প্রধানমন্ত্রীগী লোইশঙ
পি.এম.না জোর্দান লৈবাক শেমগৎখিবা চহী ১০০ শুরকপগা মরী লৈননা পাংথোক্লিবা থৌরমদা নিংথৌ অব্দুল্লাহ II অমসুং জোর্দানগী হশেমাইত কিংদমগী প্রজা মীয়াম্বু নুংঙাইবা ফোংদোকখ্রে
Posted On:
13 APR 2021 10:58PM by PIB Imphal
প্রধান মন্ত্রী, শ্রী নরেন্দ্র মোদিনা ভিদিও মেসেজ অমগী খুৎথাংদা জোর্দানগী রাজ্য শেমগৎখিবা চহী ১০০ শুরকপগা মরী লৈননা পাংথোক্লিবা থৌরমদা নিংথৌ অব্দুল্লাহ II অমসুং জোর্দানগী হশেমাইত কিংদমগী প্রজা মীয়াম্বু নুংঙাইবা ফোংদোকখ্রে৷
মহাক্কী ভিদিও মেসেজ অদুদা, প্রধান মন্ত্রী অসিনা নিংথৌ অব্দুল্লাহ II অমসুং জোর্দানগী প্রজাশিংবু থমোই শেংনা নুংঙাইবা ফোংদোকখ্রে৷ মিৎয়েং শাংনা উবা ঙম্বা নিংথৌ অব্দুল্লাহগী লুচিং মখাদা, জোর্দান লৈবাক অসিনা ইকোনোমিক অমসুং সোসিয়ো-কল্চরেল ফিল্দশিংদা কা-হেন্না চাওখৎপা পুরকপা ঙম্লিবনি হায়না প্রধান মন্ত্রীনা ফোংদোকখ্রে৷ নোংচুপ থংবা এসিয়াদা শিন্তি হেন্না লৈহন্নবা নিংথৌ অব্দুল্লাহ- IIনা লৌখিবা থৌদাং অদু পল্লদুনা, ঙসিদি জোর্দান লৈবাক অসি মোদিরেসন অমসুং ইনক্লুসিবিতীগী গ্লোবেল সিম্বোল অমা ওইনা অমসুং শক্তি লৈরবা খোল্লাউ অমা ওইনা থোকলক্লে হায়না প্রধান মন্ত্রীনা ফোংদোকখ্রে৷
ভারত অমসুং জোর্দান লৈবাক অনি অসিগী মরক্তা লৈরিবা মরী অদু পল্লদুনা, নিংথৌ অব্দুল্লাহ- IIনা ইতিহাসিক ওইরবা মওং অমদা ২০১৮দা ভারততা লাক্তুনা তোলিরেন্স, য়ুনিতী অমসুং মীওইবা জাতিবু ইকাই খুম্নবা উৎপগী ২০০৪গী অমন মেসেজ অদু প্রধান মন্ত্রীনা অমুক হন্না পনখ্রে৷
লৈবাক অমা অসি শান্তি লৈনা লৈহনবা অমসুং চাওখৎপা পুরকপা মতমদা মোদিরেসন অমসুং পিছফুল কো-একজিস্তেন্স অসি য়াম্না মরু ওই হায়বা থাজবা অসিদা ভারত অমসুং জোর্দান লৈবাক অনি অমতা ওইনা লেপ্লি হায়না প্রধান মন্ত্রীনা ফোংদোকখ্রে৷
মীওইবা জাতি অসিগী তুমগী পুন্সি অসিদা হেন্না শাফবা মওং অমদা পুরক্নবগীদমক লৈবাক অনি অসিনা পুন্না খুৎশম্নদুনা লেপ্পা-লৈতনা হোৎনরগনি হায়না মহাক্না ফোংদোকখ্রে৷
*****
(Release ID: 1711867)
Visitor Counter : 96
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam