ਸੈਂਟਰਲ ਬੋਰਡ ਆਫ ਇਨਡਾਇਰੈਕਟ ਟੈਕਸੇਜ਼ ਅਤੇ ਕਸਟਮਸ (ਸੀ ਬੀ ਆਈ ਸੀ) ਨੇ ਵਪਾਰ , ਉਦਯੋਗ ਅਤੇ ਵਿਅਕਤੀਆਂ ਨੂੰ ਸਹਿਯੋਗ ਦੇਣ ਅਤੇ ਕੋਵਿਡ 19 ਨਾਲ ਸੰਬੰਧਤ ਦਰਾਮਦ ਸੰਬੰਧੀ ਪੁੱਛਗਿੱਛ ਦੇ ਹੱਲ ਲਈ ਕਸਟਮਸ ਕਲੀਅਰੈਂਸ ਵਿੱਚ ਤੇਜ਼ੀ ਲਿਆਉਣ ਲਈ ਸਮਰਪਿਤ ਸੇਵਾ ਡੈਸਕ ਸਥਾਪਿਤ ਕੀਤਾ ਹੈ । ਜਿਵੇਂ ਕਿ ਤੁਸੀਂ ਜਾਣਦੇ ਹੋ ਭਾਰਤ ਸਰਕਾਰ ਕੋਵਿਡ ਸੰਬੰਧੀ ਦਰਾਮਦ ਲਈ ਨਿਰਵਿਘਨ ਤੇ ਜਲਦੀ ਤੋਂ ਜਲਦੀ ਕਸਟਮਸ ਕਲੀਅਰੈਂਸ ਦੇਣ ਲਈ ਵਚਨਬੱਧ ਹੈ ਤਾਂ ਜੋ ਇਹ ਵਰਤੋਂ ਕਰਨ ਵਾਲਿਆਂ / ਲਾਭਪਾਤਰੀਆਂ ਨੂੰ ਸਮੇਂ ਸਿਰ ਪਹੁੰਚ ਸਕੇ । 
ਵੱਖ ਵੱਖ ਹਲਕਿਆਂ ਤੋਂ ਵਿਭਾਗ ਨੂੰ ਪੁੱਛਗਿੱਛ ਅਤੇ ਬੇਨਤੀਆਂ ਪ੍ਰਾਪਤ ਹੋਈਆਂ ਹਨ । ਇਹ ਵੱਖ ਵੱਖ ਮੰਤਰਾਲਿਆਂ ਤੋਂ ਪੰਜੀਕਰਨ ਲੋੜਾਂ ਸੰਬੰਧੀ ਕਲੀਅਰੈਂਸ ਪ੍ਰਕਿਰਿਆ ਬਾਰੇ ਜਾਨਣ ਅਤੇ ਟੈਕਸਾਂ ਵਿੱਚ ਦਿੱਤੇ ਛੋਟ ਲਾਭਾਂ ਦੀ ਉਪਲਬੱਧਤਾ ਨਾਲ ਸੰਬੰਧਤ ਹਨ । ਇਸ ਪ੍ਰਕਿਰਿਆ ਨੂੰ ਠੀਕ ਠਾਕ ਕਰਨ ਅਤੇ ਉਪਾਅ ਸੰਬੰਧੀ ਸਿ਼ਕਾਇਤਾਂ ਤੇ ਸਾਰੇ ਸਵਾਲਾਂ ਦੇ ਹੱਲ ਲਈ ਸੀ ਬੀ ਆਈ ਸੀ ਵੱਲੋਂ ਸਮਰਪਿਤ ਸੈੱਲ—1 ਸਥਾਪਿਤ ਕੀਤਾ ਗਿਆ ਹੈ । 
ਵਪਾਰ ਸੰਬੰਧੀ ਕਲੀਅਰੈਂਸ ਦੇ ਸਹਿਯੋਗ ਲਈ ਇੱਕ ਆਨਲਾਈਨ ਫਾਰਮ ਯੂ ਆਰ ਐੱਲ  (https://t.co/IAOQenWwO2)  ਤਹਿਤ ਬਣਾਇਆ ਗਿਆ ਹੈ , ਜਿਸ ਰਾਹੀਂ ਜਲਦੀ ਤੋਂ ਜਲਦੀ ਸਿ਼ਕਾਇਤਾਂ ਦੇ ਹੱਲ ਲਈ ਇੱਕ ਬਣੇ ਬਣਾਏ ਫਾਰਮੈਟ ਤਹਿਤ ਵੇਰਵੇ ਮੰਗੇ ਜਾਂਦੇ ਹਨ । ਆਮ ਪੁੱਛਗਿੱਛ ਲਈ ਯੂਜ਼ਰਜ  icegatehelpdesk@icegate.gov.in  ਈ—ਮੇਲ ਰਾਹੀਂ ਵੇਰਵੇ ਭੇਜ ਸਕਦੇ ਹਨ । ਟੋਲ ਫ੍ਰੀ ਨੰਬਰ 1800—3010—1000 ਤੇ ਕਾਲ ਕਰ ਸਕਦੇ ਹਨ । ਸਹਾਇਤਾ ਡੈਸਕ ਰਾਹੀਂ ਪ੍ਰਾਪਤ ਹੋ ਰਹੀਆਂ ਬੇਨਤੀਆਂ ਨੂੰ ਸਹਾਇਤਾ ਡੈਸਕ ਜਲਦੀ ਤੋਂ ਜਲਦੀ ਹੱਲ ਲਈ ਨਿਗਰਾਨੀ ਕਰੇਗਾ । 
ਹੋਰ ਸਥਾਨਕ ਪੱਧਰ ਤੇ ਸਿ਼ਕਾਇਤਾਂ ਦੇ ਹੱਲ ਲਈ ਜ਼ੋਨਲ ਪੱਧਰ ਨੋਡਲ ਅਧਿਕਾਰੀ ਵੀ ਨਾਮਜ਼ਦ ਕੀਤੇ ਗਏ ਹਨ ਅਤੇ ਇਸ ਨੂੰ ਯੂ ਆਰ ਐੱਲ  (https://www.cbic.gov.in/resources//htdocs-cbec/CBIC%20Nodal%20Officers%20for%20Covid%2019%20Revised.pdf) ਤੇ ਦੇਖਿਆ ਜਾ ਸਕਦਾ ਹੈ ।

