অপনবা পুম্নমক মাইয়োক্নদুনা অমসুং অনৌবা পাম্বৈশিং পুথোক্তুনা ইন্দিয়ন রেলৱেজনা লৈবাক অসিদা লৈরিবা তোঙান তোঙানবা রাজ্যশিংদা লিক্বিদ মেদিকেল ওক্সিজেন (এল.এম.ও.) দেলিভর তৌদুনা তেংবাং পীবগী খোঙচৎ মখা চত্থরি। হৌজিক ফাওবদা ইন্দিয়না রেলৱেজনা লৈবাক অসিগী তোঙান তোঙানবা রাজ্যশিংদা তেঙ্কর ২৯৫দা এল.এম.ও.গী এম.তি. ৪৭০০ হেন্না দেলিভর তৌখ্রে।

ঙরাং ওক্সিজেন এক্সপ্রেসশিংনা এল.এম.ও.গী এম.তি. ৮৩১ দেলিভর তৌবগী রেকোর্দ থমখি, মসি নোংমা খক্তদা থমখিবা রেকোর্দ অমনি।

হৌজিক ফাওবদা ওক্সিজেন এক্সপ্রেস ৭৫না মখোয়গী খোঙচৎ মপুং ফানা লোইশিনখ্রে।

মথৌ তারিবা রাজ্যশিংদা অতেনবা মতমগী মনুংদা য়ারিবা মখৈ এল.এম.ও. দেলিভর তৌবা ইন্দিয়ন রেলৱেজকী থৌদাংনি।

রিলিজ অসি থোকপা মতম ফাওবদা মহারাস্ত্রদা এম.তি. ২৯৩, য়ু.পি.দা এম.তি. ১৩৩৪, এম.পি.দা এম.তি. ৩০৬, হরিয়ানাদা এম.তি. ৫৯৮, তেলঙ্গনাদা এম.তি. ১২৩, রাজস্থানদা এম.তি. ৪০ অমসুং দিল্লীদা এম.তি. ২০১১ থাখ্রে।

কর্নাতক্কী অহানবা ওক্সিজেন এক্সপ্রেসসু ঝার্খন্দগী তাতানগরদগী খোঙশানবা হৌখ্রে অমসুং ওক্সিজেন এম.তি. ১২০গা লোইননা বেঙ্গলুরু তম্না লাকপগী লম্বীদা লৈরি।

অনৌবা ওক্সিজেন পুবগী থবক অসি য়াম্না দাইনামিক ওই অমসুং মশিং অসি মতম পুম্বদা অপদেৎ তৌরি। নুমিদাং অথেংবদা অহেনবা লোদ তৌরবা ওক্সিজেন এক্সপ্রেস কয়ানা মখোয়গী খোঙচৎ হৌরবা য়াই।

****