సొంత వాహ‌నాల‌ను ఒక రాష్ట్రం నుంచి మ‌రో రాష్ర్టానికి మారిన స‌మ‌యంలో త‌ర‌లించుకుపోయే వారికి రీ రిజిస్ర్టేష‌న్ నిబంధ‌న‌లను రోడ్డు ర‌వాణా మంత్రిత్వ శాఖ స‌ర‌ళం చేసింది. వాహ‌న రిజిస్ర్టేష‌న్ కు ప‌లు పౌర స‌హాయ‌క చ‌ర్య‌లు, ఐటి ఆధారిత సొల్యూష‌న్లు తీసుకుంటున్ననేప‌థ్యంలో ఈ చ‌ర్య తీసుకున్నారు. వాస్త‌వానికి ఒక రాష్ట్రం నుంచి మ‌రో రాష్ర్టానికి నివాసం మారిన‌ప్పుడు వాహ‌నానికి సంబంధిత రాష్ట్రంలో రిజిస్ర్టేష‌న్ చేయిచ‌డం త‌ప్ప‌నిస‌రి అనే అంశం ఇప్ప‌టికీ ప్ర‌జ‌ల దృష్టిని ఆక‌ర్షించ‌క‌పోవ‌డం ప్ర‌ధానంగా గుర్తుంచుకోవాలి.

సాధార‌ణంగా ప్ర‌భుత్వ‌, ప్రైవేటు ఉద్యోగులు బ‌దిలీ అయిన‌ప్పుడు ఒక రాష్ట్రం నుంచి మ‌రో రాష్ర్టానికి నివాసం మార్చుకోవాల్సి ఉంటుంది. ఇలాంటి సంద‌ర్భాల్లో ఉద్యోగుల మ‌న‌సుల్లో అస్థిర‌త ఏర్ప‌డుతుంది. మోటారు వాహ‌నాల చ‌ట్టం, 1988 సెక్ష‌న్ 47  ప్ర‌కారం ఎవ‌రైనా వాహ‌న య‌జ‌మాని కొత్త రాష్ర్టానికి త‌ర‌లివెళ్లిన స‌మ‌యంలో అంత‌కు ముందు నివాసం ఉన్న‌రాష్ట్రం ఇచ్చిన రిజిస్ర్టేష‌న్ నంబ‌ర్ ను 12 నెల‌ల వ‌ర‌కు కొన‌సాగించుకోవ‌చ్చు. ఆ 12 నెల‌ల కాల వ్య‌వ‌ధిలోగా మారిన రాష్ట్రంలోని రిజిస్ర్టేష‌న్ అధికారి వ‌ద్ద వాహ‌నాన్ని రిజిస్ట‌ర్ చేసుకోవాల్సి ఉంటుంది.

ప్ర‌యాణికుల వాహ‌నాల యూజ‌ర్లు వాహ‌న రీ రిజిస్ర్టేష‌న్ విష‌యంలో ఈ దిగువ అంశాలు గుర్తుంచుకోవాలి...

(i) మారిన రాష్ట్రంలో కొత్త రిజిస్ర్టేష‌న్ నంబ‌ర్ పొంద‌డం కోసం వాహ‌నం అంత‌కు ముందు రిజిస్ట‌ర్ అయిన రాష్ట్రం నుంచి నో అబ్జెక్ష‌న్ స‌ర్టిఫికెట్ పొందాలి.

(ii) వాహ‌నానికి చెల్లించిన రోడ్ టాక్స్ ను ప్రో రాటా ప్రాతిప‌దిక‌న (కొత్త రాష్ర్టానిక‌ని ఇవ్వ‌వ‌ల‌సిన వాటా) చెల్లించిన త‌ర్వాత కొత్త రిజిస్ర్టేష‌న్ నంబ‌ర్ కేటాయిస్తారు.

(iii)  ప్రోరాటా ప్రాతిప‌దిక‌న రోడ్ టాక్స్ వాప‌సు చేయాల‌ని కోరుతూ అంత‌కు ముందు వాహ‌నం రిజిస్ట‌ర్ చేయించిన రాష్ర్టానికి అందించిన ద‌ర‌ఖాస్తు

ప్రోరాటా ప్రాతిప‌దిక‌న అంత‌కు ముందు చెల్లించిన రోడ్ టాక్స్ లో మిగిలిన మొత్తాన్ని వాప‌సు పొందే ప్ర‌క్రియ అత్యంత సంక్లిష్టంగా ఉంటుంది, ఒక రాష్ర్టానికి, మ‌రో రాష్ర్టానికి మ‌ధ్య‌న నిబంధ‌న‌ల్లో తేడాలుంటాయి.

ఈ నేప‌థ్యంలో రోడ్డు ర‌వాణా మంత్రిత్వ శాఖ వాహ‌న రిజిస్ర్టేష‌న్ కు కొత్త విధానం అమ‌లులోకి తేవాల‌ని భావిస్తోంది. ఈ విధానంలో కేటాయింపు “ఇన్” సీరీస్ లో ఉంటుంది. దీన్ని ప్ర‌యోగాత్మ‌క ప్రాతిప‌దికన అమ‌లుప‌రుస్తారు. ర‌క్ష‌ణ రంగ సిబ్బంది;   ప్రభుత్వ కంపెనీలు/  సంస్థ‌లు;  ఐదు లేదా అంతకు పైబడిన రాష్ర్టాలు, కేంద్రపాలిత ప్రాంతాల్లో కార్యకలాపాలు నిర్వహించే ప్రయివేటు కంపెనీలకు ప్ర‌యోగాత్మ‌క ప్రాతిప‌దిక‌న ఈ “ఇన్ సీరీస్” రిజిస్ర్టేష‌న్ విధానం అమ‌లుప‌రుస్తారు. ఈ విధానంలో మోటారు వాహ‌నాల ప‌న్ను ప్ర‌తీ రెండు సంవ‌త్స‌రాల‌కు లేదా రెండు గుణ‌కంలో ఆ పైబ‌డిన‌  సంవ‌త్స‌రాల‌కు వ‌సూలు చేస్తారు. ఈ స్కీమ్ వ‌ల్ల వ్య‌క్తిగ‌త‌ వాహ‌నాలు దేశంలోని ఏ రాష్ట్రం నుంచైనా మ‌రో రాష్ర్టానికి త‌ర‌లించుకుపోయే స్వేచ్ఛ ల‌భిస్తుంది.

ఇందుకు సంబంధించిన నిబంధ‌న‌ల‌కు తుది రూపం ఇచ్చే ముందు మంత్రిత్వ శాఖ వెబ్ సైట్ లో  ముసాయిదా నిబంధ‌న‌లుంచి నోటిఫికేష‌న్ ఇచ్చిన తేదీ నుంచి 30 రోజుల్లోగా స‌ల‌హాలు, సూచ‌న‌లు అందించాల‌ని ప్ర‌జ‌లు/  రాష్ర్టాలు/  కేంద్ర‌పాలిత ప్రాంతాల‌ను కోరారు.

***