ਭਾਰਤੀ ਹਵਾਈ ਸੈਨਾ (ਆਈਏਐਫ) ਅਤੇ ਜਲ ਸੈਨਾ (ਆਈਏਐਨ)  ਨੇ  ਕੋਵਿਡ-19 ਦੀ ਮੌਜੂਦਾ ਸਥਿਤੀ ਨਾਲ ਨਜਿੱਠਣ ਵਿਚ ਨਾਗਰਿਕ ਪ੍ਰਸ਼ਾਸਨ ਨੂੰ ਸਹਾਇਤਾ ਦੇਣ ਦੀਆਂ ਆਪਣੀਆਂ ਕੋਸ਼ਿਸ਼ਾਂ ਨੂੰ ਆਕਸੀਜਨ ਕੰਟੇਨਰਾਂ ਅਤੇ ਮੈਡਿਕਲ ਉਪਕਰਣਾਂ ਦੀ ਢੋਆ ਢੁਆਈ ਰਾਹੀਂ ਤੇਜ਼ ਕਰ ਦਿੱਤਾ ਹੈ। 7 ਮਈ, 2021 ਨੂੰ ਭਾਰਤੀ ਹਵਾਈ ਫੌਜ ਨੇ 252 ਆਕਸੀਜਨ ਟੈਂਕਰਾਂ ਨੂੰ ਹਵਾਈ ਰਸਤੇ ਲਿਜਾਣ ਸਮੇਤ 400 ਉਡਾਨਾਂ ਦੇਸ਼ ਅੰਦਰ ਸੰਚਾਲਤ ਕੀਤੀਆਂ ਅਤੇ 4,904 ਮੀਟ੍ਰਿਕ ਟਨ ਦੀ ਕੁਲ ਸਮਰੱਥਾ ਦੇ ਆਕਸੀਜਨ ਟੈਂਕਰ ਮੰਜ਼ਿਲ ਤੇ ਪਹੁੰਚਾਏ। ਜਿਨਾਂ ਸ਼ਹਿਰਾਂ ਨੂੰ ਇਨ੍ਹਾਂ ਉਡਾਨਾਂ ਰਾਹੀਂ ਕਵਰ ਕੀਤਾ ਗਿਆ ਉਨ੍ਹਾਂ ਵਿਚ ਜਾਮਨਗਰ, ਭੋਪਾਲ, ਚੰਡੀਗੜ੍ਹ, ਪਾਨਗੜ੍ਹ , ਇੰਦੌਰ, ਰਾਂਚੀ, ਆਗਰਾ, ਜੋਧੁਪੁਰ,  ਬੇਗਮਪੈਟ, ਭੁਵਨੇਸ਼ਵਰ, ਪੁਣੇ, ਸੂਰਤ, ਰਾਏਪੁਰ, ਉਦੇਪੁਰ, ਮੁੰਬਈ, ਲਖਨਊ, ਨਾਗਪੁਰ, ਗਵਾਲੀਅਰ, ਵਿਜੇਵਾੜਾ, ਬੜੌਦਾ, ਦੀਮਾਪੁਰ ਅਤੇ ਹਿੰਡਨ ਸ਼ਾਮਿਲ ਹਨ।

