প্রধান মন্ত্রী শ্রী নরেন্দ্র মোদিনা সভাপতি ওইদুনা ফমখিবা কেবিনেতনা কস্তম্স মেত্তরশিংদা কস্তম্স কোওপরেসন অমসুং ম্যুচুএল এদমিনিস্ত্রেতিব এসিস্তেন্স পীননবা ভারত সরকার অমসুং নোর্দর্ন আইয়রলেন্দ অমসুং য়ুনাইতেদ কিংদম ওফ গ্রেত ব্রিতেন সরকার অনিগী মরক্তা য়ানখিবা এগ্রীমেন্ত অদু এপ্রুব তৌখ্রে৷

ইমপেক্ত:

এগ্রীমেন্ত অসিনা কস্তম্স ওফেন্সশিং ইনবেস্তিগেসন তৌবদা অমসুং ঙাকথোকপদা দরকার ওইরিবা মরী লৈনবা ই-পাউশিং ফংহনবদা মতেং পাংলগনি৷ এগ্রীমেন্ত অসিনসু লৈবাক অনি অসিগী মরক্তা তৌরিবা ললোন-ইতিক্কী হিরমশিংদা হেন্না কান্নবা ফংহল্লগনি হায়না থাজনরি৷

ইমপ্লিমেন্তেসন স্ত্রাতিজি অমসুং তার্গেৎশিং:

এগ্রীমেন্ত অসি লৈবাকশিং অসিগী সরকারশিং অসিনা এপ্রুব তৌরবা মতুংদা লৈবাক অনি অসিগী সরকারশিংগী য়েংলগা শহি পীনরগনি৷ মসিগী এগ্রীমেন্ত অসি পার্তী অনিমক্তী ওথোরাইস রিপ্রজেন্তেতিবনা শহি পীরবা মতুংদা থা অদুগী অহানবা নুমিৎ অদুদগী চৎনবা হৌরগনি৷

বেক্তগ্রাউন্দ:

এগ্রীমেন্ত অসিনা লৈবাক অনি অসিগী কস্তম্স ওথোরিতীশিংগী মরক্তা ইনফোর্মেসন অমসুং ইন্তিলিজেন্স সেয়র তৌনবগী লিগেল ফ্রেমৱার্ক অমা শেম্লগনি অমসুং কস্তম্স লোশিং নিংথিনা চৎনহনবদা, ললোন-ইতিক লাইনা তৌহনবদা, কস্তম্স ওফেন্সশিং ইনবেস্তিগেসন তৌবদা অমসুং ঙাকথোকপদা মতেং পাংলগনি৷ পুখৎলক্লিবা এগ্রীমেন্ত অসিগী দ্রাফত তেক্স অদু ফাইনেলাইজ তৌখ্রে৷ এগ্রীমেন্ত অসিনা ভারত কস্তম্সকী য়েংশিন্নিংঙাই ওইরবা হিরমশিং অমসুং  অৱাৎপশিং মরু ওইনা লৈবাক অনি অসিগী মরক্তা ললোন-ইতিক তৌনরিবা পোৎলমশিংগী লাকফম থিবদা, তেরিফ ক্লাসিফাই তৌবদা অমসুং অচুম্বা কস্তম্স ভেল্যু থম্বদা দরকার ওইরিবা ই-পাউ পীথোক-পিশিন তৌবগী হিরম অদুদা য়েংশিল্লগনি৷

                                                                                          ******