ਇੱਕ ਵਿਸ਼ੇਸ਼ ਪ੍ਰਬੰਧ ਦੇ ਤੌਰ ਤੇ, ਵਿੱਤ ਮੰਤਰਾਲੇ ਨੇ ਗ੍ਰਹਿ ਮੰਤਰਾਲੇ ਦੀ ਸਿਫਾਰਸ਼ ਤੇ ਵਿੱਤੀ ਮੰਤਰਾਲੇ ਦੇ ਖਰਚਾ ਵਿਭਾਗ ਨੇ ਰਾਜਾਂ ਨੂੰ ਸਾਲ 2021-22 ਲਈ ਰਾਜ ਆਫ਼ਤ  ਰਾਹਤ  ਫੰਡ (ਐਸਡੀਆਰਐਫ) ਦੇ ਕੇਂਦਰੀ ਹਿੱਸੇ ਦੀ ਪਹਿਲੀ ਕਿਸ਼ਤ ਨਾਰਮਲ ਸ਼ਡਿਊਲ ਤੋਂ ਪਹਿਲਾਂ ਅਡਵਾਂਸ ਵਿੱਚ ਜਾਰੀ ਕਰ ਦਿੱਤੀ ਹੈ। ਰਾਜਾਂ ਨੂੰ 8737.6 ਕਰੋੜ ਰੁਪਏ ਦੀ ਰਾਸ਼ੀ ਜਾਰੀ ਕੀਤੀ ਗਈ ਹੈ।

ਆਮ ਤੌਰ 'ਤੇ, ਵਿੱਤ ਕਮਿਸ਼ਨ ਦੀਆਂ ਸਿਫਾਰਸ਼ਾਂ ਅਨੁਸਾਰ ਐਸਡੀਆਰਐਫ ਦੀ ਪਹਿਲੀ ਕਿਸ਼ਤ ਜੂਨ ਮਹੀਨੇ ਵਿੱਚ ਜਾਰੀ ਕੀਤੀ ਜਾਂਦੀ ਹੈ। ਹਾਲਾਂਕਿ, ਆਮ ਪ੍ਰਕਿਰਿਆ ਵਿਚ ਢਿੱਲ ਦੇ ਨਾਲ, ਨਾ ਸਿਰਫ ਐਸਡੀਆਰਐਫ ਅਡਵਾਂਸ ਵਿੱਚ ਜਾਰੀ ਕੀਤਾ ਗਿਆ ਹੈ ਬਲਕਿ ਪਿਛਲੇ ਵਿੱਤੀ ਵਰ੍ਹੇ ਵਿਚ ਰਾਜਾਂ ਨੂੰ ਪ੍ਰਦਾਨ ਕੀਤੀ ਗਈ ਰਕਮ ਦੀ ਵਰਤੋਂ ਸਰਟੀਫਿਕੇਟ ਦੀ ਉਡੀਕ ਕੀਤੇ ਬਗੈਰ ਵੀ, ਇਹ ਰਕਮ ਜਾਰੀ ਕੀਤੀ ਗਈ ਹੈ। ਜਾਰੀ ਕੀਤੀ ਗਈ ਰਕਮ ਦੇ 50% ਤੱਕ ਅਰਥਾਤ 4436..8 ਕਰੋੜ ਰੁਪਏ ਦੀ ਰਕਮ ਰਾਜਾਂ ਵੱਲੋਂ ਕੋਵਿਡ-19 ਦੇ ਰੋਕਥਾਮ ਉਪਾਵਾਂ ਲਈ ਵੀ ਵਰਤੀ ਜਾ ਸਕਦੀ ਹੈ। 

ਐਸਡੀਆਰਐਫ ਤੋਂ ਪ੍ਰਾਪਤ ਹੋਈ ਰਾਸ਼ੀ ਰਾਜਾਂ ਵੱਲੋਂ ਕੋਵਿਡ-19 ਦੀ ਰੋਕਥਾਮ ਨਾਲ ਜੁੜੇ ਵੱਖ-ਵੱਖ ਉਪਾਵਾਂ ਲਈ ਵਰਤੀ ਜਾ ਸਕਦੀ ਹੈ ਜਿਸ ਵਿੱਚ ਹਸਪਤਾਲਾਂ, ਵੈਂਟੀਲੇਟਰਾਂ, ਏਅਰ ਪਿਉਰੀਫਾਇਰਜ਼, ਐਂਬੂਲੈਂਸ ਸੇਵਾਵਾਂ ਨੂੰ ਮਜ਼ਬੂਤ ਕਰਨ, ਕੋਵਿਡ -19 ਹਸਪਤਾਲਾਂ, ਕੋਵਿਡ ਕੇਅਰ ਸੈਂਟਰਾਂ ਵਿੱਚ ਆਕਸੀਜਨ ਪੈਦਾ ਕਰਨ ਅਤੇ ਸਟੋਰੇਜ ਪਲਾਂਟਾਂ ਦੀ ਲਾਗਤ ਨੂੰ ਪੂਰਾ ਕਰਨ, ਖਪਤਯੋਗ ਵਸਤਾਂ, ਥਰਮਲ ਸਕੈਨਰਾਂ, ਨਿੱਜੀ ਸੁਰੱਖਿਆ ਉਪਕਰਣਾਂ, ਟੈਸਟਿੰਗ ਲੈਬਾਰਟਰੀਆਂ, ਟੈਸਟਿੰਗ ਕਿੱਟਾਂ, ਕੰਟੇਨਮੈਂਟ ਜ਼ੋਨ ਆਦਿ ਦੇ ਖਰਚੇ ਵੀ ਸ਼ਾਮਲ ਹਨ। 

-------------------------------------------------

 ਆਰ ਐਮ/ਐਮ ਵੀ/ਕੇ ਐਮ ਐਨ