ਆਈਏਐਫ ਦੇ ਹਵਾਈ ਜਹਾਜ਼ ਨੇ 1,252 ਖਾਲੀ ਆਕਸੀਜਨ ਸਿਲੰਡਰਾਂ ਸਮੇਤ 1,233 ਮੀਟ੍ਰਿਕ ਟਨ ਦੇ 72 ਕ੍ਰਾਇਓਜੈਨਿਕ ਆਕਸੀਜਨ ਸਟੋਰੇਜ ਕੰਟੇਨਰਾਂ ਨੂੰ ਹਵਾਈ ਰਸਤਿਆਂ ਰਾਹੀਂ ਲਿਆਉਣ ਲਈ 59 ਅੰਤਰਰਾਸ਼ਟਰੀ ਉਡਾਨਾਂ ਵੀ ਸੰਚਾਲਤ ਕੀਤੀਆਂ। ਕੰਟੇਨਰ ਅਤੇ ਸਿਲੰਡਰ ਸਿੰਗਾਪੁਰ, ਦੁਬਈ, ਬੈਂਕਾਕ, ਇੰਗਲੈਂਡ, ਜਰਮਨੀ, ਬੈਲਜੀਅਮ ਅਤੇ ਆਸਟ੍ਰੇਲੀਆ ਤੋਂ ਪ੍ਰਾਪਤ ਕੀਤੇ ਗਏ ਸਨ। ਇਸ ਤੋਂ ਇਲਾਵਾ ਸੀ-17 ਅਤੇ ਆਈਐਲ-76 ਹਵਾਈ ਜਹਾਜ਼ਾਂ ਨੇ ਇਜ਼ਰਾਈਲ ਅਤੇ ਸਿੰਗਾਪੁਰ ਤੋਂ ਕ੍ਰਾਇਓਜੈਨਿਕ ਆਕਸੀਜਨ ਕੰਟੇਨਰਾਂ, ਆਕਸੀਜਨ ਜੈਨਰੇਟਰਾਂ ਅਤੇ ਵੈਂਟੀਲੇਟਰਾਂ ਨੂੰ ਹਵਾਈ ਰਸਤੇ ਰਾਹੀਂ ਲਿਆਉਣ ਦਾ ਕੰਮ ਕੀਤਾ।

ਭਾਰਤੀ ਜਲ ਸੈਨਾ ਨੇ ਆਪਣੇ ਸਮੁਦਰੀ ਜਹਾਜ਼ਾਂ ਆਈਐਨਐਸ ਤਲਵਾਰ, ਆਈਐਨਐਸ ਕੋਲਕਾਤਾ, ਆਈਐਨਐਸ ਐਰਾਵਤ, ਆਈਐਨਐਸ ਕੋਚੀ, ਆਈਐਨਐਸ ਤਬਾਰ, ਆਈਐਨਐਸ ਤ੍ਰਿਕੰਡ, ਆਈਐਨਐਸ ਜਲਾਸ਼ਵ ਅਤੇ ਆਈਐਨਐਸ ਸ਼ਰਦੂਲ ਨੂੰ ਮਿੱਤਰ ਵਿਦੇਸ਼ੀ ਮੁਲਕਾਂ ਤੋਂ ਆਕਸੀਜਨ ਕੰਟੇਨਰ, ਸਿਲੰਡਰ ਕੰਸੈਂਟੇਟਰਾਂ ਅਤੇ ਸੰਬੰਧਤ ਉਪਕਰਣਾਂ ਦੀ ਢੋਆ ਢੁਆਈ ਲਈ ਤਾਇਨਾਤ ਕੀਤਾ ਹੈ। ਵੇਰਵੇ ਹੇਠ ਲਿਖੇ ਅਨੁਸਾਰ ਹਨ -

  ਆਕਸੀਜਨ ਕੰਟੇਨਰਾਂ ਅਤੇ ਹੋਰ ਮੈਡਿਕਲ ਸਪਲਾਈਆਂ ਦੀ ਲੋਡਿੰਗ ਦੀ ਯੋਜਨਾ ਵੀ ਆਉਣ ਵਾਲੇ ਦਿਨਾਂ ਵਿੱਚ ਦੋਹਾ, ਕੁਵੈਤ ਅਤੇ ਬਰੂਨੀ ਦੇ ਮੌਰਾ ਤੋਂ  ਆਈਐਨਐਸ ਤਰਕਸ਼, ਆਈਐਨਐਸ ਸ਼ਰਦੂਲ ਅਤੇ ਆਈਐਨਐਸ ਜਲਾਸ਼ਵ ਤੇ ਲੜੀਵਾਰ ਕੀਤੀ ਗਈ ਹੈ।

 ----------------------------------- 

ਏਬੀਬੀ/ ਨੈਂਪੀ /ਕੇਏ /ਡੀਕੇ /ਸੈਵੀ /ਏਡੀਏ