প্রধান মন্ত্রী শ্রী নরেন্দ্র মোদিনা ভিদিও কনফরেন্সিংগী খুৎথাংদা ২০২১গী এপ্রিল ১৪গী অয়ুক্কী পুং ১১ তাবা মতমদা এসোসিয়েসন ওফ ইন্দিয়ন য়ুনিভর্সিতীগী ৯৫শুবা এনুএল মীত অমসুং ভাইস-চাঞ্চলরগী নেস্নেল সেমিনারদা ৱা ঙাংলগনি৷ মহাক্না দা. বি.আর. অমবেদকরগা মরী লৈননা শ্রী কিশোর মকৱানানা ইবা লাইরিক মরিসু লোঞ্চ তৌরগনি৷ থৌরম অসিদা গুজরাতকী রাজ্যপাল অমসুং মুখ্য মন্ত্রী অমসুং কেন্দ্রগী এজুকেসন মন্ত্রীসু শরুক য়ারগনি৷ থৌরম অসি অহমেদবাদতা লৈরিবা দা. বাবাসাহেব অমবেদকর ওপন য়ুনিভর্সিতীনা শিল্লগনি৷

এ.আই.য়ু. মীত অমসুং নেস্নেল সেমিনার ওফ ভাইস-চাঞ্চলরগী মরমদা

লৈবাক অসিদা লৈরিবা হাইয়র এজুকেসনগী প্রিমিয়র এপেক্স বোদী অমা ওইরিবা, এসোসিয়েসন ওফ ইন্দিয়ন য়ুনিভর্সিতী(এ.আই.য়ু.)না ২০২১ সচহী অসিগী এপ্রিল ১৪-১৫দা মহাক্কী ৯৫শুবা এনুএল মীত পাংথোক্লগনি৷ মীত অসিদা এ.আই.য়ু.না হৌখিবা চহীশিং অসিদা ফংখিবা এচিবমেন্তশিং, মহাক্কী ফাইনান্সিয়েল স্তেতমেন্ত অমসুং মতুং তারকপদা পাংথোক্কদৌরিবা এক্তিবিতীশিংগী স্কিম অদু উৎথোক্লগনি৷ মসি জোনাল ভাইস-চাঞ্চলর মীতকী রিকম্মেন্দেসনশিংগী মরমদা অমসুং চহী অসিদা পাংথোকখিবা অতোপ্পা খন্ন-নৈনখিবা অদুগী মতাংদা মেম্বরশিং অসিদা খঙহন্নবা প্লেতফোর্ম অমসু ওইরি৷

মীত অসিনা দা. সর্ভেপল্লি রাধাকৃষ্ণ অমসুং দা. শ্যাম প্রসাদ মুখর্জীগুম্বা স্তেলৱার্ত পেত্রোনেজকী মখাদা ১৯২৫দা লিংখৎখিবা এ.আই.য়ু.গী ৯৬শুবা মপোক কুমওন্দা পাংথোক্লগনি৷

ভারততা হাইয়র এজুকেসন অসি ত্রান্সফোর্ম তৌনবা নেস্নেল এজুকেসন পোলিসী-২০০ চৎনহনবা'  হায়বা থীম অসিদা ভাইস-চাঞ্চলরগী নেস্নেল সেমিনার অমা মীত অসিদসু পাংথোক্কদৌরি৷ মসিনা হন্দক্তা লো়ঞ্চ তৌখিবা নেস্নেল এজুকেসন পোলিসী-২০২০ অসি মহাক্কী প্রাইমরী স্তেকহোল্দরশিং ওইরিবা, মহৈরোইশিং অসিদা ক্লিয়র-কত এক্সন প্লানগা লোইননা পাংথোক্ননবগীদমক ইমপ্লিমেন্তেসন স্ত্রাতিজিশিং পুথোক্নবা পান্দম থম্লি৷

রিলিস তৌগদৌরিবা লাইরিকশিং অসিগী মরমদা

বাবা সাহেব ভিমরাউ অমবেদকরকী পুন্সি ৱারি য়ুমফম ওইদুনা শ্রী কিশোর মকৱানানা ইবা মখাগী লাইরিক মরি অসি প্রধান মন্ত্রীনা রিলিস তৌরগনি:

১.  দা. অমবেদকর জিবন দর্শন,

২.  দা. অমবেদকর  ব্যাক্তি দর্শন,

৩. দা. অমবেদকর  রাস্ত্র দর্শন, অমসুং

৪. দা. অমবেদকর আয়াম দর্শন

                                                                                                     *****