नवी दिल्‍ली, 10 मे 2021

कोविड -19 रुग्णांमधील वाढ लक्षात घेऊन  वाणिज्य विभागातील परराष्ट्र व्यापार महासंचालनालयाच्या 'कोविड -19  हेल्पडेस्क'ने 26.04.2021 पासून निर्यातदार समुदायांना भेडसावणाऱ्या समस्यांबाबत माहिती संकलित करायला सुरुवात केली आहे, जेणेकरून  व्यापार आणि उद्योगांना सामोरे जावे लागत असलेल्या समस्यांवर त्वरेने तोडगा काढता येईल.

वाणिज्य विभाग / डीजीएफटीशी संबंधित विविध समस्या, आयात व निर्यात परवाना समस्या, सीमाशुल्क विभागाकडून मंजुरीला विलंब आणि त्यातून  उद्भवणाऱ्या अडचणी,  आयात / निर्यात दस्तऐवजीकरण समस्या , बँकिंग बाबी, वाहतूक / बंदर हाताळणी / नौवहन / हवाई वाहतुकीच्या समस्या  आणि निर्यात वस्तूंचे कारखाने चालवण्यासाठी मनुष्यबळाची उपलब्धता या प्रमुख क्षेत्रांची हेल्पडेस्ककडून  तपासणी केली जात आहे. केंद्र सरकार आणि राज्य सरकारांची  इतर मंत्रालये / विभाग / संस्थांसंदर्भात व्यापाराशी संबंधित समस्यांची पडताळणी केली जात आहे आणि संबंधित संस्थांसोबत त्यावर  तोडगा काढला जात आहे.

हेल्पडेस्कद्वारे मदतीसाठी निश्चित केलेल्या प्रमुख क्षेत्रांमध्ये खालील गोष्टींचा समावेश आहे –

• ऑक्सिजन कॉन्सेन्ट्रेटर / ऑक्सिमीटर / कोविड संबंधित वैद्यकीय उपकरणांची  आयात - नियमन  आणि शिथिलतेसाठी विनंती करण्यात आली
• परवाने संदर्भातील आवेदन स्थिती;
• बँकिंग संबंधित समस्या - शिपिंग बिले आरबीआय ईडीपीएमएस प्रणालीमध्ये दिसून येत नाहीत.
• सीमा शुल्क विभागाकडून मंजुरी समस्या
• दस्तऐवजीकरण समस्या
• निर्यात बंधन विस्तार
• वाहतूक/ बंदर  हाताळणी / नौवहन  / हवाई वाहतूक
• 15 दिवसांच्या कालावधीत, समर्थन, धोरण स्पष्टता आणि शिथिलतेची मागणी करणाऱ्या  163 विनंत्या प्राप्त झाल्या आहेत, त्यापैकी 78 चे पूर्ण निराकरण झाले आहे. या कालावधीत समन्वय / निराकरण झालेल्या मुख्य समस्यांमध्ये पुढील बाबींचा समावेश होता –
• 6 मे 2021 रोजी, पीईएसओ ने ऑक्सिजन सिलिंडर्स  आणि क्रायोजेनिक टँकर्स  / कंटेनर्सची आयात करायला मंजुरी  देण्यापूर्वी जागतिक उत्पादकांच्या उत्पादन सुविधांच्या  प्रत्यक्ष  तपासणी न करता  ऑनलाइन नोंदणी सुलभ करून आयातीच्या नोंदणीसाठी निकष शिथिल केले आहेत ;
• भारतात ऑक्सिजन सिलिंडर्स आयात करण्यासाठी  बीआयएस आणि एसआयएमएसच्या आवश्यकतेचा  मुद्दा. यामुळे अनुपालन ओझे कमी होईल आणि एसआयएमएस नोंदणीसाठी द्यावे लागणारे शुल्क माफ होईल
• एफटीपीअंतर्गत लाभ मिळवण्यासाठी निर्यातदारांना त्यांचा  डेटा अद्ययावत करता यावा  यासाठी आरबीआय-ईडीपीएमएस प्रणालीमध्ये प्रतिबिंबित न होणाऱ्या शिपिंग बिलांचा मुद्दा  डीजीएफटीने आरबीआयसमोर उपस्थित केला.
• औद्योगिक उपक्रमांसाठी ऑक्सिजन पुरवठा करण्याची काही उद्योगांची विनंती आणि ऑक्सिजन निर्मिती संयंत्र स्थापनेसाठी अनुदान देण्याच्या मागणीचा मुद्दा डीजीएफटीने डीपीआयआयटीकडे उपस्थित केला;
• कापड निर्मिती उद्योगावर परिणाम करणाऱ्या कर्नाटकातील लॉकडाऊनच्या समस्येचे  डीजीएफटीने यशस्वीपणे निराकरण केले

उद्योग मदतीसाठी कोविड-19 हेल्पडेस्कशी संपर्क साधू शकतात आणि त्यांच्या समस्या डीजीएफटी संकेतस्थळावर (https://dgft.gov.in) किंवा dgftedi[at]nic[dot]in वर ईमेलने   पाठवू  शकतात. प्राधान्याने प्राप्त या सर्व बाबी वाणिज्य विभाग इतर सर्व मंत्रालये / विभाग आणि राज्य सरकारे / केंद्रशासित प्रदेशांसमोर मांडण्यासाठी  वचनबद्ध आहे.

* * *

S.Tupe/S.Kane/D.Rane

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com