ঙসি প্রধান মন্ত্রী শ্রী নরেন্দ্র মোদিনা কোবিদ-১৯গী ফিভমগী মতাংদা জাতিদা ৱা ঙাংখ্রে৷

হৌখিবা মতম খরা অসিদা লাইনা-লাইচৎ অসিনা মরম ওইদুনা শিহনখিবা মীওইশিং অদুগীদমক প্রধান মন্ত্রীনা নুংঙাইতবা ফোংদোকখ্রে৷ “অসিগুম্বা য়াম্না ৱারবা নুংঙাইতবা মতম অসিদা ইমুং অমগী মীওই অমগুম্না ঐ নখোয় ময়ামগা পুন্না লেপমিন্নরি৷ চেলেঞ্জ অসি য়াম্না পাক চাওই, অখাং-কনবা থৌনা অমসুং চেকশিন্না শেম-শাদুনা ঐখোয় পুম্নমক অমতা ওইনা লেপমিন্নদুনা লাইচৎ অসি ঐখোয়না মাই পাক্না থেংনগদবনি” হায়না প্রধান মন্ত্রীনা ফোংদোকখ্রে৷ কোরোনা লাইনা অসি থেংনবদা অচৌবা থৌদাং লৌরিবা দোক্তরশিং, মেদিকেল স্তাফ, পেরামেদিকেল স্তাফ, সেনিতেসন ৱার্করশিং, এম্বুলেন্স দ্রাইভরশিং, সেক্যুরিতী ফোর্সশিং অমসুং পুলিস ফোর্সশিংবুসু মহাক্না থাগৎখ্রে৷

লৈবাক অসিগী তোঙান তোঙানবা মফমশিংদা ওক্সিজেনগী দিমান্দ হেনগৎলক্লিবা অসি পীবা ঙম্নবা সরকার অসিনা খোঙজেল য়াংনা অমসুং য়াম্না সেন্সিতিব ওইনা হোৎনরি হায়না প্রধান মন্ত্রীনা ফোংদোকখ্রে৷ ওক্সিজেন দরকার লৈরিবা মীওই খুদিংমক্তা ওক্সিজেন ফংহন্নবা কেন্দ্র, রাজ্য সরকারশিং অমসুং প্রাইভেৎ সেক্তরনা হোৎনরি৷ ওক্সিজেন হেন্না পুথোক্নবা অমসুং সপ্লাই তৌননবা হোৎনরিবশিং অসি তোঙান তোঙানবা থাকশিংদা লৈরে৷ অনৌবা ওক্সিজেন প্লান্তশিং ইন্সতোল্দ তৌবা, অনৌবা সিলিন্দর লাখ অমা ফংহনবা, ইন্দস্ত্রিদা ওক্সিজেন শিজিন্নরিবা অসিদগী দাইবর্ত তৌনবা হোৎনবা অমসুং ওক্সিজেন রেলগুম্বা খোঙথাংশিং অসি লৌখৎলি৷

ঐখোয়গী সাইন্তিস্তশিংনা কোবিদ-১৯গী ভেক্সিন অসি অতেনবা মতমদা পুথোকখ্রে অমসুং ঙসিদি ভারত লৈবাক অসিদা মালেম অসিদা খ্বাইদগী হোংবা ভেক্সিন ফংলে হায়না প্রধান মন্ত্রীনা ফোংদোকখ্রে৷ ময়াম পুন্না হোৎনমিন্নবা অসিনা মরম ওইদুনা, ভারতনা ভারততা শাজবা ভেক্সিন অনি শিজিন্নদুনা মালেম অসিদা খ্বাইদগী চাওবা ভেক্সিনেসন দ্রাইব পাংথোকখ্রে৷ ভেক্সিনেসন দ্রাইব অসিগী অহানবা ফেসতগী হৌদুনা, ভেক্সিনেসন তৌবগী থবক অসি মফম অয়াম্বদা অমসুং ভেক্সিন অসিবু তঙাই ফদ্রিবা মীওইশিংদা কাপ্পা হৌহনখ্রে৷ মালেম অসিদা খ্বাইদগী অতেনবা মতমদা ভারতনা অহানবা কোতি ১০, কোতি ১১ অমসুং কোতি ১২ ভেক্সিন দোস কাপখ্রে৷

