કોવિડ-19 મહામારી સામેની જંગમાં ભારતે આજે એક મહત્વપૂર્ણ સીમાચિહ્ન પાર કર્યું છે. દેશમાં ચાલી રહેલી કોવિડ-19 રસીકરણ કવાયત અંતર્ગત કુલ આપવામાં આવેલા ડોઝનો આંકડો આજે 15 કરોડ કરતાં વધારે થઇ ગયો છે.

આજે સવારે 7 વાગ્યા સુધીના હંગામી અહેવાલ અનુસાર દેશમાં અત્યાર સુધીમાં 22,07,065 સત્રોનું આયોજન કરીને દેશમાં કુલ 15,00,20,648 રસીના ડોઝ આપવામાં આવ્યા છે. પ્રથમ ડોઝ લેનારા 93,67,520 HCWs અને બીજો ડોઝ લેનારા 61,47,918 HCWs આમાં સામેલ છે. આ ઉપરાંત, પ્રથમ ડોઝ લેનારા 1,23,19,903 FLWs અને બીજો ડોઝ લેનારા 66,12,789 FLWs છે, તેમજ 60 વર્ષથી વધુ ઉંમરના લાભાર્થીઓમાં પ્રથમ ડોઝ લેનારા 5,14,99,834 તેમજ બીજો ડોઝ લેનારા 98,92,380 અને 45 વર્ષથી 60 વર્ષની વચ્ચેના લાભાર્થીઓમાં પ્રથમ ડોઝ લેનારા 5,10,24,886 અને બીજો ડોઝ લેનારા 31,55,418 લાભાર્થીઓ સામેલ છે.

સમગ્ર દેશમાં આજદિન સુધીમાં આપવમાં આવેલા રસીના કુલ ડોઝમાંથી 67.18% ડોઝ દસ રાજ્યોમાં આપ્યા છે.

છેલ્લા 24 કલાકમાં દેશમાં રસીના 21 લાખ કરતાં વધારે ડોઝ આપવામાં આવ્યા છે.

દેશમાં કોવિડ વિરોધી રસીકરણ કવાયતના 103મા દિવસે (28 એપ્રિલ 2021ના રોજ) રસીના કુલ 21,93,281 ડોઝ આપવામાં આવ્યા હતા. આમાં, 20,944 સત્રોનું આયોજન કરીને 12,82,135 લાભાર્થીને પ્રથમ ડોઝ જ્યારે 9,11,146 લાભાર્થીને રસીનો બીજો ડોઝ આપવામાં આવ્યો હતો.

ભારતમાં આજદિન સુધીમાં કુલ સાજા થયેલા દર્દીઓની સંખ્યા આજે 1,50,86,878 સુધી પહોંચી ગઇ છે. રાષ્ટ્રીય સાજા થવાનો સરેરાશ દર 82.10% નોંધાયો છે.

છેલ્લા 24 કલાકમાં વધુ 2,69,507 દર્દીઓ સાજા થયા છે.

નવા સાજા થનારા 78.07% દર્દીઓ દસ રાજ્યોમાંથી છે.

છેલ્લા 24 કલાકમાં 3,79,257 નવા પોઝિટીવ દર્દીઓ નોંધાયા છે.

નવા પોઝિટીવ નોંધાયેલા 72.20% દર્દીઓ દસ રાજ્યો એટલે કે, મહારાષ્ટ્ર, ઉત્તરપ્રદેશ, દિલ્હી, કર્ણાટક, કેરળ, છત્તીસગઢ, પશ્ચિમ બંગાળ, તમિલનાડુ, આંધ્રપ્રદેશ અને રાજસ્થાનમાં છે.

દેશમાં એક દિવસમાં સર્વાધિક 63,309 નવા કેસ મહારાષ્ટ્રમાં નોંધાયા છે. તે પછી, 39,047 નવા કેસ સાથે કર્ણાટક અને 35,013 નવા કેસ સાથે કેરળનો ક્રમ આવે છે.

ભારતમાં કુલ સક્રિય કેસોનું ભારણ વધીને 30,84,814 સુધી પહોંચી ગયું છે. દેશમાં કુલ નોંધાયેલા પોઝિટીવ કેસોમાંથી સક્રિય કેસોનો આંકડો 16.79% થઇ ગયો છે. છેલ્લા 24 કલાકમાં ભારતમાં કુલ સક્રિય કેસોના ભારણમાં 1,06,105 દર્દીનો ચોખ્ખો વધારો થયો છે.

ભારતમાં કુલ સક્રિય કેસોમાંથી 78.26% દર્દીઓ અગિયાર રાજ્યોમાં છે.

રાષ્ટ્રીય મૃત્યુ દરમાં સતત ઘટાડો થઇ રહ્યો છે જે હાલમાં 1.11% છે.

દેશમાં 3,645 દર્દીઓ છેલ્લા 24 કલાકમાં મૃત્યુ પામ્યા છે.

નવા નોંધાયેલા મૃત્યુઆંકમાંથી 78.71% દર્દીઓ દર રાજ્યોમાંથી હતા. મહારાષ્ટ્રમાં એક દિવસમાં સૌથી વધુ મૃત્યુ (1,035) થયા છે. દિલ્હીમાં એક દિવસમાં 368 દર્દીનાં મૃત્યુ નોંધાયા છે.

છ રાજ્યો/કેન્દ્રશાસિત પ્રદેશોમાં છેલ્લા 24 કલાકમાં કોવિડ-19ના કારણે એકપણ દર્દીનું મૃત્યુ નોંધાયું નથી. આમાં, દમણ અને દીવ તેમજ દાદરા અને નગર હવેલી, લદાખ (કેન્દ્રશાસિત પ્રદેશ), લક્ષદ્વીપ, મિઝોરમ, ત્રિપુરા અને અરુણાચલ પ્રદેશ છે.

**********************************

SD/GP/JD/PC