ਸ਼੍ਰੀ ਗੌਰਵ ਮਸਲਦਾਨ , ਸੰਯੁਕਤ ਸਕੱਤਰ ਕਸਟਮਸ ਵਸਤਾਂ ਦੀ ਜਲਦੀ ਕਲੀਅਰੈਂਸ , ਕੋਵਿਡ ਸੰਬੰਧੀ ਉਪਕਰਨ ਅਤੇ ਕੱਚੀ ਸਮੱਗਰੀ , ਵਿਸ਼ੇਸ਼ ਕਰਕੇ ਆਕਸੀਜਨ ਤੇ ਆਕਸੀਜਨ ਸੰਬੰਧਤ ਉਪਕਰਨ ਅਤੇ ਸਿ਼ਕਾਇਤਾਂ ਦੇ ਉਚਿਤ ਨਿਵਾਰਨ ਲਈ ਸੀ ਬੀ ਆਈ ਸੀ ਵਿੱਚ ਨੋਡਲ ਅਧਿਕਾਰੀ ਹੋਣਗੇ । ਸਹਾਇਤਾ ਡੈਸਕ ਜਾਂ ਜ਼ੋਨਲ ਅਧਿਕਾਰੀਆਂ ਰਾਹੀਂ ਸਿ਼ਕਾਇਤਾਂ ਦਾ ਹੱਲ ਨਾ ਹੋਣ ਦੇ ਕੇਸ ਵਿੱਚ ਉਹਨਾਂ ਨੂੰ ਐੱਸ ਐੱਮ ਐੱਸ ਜਾਂ ਵਾਟਸ ਐਪ ਨੰਬਰ 9810619628 ਜਾਂ ਈ—ਮੇਲ  masaldan.gaurav[at]nic[dot]in  ਤੇ ਖੁੱਦ ਵਿਸਥਾਰ ਦੇ ਕੇ ਭੇਜਿਆ ਜਾ ਸਕਦਾ ਹੈ । 

************************

ਆਰ ਐੱਮ / ਐੱਮ ਵੀ / ਕੇ ਐੱਮ ਐੱਨ