ঙরাং ভেক্সিনগা মরী লৈননা লেপ্নখিবা ৱারেপ অদুগী মতাংদা ৱা ঙাংলদুনা, মে ১গী মতুংদগীদি লৈবাক অসিদা লৈরিবা চহী ১৮গী মথক্তা লৈরিবা মীওই খুদিংমক ভেক্সিন কাপকদবনি হায়না প্রধান মন্ত্রীনা ফোংদোকখ্রে৷ ভারততা পুথোক্লিবা ভেক্সিনগী শরুক তংখায়দি রাজ্যশিং অমসুং হোস্পিতালশিং অসিদা হকথেংননা ফংহল্লগনি৷

মীয়ামশিং অসিগী পুন্সি কন্দুনা, ইকোনেমিক এক্তিবিতীশিং অসিদা শোকহন্দনবা অমসুং মীয়ামগী পুন্সিদা পীরিবা মাংনিংঙাই ওইরবা ইমপেক্ত অসি হন্থহন্নবা হোৎনরি হায়না প্রধান মন্ত্রীনা ফোংদোকখ্রে৷ চহী ১৮গী মথক্তা লৈরিবা মীওইশিং অসিদা ভেক্সিন কাপ্পা হৌদোক্তুনা, সহরশিংদা লৈরিবা ৱার্কফোর্সকীদমক ভেক্সিন অসি অথুবা মতমদা ফংহল্লগনি৷ শিন্মীশিং অসিগী থাজবা অমসুং থৌনা অসি রাজ্য সরকারশিং অসিনা হাপকদবনি অমসুং মখোয়না লৈরিবা মফম অদুমক্তদা লেংদনা লৈনিংবা ফাওহন্নবা হোৎনগদনি হায়না প্রধান মন্ত্রীনা রাজ্য সরকারশিংদা হায়জখ্রে৷ অসিগুম্না রাজ্যশিংনা লেপ্পিবা অসিনা ৱার্করশিং অমসুং লেবরশিং অসিদা চাওনা মতেং ওইরগনি অমসুং মখোয়না লৈরিবা মফমশিং অসিদা ভেক্সিন ফংহন্দুনা মখোয়না শুরিবা থবকশিং অদুদসু অকাইবা পীররোই৷

লাইনা-লাইচৎ অসিগী অহানবা ৱেব লাকপা মতমদা থেংনখিবা চেলেঞ্জশিং অসিদা লৈখিবা নোলেজ অমসুং রিসোর্চ অদুদগী হেন্না হৌজিক্তি লৈরে হায়না প্রধান মন্ত্রীনা ফোংদোকখ্রে৷ লৈবাক অসিদা লৈরিবা মীয়াম পুন্না শরুক য়ামিন্নরবা মতমদা, ঐখোয়না কোরোনাগী ৱেব অসিসু মাইথীবা পীবা ঙমগনি হায়না প্রধান মন্ত্রীনা ফোংদোকখ্রে৷ মীয়ামশিং অসিনা মতেং দরকার ওইরকপা মতমদা অচৌবা থৌদাং লৌরিবা সোসিয়েল ওর্গনাইজেসনশিং অসিবুসু মহাক্না থাগৎখ্রে৷

নহাশিংনা মখোয় মখোয়না লৈরিবা মফমশিং অমসুং থংনরিবা মফমশিং অদুদা কোবিদ এপ্রোপিয়েত বিহেবিহর অসি নিংথীজনা পাংথোকপদা মতেং পাংননবা নহাশিং অসিদা প্রধান মন্ত্রীনা ফোংদোকখ্রে৷ মসিনা কন্তেনমেন্ত জোনশিং, কর্ফিয়ুশিং নত্রগা লোকদাউনশিং তৌবদগী কনবা ঙমগনি৷ ইমুং অমদা লৈরিবা মীওইশিংনা দরকার ওইদবা মতমদা য়ুমগী মপানদা থোক্তনবা মহাক্না হায়খ্রে৷

ঙসিগী ফিভম অসিদা, ঐখোয়না লৈবাক অসিদা লোকদাউন তৌদনবা হোৎনগদবনি হায়না প্রধান মন্ত্রীনা ফোংদোকখ্রে৷ রাজ্য সরকারশিংনা লোকদাউন অসি অরোইবা পাম্বৈ অমা ওইনা শিজিন্ননবা মহাক্না হায়খ্রে৷ মাইক্রো কন্তেনমেন্ত জোনশিংদা ঐখোয়না হেন্না পুক্নিং চংগদবনি অমসুং লোকদাউন অসি য়ারিবমঙৈ তৌদনবা হোৎনগদবনি হায়না প্রধান মন্ত্রীনা ফোংদোকখ্রে৷ 

******