প্রধান মন্ত্রী শ্রী নরেন্দ্র মোদীনা ঙসি য়ুনাইতেদ স্তেতস ওফ আমেরিকাগী রাস্ত্রপতী হিজ এক্সেলেন্সি জোসেফ আর. বিদেনগা লোয়ননা তেলেফোন্দা ৱারী শানখ্রে।

লুচিংবা অনি অসিনা মখোয়গী লৈবাক্কী ওইবা কোবিদ-১৯গী ফিভমগী মতাংদা খন্ন-নৈনখি, হায়রিবা অসিদা ভারতনা হৌজিক খোঙজেল য়াংনা ভেক্সিনেসন অসিগী মতেংনা কোবিদ-১৯গী অনিশুবা ৱেব অসি লাকশিন্নবা হোৎনরিবা অমসুং য়াম্না মরু ওইবা হিদাক-লাংথক, থেরাপ্যুতিক্স অমসুং হেলথকেয়রগী মচাকশিং অসি য়াওরি।

রাস্ত্রপতী বিদেন্না ভারতকা অমতা ওইনা পুনবগী অপাম্বা পীরক্লি অমসুং য়ুনাইতেৎ স্তেতসনা ভারত্তা য়াম্না থুনা রিসোর্স পীদুনা হায়বদি থেরাপ্যুতিক্স, ভেন্তিলেতর অমসুং কোবিশীল্দ ভেক্সিন শাবদা চংবা মচাকশিং মশক খঙদোক্তুনা ফংহনবা য়াওনা মতেং পাংনবা লেপ্লি।

য়ুনাইতেৎ স্তেতস ওফ আমেরিকাগী সরকারনা পীরক্লিবা মতেং অসিদা প্রধান মন্ত্রী নরেন্দ্র মোদীনা থৱায়-হকচাং য়াওনা থাগৎপা ফোংদোক্লি। ভেক্সিন মাইত্রীগী মতেংনা মালেমগী ওইনা কোবিদ-১৯গী লায়চৎ অসি লাকশিন্নবা লৌরিবা থবকশিং অমসুং কোভাক্সতা শরুক য়ারিবা অমসুং ক্বাদ ভেক্সিনগী খোঙথাং লৌখৎলিবা অসিদা ভারতনা লৌরিবা ফিরেপ অসি মহাক্না পনখি। প্রধান মন্ত্রীনা রো মেতরিএলগী সপ্লাই চেন অসি অপনবা লৈতবা অমসুং ওপন ওইহনবা অমসুং ভেক্সিন অসি শাবদা তঙাইফদনা চংদবা য়াদবা পোৎলমশিং পীবা, হিদাক লাংথক অমসুং কোবিদ-১৯দা মরী লৈনবা থেরাপ্যুতিক্সশিং অসিদা মরুওইবা পীখি।

লুচিংবা অনি অসিনা কোবিদ-১৯গী লায়চৎ অসি নমথনবগীদমক ভেক্সিন অসি হেন্না অফবা অমা পুথোক্নবা অমসুং য়েনথোকনবা থম্লিবা ইন্দিয়া-য়ু.এস. অনিগী মরী অসিনা ওইরকপা য়াবশিংগী মরুওইবা পীখি অমসুং মখোয়গী মরী লৈনবা ওফিসিএলশিংদা দোমেইন অসিদা মখোয়না হোৎনরিবা অসি কোওর্দিনেসন অমসুং কোওপরেসন পীনবা হায়রি।  

চাওখৎলক্লিবা লৈবাকশিংদা ভেক্সিন অমসুং হিদাক-লাংথকশিং অসি য়াম্না থুনা অমসুং লায়না ফংহনবা য়াননবা তি.আর.আই.পি.এস.গী এগ্রীমেন্তগী চৎনরিবশিং অসি কোমথোক্নবা দবল্যু.তি.ও.দা ভারতনা লৌখৎলিবা খোঙথাংশিং অসিগী মরমদা প্রধান মন্ত্রী নরেন্দ্র মোদীনা রাস্ত্রপতী বিদেন্দা খঙহনখি।

লুচিংবা অনিনা তোইনা পাও ফাওনবা হায়না য়ানখি। 

*****