భారత పరిశ్రమ అవసరాలను గుర్తించి అందుకు అనుగునమైన విధానాన్ని అవలంబించే క్రమంలో కేంద్ర ఆరోగ్య, కుటుంబ సంక్షేమ మంత్రిత్వశాక కీలకమైన నిర్ణయం తీసుకోవటం ద్వారా ఎనిమిది రకాల వైద్య పరికరాల అందుబాటు నిరాటంకంగా ఉండేలా చూసింది. అంతకుముందు ఈ దిగువ పేర్కొన్న వైద్య పరికరాలను ఔషధాలు, సౌందర్యసాధనాల చట్టం కింద నియంత్రించటానికి మంత్రిత్వశాఖ నోటిఫికేషన్ జారీచేసింది. ఇది 2021 ఏప్రిల్ 1 నుంచి అమలులోకి రావాల్సి ఉంది.  

అమర్చటానికి వీలయ్యే అన్ని వైద్య పరికరాలు;

సిటి స్కాన్ పరికరాలు;

ఎం ఆర్ ఐ పరికరాలు;

డీఫైబ్రిలేటర్లు;

పిఇటి పరికరాలు

డయాలసిస్ మెషిన్

ఎక్స్ రే మెషిన్

ఎముక మూలుగ కణ విభాజకం

ఈ ఆదేశం ప్రకారం దిగుమతిదారులు/తయారీదారులు కేంద్ర ప్రభుత్వ లేదా రాష్ట్రప్రభుత్వ అనుమతితోనే 2021 ఏప్రిల్ 1 నుంచి దిగుమతి లేదా తయారీచేపట్టాల్సి ఉంటుంది.

అయితే, వీటి సరఫరా నిరాటంకంగా సాగేందుకు, కొత్త నియమవాళికిందికి మారటంలో ఎలాంటి ఇబ్బందులూ రాకుండా చూసేందుకు కేంద్ర ప్రభుత్వం ఈ ఆదేశాన్ని సవరించింది. ఇప్పటికే ఈ పరికరాలను దిగుమతి చేసుకుంటున్న లేదా తయారు చేస్తున్నవారు లేదా వీటి తయారీ/ దిగుమతి లైసెన్స్ కోసం కేంద్రానికి లేదా రాష్ట్రానికి దరఖాస్తు చేసుకున్నవారు మరో ఆరు నెలలపాటు లేదా అంతకుముందే నిర్ణయం తీసుకుంటే అప్పటిదాకా ఈ కార్యకలాపం కొనసాగించటానికి అనుమతించింది. 

***