కొవిడ్-19 కేసుల పెరుగుదల దృష్ట్యా వాణిజ్యం & పరిశ్రమ ఎదుర్కొంటున్న సమస్యలను, ఇబ్బందులను వేగంగా పరిశీలించి పరిష్కరించడానికి వాణిజ్య శాఖలోని డైరెక్టరేట్ జనరల్ ఆఫ్ ఫారిన్ ట్రేడ్ (డిజిఎఫ్‌టి) 'కోవిడ్ -19 హెల్ప్‌డెస్క్'ను ప్రారంభించింది. 26.04.2021నుండి ఇది ఎగుమతుల్లో ఎదురవుతున్న ఇబ్బందుల గురించి సమాచారాన్ని సేకరించడం ప్రారంభించింది.

వాణిజ్య విభాగం / డిజిఎఫ్‌టికి చెందిన పలు ఆంశాలు, దిగుమతి మరియు ఎగుమతి లైసెన్సింగ్ సమస్యలు, కస్టమ్స్ క్లియరెన్స్ ఆలస్యం మరియు దానిపై తలెత్తే సంక్లిష్టతలు, దిగుమతి / ఎగుమతి డాక్యుమెంటేషన్ సమస్యలు, బ్యాంకింగ్ వ్యవహారాలు, రవాణా / పోర్ట్ హ్యాండ్లింగ్ / షిప్పింగ్ / ఎయిర్ మూవ్మెంట్ సమస్యలు మరియు ఎగుమతులకు అవసరమైన మానవవనరుల లభ్యతకు సంబంధించిన వివిధ సమస్యలు యూనిట్లు మొదలైనవి హెల్ప్‌డెస్క్ చేత పరిశీలించబడుతున్నాయి. కేంద్ర ప్రభుత్వ మరియు రాష్ట్ర ప్రభుత్వాల ఇతర మంత్రిత్వ శాఖలు / విభాగాలు / ఏజెన్సీలకు సంబంధించిన వాణిజ్య సంబంధిత సమస్యలు మరియు సంబంధిత ఏజెన్సీలతో పరిష్కారం కోసం ఇవి కృషి చేస్తున్నాయి.

మద్దతు కోసం హెల్ప్‌డెస్క్ ద్వారా గుర్తించబడిన ప్రధాన ఆంశాలు:

* ఆక్సిజన్ కాన్సన్‌ట్రేటర్లు / ఆక్సిమీటర్లు / కోవిడ్ సంబంధిత వైద్య పరికరాల దిగుమతి - నిబంధనలు & సడలింపులు అభ్యర్థించబడ్డాయి;
లైసెన్స్ ప్రోత్సాహకాలకు సంబంధించిన అప్లికేషన్ స్థితి;
* బ్యాంకింగ్ సంబంధిత సమస్యలు - ఆర్బిఐ ఇడిపిఎంఎస్ వ్యవస్థలో షిప్పింగ్ బిల్లులు ప్రతిబింబించవు.
* కస్టమ్స్ క్లియరెన్స్ సమస్యలు
* డాక్యుమెంటేషన్ సమస్యలు
* ఎగుమతి బాధ్యత పొడిగింపు
* రవాణా / పోర్ట్ నిర్వహణ / షిప్పింగ్ / వాయు రవాణా

మద్దతు, విధాన స్పష్టత మరియు సడలింపు మొదలైనవి కోరుతూ 15 రోజుల వ్యవధిలో 163 అభ్యర్థనలు వచ్చాయి, వాటిలో 78 పూర్తిగా పరిష్కరించబడ్డాయి. ఈ కాలంలో సమన్వయం / పరిష్కరించబడిన ప్రధాన సమస్యలు:

* 6 మే 2021 న, ఆక్సిజన్ సిలిండర్లు మరియు క్రయోజెనిక్ ట్యాంకర్లు / కంటైనర్లను దిగుమతి చేసుకోవడానికి రిజిస్ట్రేషన్ మరియు ఆమోదాలను మంజూరు చేయడానికి ముందు గ్లోబల్ తయారీదారుల ఉత్పత్తి సౌకర్యాల భౌతిక తనిఖీని నిర్వహించకుండా ఆన్‌లైన్ రిజిస్ట్రేషన్లను సరళీకృతం చేయడం ద్వారా దిగుమతుల నమోదుకు నిబంధనలను పెసో సడలించింది;

* భారతదేశానికి ఆక్సిజన్ సిలిండర్ల దిగుమతి కోసం తప్పనిసరి బిఐఎస్‌ మరియు ఎస్‌ఐఎంఎస్‌ అవసరాల జారీ. ఇది సమ్మతి భారాన్ని తగ్గిస్తుంది మరియు సిమ్స్ రిజిస్ట్రేషన్ కోసం చెల్లించాల్సిన ఫీజులను రద్దుచేస్తుంది;

* ఎగుమతిదారులు ఎఫ్‌టిపి కింద ప్రయోజనాలను పొందడం కోసం వారి డేటాను అప్‌డేట్ చేసుకోగలిగేలా ఆర్‌బిఐ-ఇడిపిఎంఎస్ విధానంలో ప్రతిబింబించని షిప్పింగ్ బిల్లులకు సంబంధించి ఆర్‌బిఐ సమస్యను డిజిఎఫ్‌టి తీసుకుంది;

* పారిశ్రామిక కార్యకలాపాల కోసం ఆక్సిజన్ సరఫరాను కేటాయించమని కొన్ని పరిశ్రమల అభ్యర్థన మరియు ఆక్సిజన్ తయారీ కర్మాగారాన్ని స్థాపించడానికి రాయితీలు కోరిన మద్దతుకు సంబంధించి డిజిఎఫ్‌టి డిపిఐఐటితో కలిసి సమస్యను చేపట్టింది;

* వస్త్ర తయారీ పరిశ్రమను ప్రభావితం చేసే కర్ణాటకలో లాక్డౌన్ సమస్యను డిజిఎఫ్టి విజయవంతంగా పరిష్కరించింది.

పరిశ్రమ మద్దతు కోసం కోవిడ్ 19 హెల్ప్‌డెస్క్‌ను సంప్రదించవచ్చు మరియు వారి సమస్యలను డిజిఎఫ్‌టి వెబ్‌సైట్‌లో (https://dgft.gov.in) నమోదు చేయవచ్చు లేదా dgftedi[at]nic[dot]in లో ఈమెయిల్ చేయవచ్చు. ఇతర మంత్రిత్వ శాఖలు / విభాగాలు మరియు రాష్ట్ర ప్రభుత్వాలు / యుటిలతో ప్రాధాన్యత పొందిన అన్ని విషయాలను చేపట్టడానికి వాణిజ్య శాఖ కట్టుబడి ఉంది.

***