ ਤੇਜ਼ੀ ਲਿਆਉਣ ਲਈ ਖਰੀਦ ਨੂੰ ਸਮਰੱਥ ਬਣਾਉਣ ਲਈ ਆਮ ਵਿੱਤੀ ਨਿਯਮ (ਜੀਐੱਫਆਰ) ਵਿੱਚ ਢਿੱਲ ਦਿੱਤੀ ਗਈ ਹੈ। ਵਧੇਰੇ ਭਾਗੀਦਾਰੀ ਅਤੇ ਤੇਜ਼ੀ ਨਾਲ ਖਰੀਦ ਨੂੰ ਸਮਰੱਥ ਕਰਨ ਲਈ ਸਾਰੇ ਪ੍ਰਤਿਬੰਧਿਤ ਪ੍ਰਬੰਧਾਂ ਨੂੰ ਹਟਾ ਦਿੱਤਾ ਗਿਆ ਹੈ। ਸਮੁੱਚੀ ਖਰੀਦ ਲਈ ਬੈਂਕ ਗਾਰੰਟੀ ਮੁਆਫ ਕਰ ਦਿੱਤੀ ਗਈ ਹੈ। ਨਾਜ਼ੁਕ ਕੋਵਿਡ ਖਰੀਦ ਲਈ ਪੇਸ਼ਗੀ ਦੀ 100%  ਅਦਾਇਗੀ ਨੂੰ ਪ੍ਰਵਾਨਗੀ ਦਿੱਤੀ ਗਈ ਹੈ। ਸੀਮਤ ਸਪਲਾਈ ਮਾਰਕੀਟ ਦੇ ਮਾਮਲੇ ਵਿੱਚ ਨਾਮਜ਼ਦਗੀ ਦੇ ਅਧਾਰ 'ਤੇ ਖਰੀਦ ਦੀ ਆਗਿਆ ਹੈ।

******

ਵਾਈਬੀ / ਐੱਸਐੱਸ