تمام رکاوٹوں پر قابو پاتے ہوئے اور نئے حل تلاش کرتے ہوئے ہندوستانی ریلوے ملک کی مختلف ریاستوں کو رقیق طبی آکسیجن پہنچا کر راحت لانے کا اپنا سفر جاری رکھے ہوئے ہے۔ اب تک ریلوے نے ملک بھر کی مختلف ریاستوں کو 295 سے زیادہ ٹینکروں میں تقریباً 4700 میٹرک ٹن رقیق طبی آکسیجن ایل ایم او پہنچائی ہے۔

کل آکسیجن ایکسپریس نے صرف ایک دن میں 831 میٹرک ٹن ایل ایم او پہنچائی جو ایک ریکارڈ ہے۔ 75 آکسیجن ایکسپریس اب تک اپنے سفر پہلے ہی مکمل کرچکی ہیں۔

یہ ہندوستانی ریلوے کی کوشش ہے کہ درخواست کرنے والی ریاستوں کو کم سے کم وقت میں زیادہ سے زیادہ رقیق طبی آکسیجن پہنچائی جائے۔

اس ریلیز کے تیار ہونے کے وقت تک مہاراشٹر کو 293 میٹرک ٹن رقیق طبی آکسیجن پہنچائی گئی۔اترپردیش کو 1334 میٹرک ٹن، مدھیہ پردیش کو 306 میٹرک ٹن، ہریانہ کو 598 میٹرک ٹن، تلنگانہ میں 123 میٹرک ٹن، راجستھان میں 40 میٹرک ٹن اور دلی میں 2011 میٹرک ٹن رقیق طبی آکسیجن پہنچائی۔

کرناٹک کے لئے پہلی آکسیجن ایکسپریس نے بھی جھارکھنڈ میں ٹاٹا نگر سے اپنا سفر شروع کردیا ہے اور وہ 120 میٹرک ٹن آکسیجن کے ساتھ بنگلورو کے لئے چل پڑی ہے۔

نئی آکسیجن ایکسپریس چلانا ایک بہت زبردست اور مثبت قدم ہے۔ توقع ہے کہ مزید لوڈیڈ آکسیجن ایکسپریس رات دیر میں اپنا سفر شروع کردیں گی۔

...............................................................

   ش ح،ح ا، ع ر

10-05-2021

                                                                                                                U-4356