শেল-থুম মন্ত্রালয়
স্তেৎ দিজাস্তর রেস্পোন্স ফন্দ (এস.দি.আর.এফ.)গী লুপা করোর ৮৮৭৩.৬কী অহানবা ইনস্তোলমেন্ত মাংজৌননা থাদোকখ্রে
এস.দি.আর.এফ.কী শেনফমগী চাদা ৫০ ফাওবা রাজ্যশিংনা কোবিদ-১৯ লাকশিন্নবা থৌরাংশিংদা শিজিন্নবা য়াগনি
থাগৎখিবা:
01 MAY 2021 8:55AM by PIB Imphal
হোম এফিয়র্সকী অয়াবগী মতুং ইন্না শেলথুম মন্ত্রালয়গী দিপার্তমেন্ত ওফ এক্সপেন্দিচরনা স্পেসিএল দিস্পেনসেসন অমা ওইনা রাজ্য পুম্নমক্তা ২০২১-২২গী চহিগী ওইনা স্তেৎ দিজাস্তর রেস্পোন্স ফন্দ (এস.দি.আর.এফ.)কী কেন্দ্রগী সিয়রগী অহানবা ইনস্তোলমেন্ত অদু মহৌশানা লেপ্পা মতমদগী মাংজৌননা থাদোকখ্রে। রাজ্যশিংদা লুপা করোর ৮৮৭৩.৬কী শেনফম অমা থাদোকখ্রে।
মহৌশানা, ফাইনান্স কম্মিসনগী অয়াবশিংগী মতুং ইন্না এস.দি.আর.এফ.গী অহানবা ইনস্তোলমেন্ত অসি জুন থাদা থাদোকই। অদুম ওইনমক মহৌশাগী ওইনা লৈরিবা প্রোসিজর অদু কোমথোক্লদুনা মাংজৌননা এস.দি.আর.এফ. থাদোকপদা নত্তনা হৌখিবা শেনবা চহিদা রাজ্যশিংদা পীখিবা শেনফম অসিগী য়ুতিলাইজেসন সর্তিফিকেৎ ঙাইবা তৌদনা শেনফম অসিসু থাদোকখিবনি। শেনফম অসিগী চাদা ৫০ ফাওবা হায়বদি লুপা করোর ৪৪৩৬.৮ অসি রাজ্যশিংনা কোবিদ-১৯ লাকশিন্নবা থৌরাংশিংদা শিজিন্নবা য়াগনি।
এস.দি.আর.এফ.কী ফন্দশিং অসি রাজ্যশিংনা ওক্সিজেন পুথোকপা অমসুং হোস্পিতালশিংদা লৈরিবা স্তোরেজ প্লান্তশিং, ভেন্তিলেতরশিং, এয়র প্যুরিফাইয়রশিংগী অচংবা শেল পীনবা, এম্ব্যুলেন্স সর্ভিসশিং মপাঙ্গল কনখৎহনবা, কোবিদ-১৯ হোস্পিতালশিং, কোবিদ কিয়র সেন্তরশিং, কঞ্জুমেবলশিং, থর্মেল স্কেন্নরশিং, পর্সনেল প্রোতেক্তিব ইক্বিপমেন্ত, তেস্তিং লেবোএতোরীশিং, তেস্তিং কিৎশিং, কন্তেনমেন্ত জোনশিংগী অৱাৎ অপা লৈনবা য়াওনা কোবিদ-১৯ লাকশিনবগা মরী লৈনবা তোঙান তোঙানবা থৌরাংশিংদা শিজিন্নবা য়াগনি।
****
(রিলিজ আই.দি.: 1715296)
ভিজিতর কাউন্তর : 291